Titu 3:1 - Tedim Bible

¹ Mite in gam ukte leh mangte’ ukna uh a man’ nading, nasepna pha khempeuh a sep nading a kigin’ kholh nading;

Tedim Bible Revision 2017

¹ Na mite in hong uk kumpite le aana neiteʼ thu mangin, thuhoih khempeuh a sem dingin a kiging sa-in a om ding uh phawksak inla,

Titu 3:1 Referans Kwoze

Thuhilh-sia 10:4

Nang tungah gam-ukpa a heh leh, na nasepna za taisan pah kei in. Dai tak-a om hithiatna in khialhna lianpi maisak thei hi.

Paunak 24:21

Ka ta aw, Topa leh kumpipa zahtak khawm in la, amau a langpangte tawh kipawl kha kei in.

Mattiu 22:21

“Kaisar kumpipa lim leh min hi,” a ci uh hi. Tua ciangin Zeisu in, “Kaisar kumpipa’ sum Kaisar kumpipa na pia un. Pasian’ sum Pasian na pia un,” a ci hi.

Hebru 13:21

ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.

2 TIMOTI NIHNA 2:21

Tua ahih ciangin tua nate tawh ama pumpi a kisiangthosak mi in minthan’na na, siangthona na, inn neipa zat ding a kilawm na, nasepna pha pawl khempeuh ading a suak ding hi.

2 TIMOTI NIHNA 1:6

Tua ahih ciangin nangma tungah ka khut ngakna tawh, nang, Pasian in hong piak letsong thupha na kuan’sak det nadingin kei in ka hong phawksak hi.

1 TIMOTI MASA 5:10

na pha sem a, maipha a ngah, a tate a khoi thei, zin a do thei, mi siangthote’ khe a sil thei, gimna thuakte a hehnem thei, nasepna a pha khempeuh a sem thei numei ahih leh, tua numei a min na khum ta in.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

1 TIMOTI MASA 4:6

Hih nate nang in ute naute kiangah na hilh leh, upna thu leh tu dongin nang na zuih thuhilhna a hoih tawh kivakin, Khazih Zeisu’ nasem hoihpa na hi ding hi.

1 KORIN MASA 15:58

Tua ahih ciangin ka it ka ute ka naute aw, Topa’ nasep na hahkatna uh in Pasian tungah a mawkna hi lo hi cih thei na hih ciangun lungkipin, kicingin, kiam loin, hoi loin hahkat-in sem un.

Jeremiah 27:17

Amau’ thu na mang kei un. Na nuntak theih nadingun Babilon kumpipa’ na na sem zaw un. Bang hangin hih khuapi gam simtham suak laizang ding ahi hiam?

Thu-hilhkikna 17:12

Topa note’ Pasian mai-ah na sem dingin a ding siampipa’ thu ahi a, thukhenpa’ thu ahi zongin man’ lohna tawh a khengval a, gamta mipa si ding hi; tua bangin Israelte sung panin gitlohna na siangsak ding uh hi.

2 PETER NIHNA 1:12

Tua ahih ciangin na ngahsa uh thuman thutak note in thei-in tua thu-ah kip khin na hi uh zongin tua nate ngaihsunin note hong phawksak kik dingin ka om khol tawntung ding hi.

Titu 3:8

Hih thu in thuman thutak ahi hi. Hih thu ngaihsunin Pasian a um mite in gamtatna ahoihte ahih tawntung nading a kikep nadingun, hahkatin na hilh nading ka hong deih hi. Hih thute a pha uh tham loin mite’ phattuamna a piangsak thei uh hi.

Kolose 1:10

Ka thungetna un: note in gamtat hoihna apawlpawl ahi gah gahin, Pasian theihna pilna khan’ tohna nei-in ahi zongin, lungdamna tawh na khempeuh thuakin lungduai nadingin ama minthan’na, vangliatna bangin,

Efesa 2:10

Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.

Isaiah 43:26

Kei hong phawksak in la, thu kikum khawm ni; na dikna a kilat nadingin na thu hong sung khia in.

Juda 1:5

Note in na khempeuh thakhatin na theih uh hangin note ka hong phawksak nop thu in: Topa in Izipt gam sung mi pawlkhat a gupkhiat khit ciangin, a nung nihveina ah a um lo mite a siasak hi.

Titu 3:14

I mite in zong a gah nei lo mi hi loin, kisapnate a ngah nadingun, gamtatna ahoih a hih tawntung nadingun sin uh hen.

2 TIMOTI NIHNA 2:14

Hih thu teng amaute na phawksak in. Bangmah phattuamna a piangsak lo, a za mite’ lungsim a siasak ding kam bek hangin kinialna a om loh nadingin, Topa mai-ah amaute ciamna thu na pia in.

Titu 1:16

Amaute in, “Pasian ka thei tel uh hi,” a cih uh hangin, a gamtatna uh tawh Pasian a nial uh hi. A kihhuai mi, thungai lo mi, nasepna hoih khat beek ah kiman’na om lo mi ahi uh hi.