Titu 3:7 - Tedim Bible

⁷ Pasian’ hehpihna thupha hangin diktan’sakna i ngah khit ciangin nuntak tawntungna lametna bangin a luah mite i hih nading ahi hi.

Tedim Bible Revision 2017

⁷ ama hong hehpihna hangin Pasian tawh kilemin i lamet nuntak tawntungna a ngah thei ihi hi.

Titu 3:7 Referans Kwoze

ROM (Romans) 8:17

Tate i hih leh, gamhluahte i hi hi. Khazih tawh kibangin vangliatna ngah nadingin amah tawh gimna thuak khawm leng, amah tawh gamluah khawm ding i hi hi.

ROM (Romans) 3:24

Ahih hangin Zeisu Khazih in hong tan ahih maninah, a man pia loin Pasian’ hehpihna hangin dikkisakna i ngah hi.

Titu 2:11

Bang hang hiam na cih leh, thupha lametna, a lian Pasian leh eite Honpa Topa Zeisu Khazih, minthan’na tawh hong kilat ding eite in lamenin, Pasian thu tawh kituak lo gamtatna leh deihgawhnate

1 KORIN MASA 6:11

Note kimkhat in nidang lai-inah tuate bangin na om uh zongin, tu-in Topa Zeisu Khazih’ min leh i Pasian’ Kha Siangtho tawh na kisilsiang uh a, siangthona leh dikkisakna na ngah uh hi.

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

Galati 2:16

Thukham zuihna hangin diktan’sakna a ngah lo, Khazih upna hangin diktan’sakna a ngah eite in zong Zeisu Khazih’ thu i um zo hi. Bang hang hiam na cih uh leh, Thukham zuihna hangin kuamah in dikkisakna a ngah kei ding hi.

ROM (Romans) 11:6

Hehpihna hangah ahih leh, gamtatna hang ahi kei hi. Tua bang ahih kei leh, hehpihna in hehpihna ahi kei hi.

Galati 3:29

Note in Khazih aa na hi uh leh, Abraham suan leh khakte na hi uh a, thuciamna bangin innluah mi na hi uh hi.

ROM (Romans) 4:16

Tua ahih ciangin kiciamna in Thukham tawh kipawlte tham loin, Abraham’ upna tawh kipawlte zong Abraham’ suan-le-khakte khempeuh tungah a kip nadingin hehpihna tawh kibangin a pian’ nadingin upna hangin kiciamna a ngah uh hi.

ROM (Romans) 3:28

Tua ahih ciangin mi khat in thukham bang gamta loin upna tawh dikkisakna a ngah hi ci-in i ciamteh hi.

1 PETER MASA 3:7

Tua mah bangin pasalte aw, na thungetna uh nialna a om loh nadingin, nuntakna thupha hehpihna tawh kizomin a luahkhawm mite bangin, lungpilna leh thukhualna nei-in, na zite uh tawh omkhawmin, a hat lo zaw a panpih bangin kingaihsunin, na zite uh dawmin na hehpih un.

Hebru 11:9

Ama theih lohna gamah zinte bangin om a, thuciamna tawh a kipawl gamah upna tawh zin mi-in a om hi. Tua a thuciamna a luahpih Isaak leh Jakob tawh bukte sungah teengkhawm uh hi.

Hebru 11:7

Noah in a muh nai loh thute-ah thupiakkholhna a ngah khit ciangin upna tawh Pasian kihta-in ama innkuanpihte gum dingin teembaw a lam hi. Tua upna hangin amah in leitung mite mawhna thu khenin a upna tawh kipawl dikkisakna a luah hi.

Hebru 6:17

Tua ahih ciangin thuciamna a luah ding mite in Pasian’ hanciamna a kikheel zo lo a theih tel nadingun, Pasian in kiciamna tawh a kikham hi.

Galati 4:7

Tua ahih ciangin sila hi nawn loin tapa na hi uh hi. Tapa na hih uh leh, Pasian hangin innluahpa zong na hi uh hi.

ROM (Romans) 4:4

Nasem mi in phattuamna a ngah ciangin hehpihna a ngah hi kici lo hi; thaman a ngah hi kici hi.

Titu 2:13

nialin; tu lai hunin khuaval zulhtat lohna, thuman gamtatna, Pasian biakna lamah nopsakna bawl nadingin, Pasian’ hehpihna thupha hong kilang a, mi khempeuh kiangah gupna thu hong paipih zo hi.

Mattiu 25:34

Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Marka 10:17

Lampi-ah a pai lai takin mi khat Zeisu kiangah va tai a, khukdin’in, “Sia pha aw, nuntak tawntungna ka luah nadingin bang ka gamta ding hiam?” ci-in a dong hi.

2 THESALONIKA NIHNA 2:16

I Topa Zeisu Khazih mahmah leh, eite hong it-a hong hehnep tawntungna thu ahi zongin, hehpihna thupha tawh apha lametna ahi zongin a hong pia, i Pa Pasian in,

Hebru 1:14

Vantungmite khempeuh in gupkhiatna luah ding mite kem dingun, sawltak nasem khate hilo ahi uh hiam?