Titu 2:8 - Tedim Bible

⁸ Tua bang na hih leh, lang khatah a om mi in eite hong gensiat nading thu ngah loin a maizum ding hi.

Tedim Bible Revision 2017

⁸ miteʼ mawh mat theih loh ding kam hoihte na zang in. Tua hileh i langte in hong gensiat theih nading mu loin a mai uh zum lel ding hi.

Titu 2:8 Referans Kwoze

1 PETER MASA 2:12

Gentailte in gitlohna a bawl mite ci-in note hong kosiat uh hangin Pasian in hong en a, thu a khen ni ciangin na gamtatna uh a pha amaute in a muh uh ciangin Pasian’ min a phat nadingun, amaute mai-ah a kilawm a kituakin na gamta un.

1 PETER MASA 2:15

Bang hang hiam na cih uh leh, note in a pha na gamtat uh leh, mi haite a lungpil lohna kam na thukkik theih nadingun Pasian in tua bangin a deih hi.

1 PETER MASA 3:16

Khazih-ah note gamtat hoih uh a simmawhte in hong kosiat ciangin, note pumpi uh a maizum loh nadingun note lungsim kisuan’na om lo, siangtho-in na om un.

1 TIMOTI MASA 6:3

Thuhilhna tuam hilhin, i Topa Zeisu Khazih’ kam ahi, kam siangtho ahi zongin, Pasian biakna lamah nopsakna tawh a kilawm thuhilhna ahi zongin, a mang lo mi khatpeuh a om leh,

2 THESALONIKA NIHNA 3:14

Hih lai sungah ka gelh uh thupiaknate mi khat peuhmah in a ngaih kei leh, tua mi na ciamteh un; a maizum nadingin amah tawh na kipawl kei un.

Nehemiah 5:9

Tua ciangin keimah in, “Note’ gamtatna hoih lo hi. I gal ahi mi namdangte’ zahkohna i ngah loh nadingin i Pasian zahtakna tawh na gamtat ding uh kilawm hi.

Isaiah 66:5

Ama thu ah lau-in a liing mite aw, Topa’ thu za un: Kei tungah note nong cihtakna hangun na mipihte pawlkhat un note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.

1 TIMOTI MASA 5:14

Tua ahih ciangin a khangno meigongnute in pasal a neih nading, ta zong a neih nading, a inn sung a uk nading, i galte in hong gensiat theih loh nading ahih nadingun ka deih hi.

Luka 13:17

Zeisu in hih thu a gen ciangin, a galte a vekpi-un a zum uh hi. Mihonpite khempeuh in ama bawlna pha hangin a nuam uh hi.

Marka 12:34

Tua pa in pilna tawh a gen kik Zeisu in a theih ciangin, “Nang in Pasian Gam tawh na kigamla kei hi,” a ci hi. Tua nung ciangin mi khat beek in thu a dong ngam nawn kei uh hi.

Marka 12:32

Laitheipa in, “Topa aw, Pasian khat bek hi a, tua Pasian sim loh adang Pasian a om kei hi cih thu na gen in ahi takpi hi.

Marka 12:28

Laitheipa khat hong pai a, thu kidongte Zeisu in kituak mahmahin a dawn’ kik a theih ciangin, “Thukham lianbel bang ahi hiam?” ci-in a dong hi.

Marka 12:17

Zeisu in, “Kaisar kumpipa’ sum, Kaisar kumpipa na pia un. Pasian’ sum, Pasian na pia un,” a ci hi. Amaute in amah lamdang a sa uh hi.

Titu 3:14

I mite in zong a gah nei lo mi hi loin, kisapnate a ngah nadingun, gamtatna ahoih a hih tawntung nadingun sin uh hen.