Zefaniah 1:17 - Tedim Bible

¹⁷ Topa in hih bangin thu gen a, “Mihingte tungah lungkhamna lianpi ka tungsak ding a, amaute in mittaw bangin khua zawt ding uh hi. Keima tungah amaute hong khial uh ahih manin, tui bangin a sisan uh kithehthang ding a, a luanghawm uh, leilakah muatcip ding hi,” ci hi.

Tedim Bible Revision 2017

¹⁷ Topa in hih bangin thu gen a, “Mihingte tungah lungkhamna lianpi ka tungsak dinga, amaute in mittaw bangin khua a zawt ding uh hi. Keima tungah amaute hong khial uh ahih manin, a sisan uh tui bangin kithehthang dinga, a luanghawm uh leilak ah muatcip ding hi,” a ci hi.

Zefaniah 1:17 Referans Kwoze

Micah 7:13

Ahi zongin a tunga teeng mite’ gitlohna hangin, leitung in sehnel gamkhing suak ding hi.

Mangmuhna 3:17

Kei in ka hau hi, sumte nate nei-in sapna a om nawn kei hi na cih hangin pumpi lunggimna, hehpihhuaina, zawnna, mittawtna, puan neih lohna na thuak lamtak thei na hih ciangin,

1 JOHAN MASA 2:11

A u a nau a mudah mi in khuamial sungah om a, khuamial sungah zong lam pai-in a gamta hi. Khuamial in ama mit khua musak thei lo a, a paina mun a thei kei hi.

2 PETER NIHNA 1:9

Tua gamtat pha a nei lo mi in mittaw a, a muhna tom a, ama mawhna luite sawp siangna thu a mangngilh hi.

ROM (Romans) 11:25

Ute naute aw, na kisaktheih loh nadingun Gentailte khempeuh hong lut khit matengin, Israel mite tungah khuamialna tawm a tung hi ci-in hih thuthuk thei loin na om ding uh ka ut kei hi.

ROM (Romans) 11:7

Tua bang ahih leh, bang ci ahi hiam? Israel mite in a zon’ uh hangin a mu kei uh hi. A teelsate bek in a ngah uh hi. A om lai mite in a lung a khauhsak uh hi.

Mattiu 15:14

Tua mite amau ut bangin om sak un. Amau in mittaw lamhilhte ahi uh hi. Mittaw leh mittaw lam kihilh leh, a nih un leihawm sungah a kiakhawm ding uh hi,” a ci hi.

Amos 4:10

Izipt gama kong tun’sak bangin, note lakah gimna kong tungsak hi. Gal sungah na tangval teng uh ka sisak a, na sakolte uh kong paihkhiat sak hi. Na giahphual sungte uh, a uihna na nakngeek uh kong zensak hi. Tua bang hi napi-in kei lamah nong kihei kei uh hi, Topa in ci hi.

Kah la 2:21

Khangno leh khanghamte kongzing tengah si uh hi. Galte in nungak tangval teng namsau tawh a thatlum uh hi. Amaute hehpih loin na heh ni-in na thatlum sak hi.

Kah la 1:18

Topa in a thutang ahi hi. Bang hang hiam cih leh keimah in ama thu a mang lo ka hi hi. Mun khempeuh-a a om mite aw ka thu genna hong ngai un. Ka thuaknate hong mu dih un. Ka khangno numei pasalte sal-in a kipua khia hi.

Kah la 1:14

Amah in ka mawhnate khempeuh ciamteh a, hen-in lom khat suahin ka ngawng zangah hong khih a, gik lua mahmah ahih manin ka taang zo peuhmah kei hi. Topa in ka galte khut sungah hong pia ahih manin bang mah ka hih thei nawn kei hi.

Kah la 1:8

A minthan’na teng a bei hi, a guaktang in om ahih manin a maizum hi. Thuum in tau a, a zum manin a mai a hum hi. Jerusalem in mawhna lian bawl ahih manin a kihhuai mahmah hi.

Jeremiah 18:21

Tua ahih manin a tate uh kial tawh puksi sak in la, amaute namsau-in si sak in. A zite uh tasel sak in la, meigong suaksak in. A pasalte uh pulnatna tawh si sak in la, a tangvalte uh gal sungah namsau tawh kithatlumsak in.

Jeremiah 15:3

“Amaute’ sih nadingin gimna nam li ka tungsak ding hi. A kithah nading uh namsau, a keizan gawp dingin ui, a valhtum ding leh a susia gawp dingin huih lak-a vasate leh lei lak-a ganhingte ka koih ding hi.

Jeremiah 10:18

Bang hang hiam cih leh Topa in, “En un, tu-in hih gam sunga teeng mite ka lawnkhia ding a, a theih nadingun a tung uhah lungkhamna ka tungsak ding hi,” a ci hi.

Jeremiah 4:18

Na lungsim leh na gamtatnate hangin hih thu nang’ tungah hong tung hi. Hih in nangma’ gitlohna hang hi a, kha-in na lungtang hong vut hi.”

Jeremiah 2:19

Na gitlohna mah in nangmah hong thu hilh ding-a, na thu up nawn lohna in nangmah hong mawhsak ding hi. Topa na Pasian nong nusiat ciang, kei nong kihtak nawn loh ciangin, nuam hetlo-a kha keei hi, cih thu thei in la, mu in, a vanglian Topa Pasian in kong ci hi.

Jeremiah 2:17

Israel aw, Topa na Pasian in lampi-ah hong makaih laitakin amah na nusiat manin hih teng nang’ tungah hong tung hilo ahi hiam?

Isaiah 50:1

Topa in: “Amah ka ciahsakna, na nu a kimakna lai koi-ah om ahi hiam? Tua ahih kei leh, nang kong zuakna ka lei batnate koi pen ahi hiam? En un, nomau’ mawhna hangin note hong kizuak a, nomau’ khialhna hangin na nu uh kipaikhiasak hi.

Isaiah 29:10

Bang hang hiam cih leh Topa in note tungah nakpi ihmut nopna lungsim hong guang a, nomau’ mit ahi kamsangte mitsi sak-in, nomau’ lutang ahi thu mutheite khuhcip hi.

2 KORIN NIHNA 4:4

Tua bang mite in Pasian’ meel ahi Khazih’ minthan’na tawh a dim Lungdamna Thu khuavak taang a muh theih loh nadingun hih leitung a uk topa in a um lo tua mite’ lungsim mittang uh a tawsak hi.

Jeremiah 8:2

amaute in a it uh, a na a sepsak uh, a delh uh, a zon’ uh leh a biak uh ahi ni leh kha leh van-a om nate khempeuh’ mai-ah a kipho khia ding hi. Tua guhte kikhawm nawn loin a kiphum nawn kei ding a, lei laka ek kinusia bang ahi lel ding hi.

Ezekiel 16:38

Midang tawh na mawhna hang leh na mi thahna hangin thu kong khen ding a, ka hehna tawh sihdaan kong pia ding hi.

Ezekiel 24:7

Khuapi sungah mi kithahna om a, a sisante, leivui in a vuh theih nading lei lakah taaksak loin, suang tungah taaksak uh hi.

Ezekiel 24:8

Ka heh suakin a phu a kilak theih nadingin a man’than’ theih loh nading munah a sisante tua ci-in ka omsak hi.

Jeremiah 3:25

Tua ahih manin, zumin lum ni: i minsiatna silh ni. Bang hang hiam cih leh i neulai akipan tu ni ciang dong eite leh i pu i pate in Topa i Pasian’ tungah i mawh khin zo hi. Topa i Pasian’ thu i mang kei khin zo hi,” a ci uh hi.