Titu 2:5 - Tedim Bible

⁵ a khuaval zulhtat loh ding, mi siangtho hi ding, a inn sung khempeuh a keem ding, migi ding, a pasal’ ukna a mang ding, thu a hilh theih nadingun na hilh in.

Tedim Bible Revision 2017

⁵ thu ngaihsun thei, a gamtat siangtho, inn nasep a kizen, a migi le a pasalte uh thu a mang thei mi ahih nadingun na gen in.

Titu 2:5 Referans Kwoze

Kolose 3:18

Numeite aw, Topa sungah a kilawm mah bangin, pasalte hong ukna na mang un.

1 TIMOTI MASA 5:10

na pha sem a, maipha a ngah, a tate a khoi thei, zin a do thei, mi siangthote’ khe a sil thei, gimna thuakte a hehnem thei, nasepna a pha khempeuh a sem thei numei ahih leh, tua numei a min na khum ta in.

Piancilna 3:16

Tua ciangin numei' kiangah, “Naupaina-ah na gimna nakpi takin ka khangsak ding a, gimna tawh nau na suak ding hi. Ahi zongin na pasal mah na deih ding a, amah in nang' tungah hong uk ding hi,” ci hi.

Efesa 5:33

Ahih hangin note in zong na pumpi ciat uh na it uh mah bangin na zite uh na it un. Numeite in zong a pasalte uh zahtak uh hen.

Sawltak 9:36

Joppa khua-ah Dorkas a cihnopna ahi Tabitha min nei, nungzui a suak numei khat a om hi. Tua numei in a pha gamtatna leh mi hehpihna lungsim a nei hi.

1 TIMOTI MASA 6:1

Pasian’ min leh a thuhilhna in gensiatna a thuak loh nadingin, hakkol nuai-ah a omte in a tote uh a zahtak mahmah nading uh kilawm hi ci-in ciamteh uh hen.

Paunak 7:11

Tua numei in maizumna mel thei loin a hang mahmah hi a, lamdung tengah vak tawntung hi.

1 KORIN MASA 14:34

Misiangthote’ pawlpi khempeuh sung panin numeite in pawlpi lakah pau loin om ta uh hen. Bang hang hiam na cih uh leh, amau in thuhilh nading thu a om kei hi. Thukham in a tan’sa bangin amau in ukna nuai-ah om ta uh hen.

1 KORIN MASA 11:3

Pasalte’ lu un Khazih ahi hi, numeite’ lu un pasal ahi hi, Khazih’ lu in Pasian ahi hi ci-in note in na theih nading uh ka deih hi.

ROM (Romans) 2:24

Bang hang hiam na cih leh, Lai Siangtho sungah a kigelh mah bangin, nangmah hangin Gentailte lakah Pasian’ min kigensia hi.

Sawltak 9:39

Piter tho a, amaute tawh paikhawm hi. A tun’ ciangin dei tungnung sungah a paipihto uh hi. Meigong khempeuh a kiangah a ding uh a, kapin, Dorkas in amaute tawh a omkhawm lai taka a bawlsa puan-akte leh puante a lak uh hi.

Late 74:10

Pasian aw, galte in bang tanvei hong thusim loin om ding ahi hiam? Langpangte in nangma min hong simmawh den ding ahi uh hiam?

2 SAMUEL NIHNA 12:14

Ahi zongin, hih bang gamtatna tawh Topa thusim peuhmah lo na hih manin nang sungpan hong piang naungek si ding hi,” a ci hi.

Piancilna 18:9

Amaute in ama' kiangah, “Na zi Sarah koi-ah om ahi hiam?” ci uh hi. Amah in, “Puanbuk sungah om hi,” ci hi.

ROM (Romans) 14:16

Tua ahih ciangin na hih theihna uh ah gensiat nading omsak kei un.