Zefaniah 1:14 - Tedim Bible

¹⁴ Topa’ ni hong nai ta a, nai mahmahin hong tung hathat hi. Tua Topa’ ni hong tun’ciangin, galhang pente nangawn cimawhin kap ding uh hi.

Tedim Bible Revision 2017

¹⁴ Topaʼ ni hong nai ta a, nai mahmah in hong tung hathat hi. Tua Topaʼ ni hong tun ciangin galhang pente nangawn cimawhin kap ding uh hi.

Zefaniah 1:14 Referans Kwoze

Malakhi 4:5

“Ahi zongin tua a lauhuai a lian mahmah Topa’ ni hong tun’ ma-in note kiangah kamsangpa Elijah kong paisak ding hi.

Ezekiel 30:3

Minamte’ siat nading hun, lungkham meiipi zin’ ding, Topa’ ni hong nai ta hi.

Zefaniah 1:7

Topa Pasian’ mai-ah gamdai takin om un! Topa’ ni hong nai ta hi. Topa in biakna-a sa gawh bangin a mite a go dingin kithawi a, a gawh ding mite sian’suah khin hi.

Joel 2:11

Ama mi honpite tam mahmah uh ahih manin, amaute thu pia-in a mai uh-ah Topa awng a, ama thupiakna banga a semte hat mahmah uh hi. Topa’ ni ding nak kihtakhuai mahmah ahih manin, kua in thuak zo peuhmah ding ahi hiam?

1 THESALONIKA MASA 4:16

Bang hang hiam na cih uh leh, Topa mah in kikona tawh, vantungmi mangpa’ kikona tawh, Pasian’ peengkul tumna tawh, vantung pan hong kumsukin, Khazih sungah a sisa mite in a tho masa ding uh hi.

Ezekiel 7:12

A hun hong tung ta a, a ni hong nai zo hi. Mi khempeuh tungah ka hehna hong tung ta ding ahih manin sumlei sumzuak nasepna in a kiman’na om nawn lo hi.

Isaiah 33:7

En un, galhangte huhna ngenin kiko uh a, kilem nading palai semte nakpi takin kap uh hi.

Isaiah 15:4

Heshbon khua leh Elealeh khua kiko a, amau’ kahna awging Jahaz khua ciang dongah kiza hi; tua ahih ciangin Moab gammi galhiam tawite lau-in nakpi takin kiko uh hi; amaute liing uh hi.

Jeim 5:9

Ute naute aw, thukhenna tawh na kipelh nadingun khat leh na kiphunsan kei un. En un, kongkhak kiangah Thukhenpa ding-in a om hi.

Sawltak 2:20

Topa’ Ni vanglian leh lamdang hong tun’ ma-in Ni hong mial ding a, Kha in sisan a suak ding hi.

Joel 1:15

Kalai! A hun hong nai ta! Topa’ ni hong nai ta a, Vanglianpa’ suksiatna hong nai ta hi.

2 PETER NIHNA 2:3

Amaute huaiham luatna in zuau thu genna tawh note hong kheem ding uh hi. Amaute tungah thukhenna in tang lai-a kipanin ol lo, zekai lo a, amaute kisiatna in zong a ihmu kei hi.

Amos 8:2

Topa in, “Amos aw, bang na mu hiam?” hong ci a, “Seeng sunga kikoih singgah min ka mu hi,” ci-in ken zong ka dawng hi. Tua ciangin Topa in, “Ka mi Israelte adingin a bei hun uh tung ta hi. Amaute daan ka piak ding ka khawl nawn peuhmah kei ding hi.

Joel 2:31

Topa’ ni, tua a lauhuai hun hong tun’ ma-in, ni hong mialin, kha, sisan hong bang ding hi.

Zefaniah 1:10

Topa in hih bangin thu gen a, tua ni-in “Jerusalem khua Ngasa Kulh kongpi-ah mite’ kikona na za ding uh a, tua khuapi Veng Nihna sungah mite’ kahna, leh mual neute tungah a puak zaizai-a ging na za ding uh hi.

Joel 3:16

Zion Mual panin Topa hong hawk suk a, Jerusalem panin hong awngkeek a, vanpi leh leipi liing damdam hi. Ahi zongin Topa in, ama mite’ belhpa hi a, Israel mite’ munmuanhuai ahi hi.

Joel 2:1

Zion mual tungah peengkul tum un la, Pasian’ mual siangtho tungah pataukohna tum un. Topa’ ni hong nai ta ahih manin, gamsung mi khempeuh lau ta uh hen.

Ezekiel 12:23

Tua ahih ciangin Topa Pasian ahi keimah in tua tawh kisai-in ka thugenna amaute kiangah gen in. Hih paunak ka beisakta ding a, Israel mite in genin a nei nawn kei ding uh hi. Tu-in a hun a naina leh genkholhnate a manin a tun’ nading thu amaute kiangah gen in.

Jeremiah 48:41

Khuapite kila-in kulhpite zong kila ding hi. Tua ni ciangin Moab galkapte in nupi nausuak dingte bangin a lau ding uh hi.

Jeremiah 30:7

Nu ei! tua ni lianpi hong tung ding a, nidang tawh teh theih hi lo ding hi! Jakob’ suante’ gimna ngah hun hi ding a, ahih hangin amau a suakta veve ding uh hi.

Jeremiah 25:36

Ngai dih un, makaite’ kahna aw leh uliante’ tauna aw kiza hi! Bang hang hiam cih leh Topa in a gam uh suksiat sak hi.

Isaiah 66:6

Ngai un, khuapi sunga gamlumna! Biakinn sunga aw ging! Topa in a galte a daanpia a, a thukkikna huging ahi hi.

Hebru 12:26

Tua lai takin a thu piakkholhna aw in leitung a liingsak hi. Tu-in ahih leh, “Khatvei keimah in lei tham loin, van nangawn ka liingsak kik ding hi,” cih kamciamna a om hi.

Filippi 4:5

Mi khempeuh mai-ah na lungsim nemna uh na lak un. Topa hong tun’na a nai zo hi.

Isaiah 8:22

amaute in lei lak a et suk hangun, lungkhamna leh khumialna, lungzing-a gimna bek om hi; khuamial ngeungau sungah amaute kihawlkhia ding hi.

Ezekiel 7:16

Mi pawl khatte in vakhu lau bangin mualtung tuh ding uh a, ahi zongin amau’ mawhna hangin si veve ding uh hi.

Joel 3:14

Thukhenna Kuam-ah, a tul a thenin om uh hi. Bang hang hiam cih leh, tua lai munah Topa’ ni hong tung baih ding hi.

Jeremiah 46:5

A bangci mawk a hia? Amaute lungmangin lah a nungkik ta uh-a! A galkapte uh kileh hawl a, lau-in taikek mang mawk uh hi. Kinunglehhei kik lo uh hi, mun khempeuh ah launa vive! Topa in a ci hi.