Zefaniah 1:18 - Tedim Bible

¹⁸ Topa’ heh thukna ni hong tun’ ciangin, amau’ ngun leh amau’ khamte in honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitunga teeng mi khempeuh sumai ding hi.

Tedim Bible Revision 2017

¹⁸ Topaʼ heh thuk ni hong tun ciangin a ngun le a khamte un amaute hon khia zo lo ding hi. Ama hehna meikuang in leitung khempeuh kaang tum dinga, thakhat thu-in leitung a teeng mi khempeuh a sumai ding hi.

Zefaniah 1:18 Referans Kwoze

Zefaniah 3:8

Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte leh kumpi gamte kaikhawmin, ka hehna ka thuaksak ding, ka lungsim ka khentat khin hi. Ka heh luatna meikuang tawh, leitung khempeuh kangtum ding hi.

Ezekiel 7:19

Topa’ hehna amau tungah a tun’ ni ciangin, a ngun a khamte un amaute suahtak thei lo ahih manin, a ngun a khamte uh nin bangin kongzing lakah pai ding uh hi. A gilkial uh ciangin zong an bangin tuate ne thei lo uh hi. Ngun leh khamte in amaute mawhna sung tumpih zaw hi.

Paunak 11:4

Hauhna in na sih nading panin hong hu thei lo a, thumanna in na sih ding hong hu thei hi.

Mattiu 16:26

Mi khat in leitung khempeuh a ngah hangin ama nuntakna mangthang leh, bang phattuamna ngah ding ahi hiam? Mi khat in ama nuntakna bang sum tawh lei kik thei ding ahi hiam?

Piancilna 6:7

Tua ahih ciangin Topa in, “Ka piansaksa mihing, ganhing, a bokvak ganhingte leh huih lak vasate, lei maitang panin ka phiatkhia ding hi, bang hang hiam cih leh amaute ka bawl ka khial hi,” ci hi.

Zefaniah 1:15

Tua ni in heh mahmah ni, lungkham sinkham ni, tuahsia-in kisuksiat gawp ni, khua ziingin maimial ni, meiipi kai-in huihpi nun’ ni,

Zefaniah 1:11

Khuapi Veng Nuainung sunga teeng mite aw, hih bang gamlumna na zak uh ciangin kapin thuum un. Bang hang hiam cih leh sumbukte khempeuh kisia ding uh hi.

Ezekiel 16:38

Midang tawh na mawhna hang leh na mi thahna hangin thu kong khen ding a, ka hehna tawh sihdaan kong pia ding hi.

Jeremiah 9:11

Jerusalem khua ninkholna ka bangsak ding a, se-alte’ teen’na ka suak sak ding hi. Judah khuapite gamlak ka suak sak ding a, kuamah a teeng nawn kei ding hi,” a ci hi.

Jeremiah 7:20

Tua ahih manin Topa in kong cih-inah: En in, ka hehna leh ka thangpaihna hih munah ka bua ding-a, mihingte tung leh ganhingte tung, lo lai-a singkungte leh lei laka singgahte tungah ka sung ding hi. Ka hehna a kuang ding a, a kisumit kei ding hi.

Isaiah 1:24

Tua ahih ciangin, Topa, Vanglianpen Topa, Israelte’ Vanglian Pa in hih bangin ci hi: “Ah, ka lang ahi note tungah ka hehna kong khahkhia ding a, ka gal ahi note tungah keimah in kong thuk ding hi.

Late 78:58

Bang hang hiam cih leh amaute in amau’ munsangte tawh amah a sinso nadingin phin uh a, amau’ milim bawlte tawh ama hazat nading piangsak uh hi.

1 KUMPI MASATE 14:22

Tua ciangin Judah mite in Topa’ muhna ah a sia gamta uh a, a pu a pate khempeuh uh hih sangin a tam zaw-in amau’ hih a khialhnate uh tawh ama hazat nading piangsak uh hi.

Thu-hilhkikna 31:17

Tua hun ciangin amaute tungah ka hehna so-in, amaute nusia-in ka mai ka seel ding a, amaute beimang ding uh hi; tua ni ciangin amaute in, ‘Eite lakah i Pasian a om loh manin hih siatnate i tungah hong tung hilo ahi hiam? a cih theih nadingun amaute tungah siatna leh gimna tampi tung ding hi.

Paunak 18:11

Khuapi kim-a kulhpi in amah a hut bangin, a hauhna in amah a hu dingin mihaupa in ngaihsun kha hi.

Late 79:5

Topa aw, bang tanvei hi ding hiam? Heh paisuak ding na hi hiam? Nangma hazat hehna, mei bangin kuang paisuak ding ahi hiam?

JOB (Job) 21:30

Pasian hehin daan a piak ciangin, migilote peng tawntung zawsop hi.

1 KORIN MASA 10:22

Ahih kei leh, Topa’ heh nadingin phin ding i hi hiam? Amah sangin hatzaw i hi hiam?

Jeremiah 7:34

Tua ciangin Judah gam khuapite leh Jerusalem khua kongzing lakah gualnopna leh lungdamna awte leh zi nei thakte leh mothakte’ awte ka gingsak nawn kei ding hi; bang hang hiam cih leh tua mun kinusia ding hi.

Ezekiel 7:5

Topa Pasian in a gen thu in, “Note tungah haksatna khat khit khat a ban banin hong tung thuahthuah ding hi.

Ezekiel 7:11

Mi gilote’ hauhna leh lungmuan’ nate haksa loin beimang ding hi.

Ezekiel 23:25

Nangma tungah kei heh ka hih manin, nangma tungah amaute hong heh gamtat ding uh hi. Na nak leh na bilte hong atkhiatsakin na tate hong thahsak ding uh hi. Na tanu leh na tapate na kiang panin hong sutin a hing tangun hallum ding uh hi.

Zefaniah 2:2

Ansi bangin hong kizapkhiat ma, Topa’ hehna na tungah hong tuk ma, Topa in a hehna hong lah ni hun a tun’ ma-in, thu ngaihsun in kikheel in.

JOB (Job) 3:15

a inn uh ngun leh kham tawh a kidim a hau uliante tawh han-ah ka tawlnga khin ta ding hi.

Isaiah 10:3

Dan piak ni hun, gamlapi panin siatna hong pai ciangin note in bang cih ding na hi uh hiam! Huhna ngenin kua kiangah tai ding a, na neihsa uh koi-ah koih ding na hi uh hiam?

Isaiah 10:17

Israel’ khuavak pen mei suakin, ama Siangtho Pa pen meikuang suak ding hi; ni khat sungin ama lingkungte leh lingte kang-in beitum ding hi.