Titu 2:13 - Tedim Bible

¹³ nialin; tu lai hunin khuaval zulhtat lohna, thuman gamtatna, Pasian biakna lamah nopsakna bawl nadingin, Pasian’ hehpihna thupha hong kilang a, mi khempeuh kiangah gupna thu hong paipih zo hi.

Titu 2:13 Referans Kwoze

2 TIMOTI NIHNA 4:8

Tu-a kipanin dikna lukhu, keimah ading a kikoih khol zo hi. Tua Ni ciangin thuman tawh a khenpa in tua lukhu kei hong pia ding hi. Keimah bek hong pia kei ding hi, ama kilat ding thu a lamente khempeuh zong a pia ding hi.

1 KORIN MASA 1:7

Tua ahih ciangin note in i Topa Zeisu Khazih hong kilat ding ngakin na om lai takun hong piakna thupha khat beek na sam kei uh hi.

Mattiu 16:27

Mihing Tapa in, a Pa vangliatna nei-in, vantungmite tawh hong paikhawm ding hi. Tua ciangin mi khempeuh a gamtatna ciat uh bangin a thuksak ding hi.

Marka 14:62

Zeisu in, “Ka hi hi. Mihing Tapa in vangliatna ziatlam ah tu a, meii tungah hong kumsuk note in na mu ding uh hi,” a ci hi.

Hebru 9:28

tua mah bangin Khazih in zong mi tampi mawhna puakhia dingin khatvei bek biakna sihna a thuak khit ciangin, amah a lamente gum dingin mawhna tawh kipawl loin, nih veina a hong a paikik ding hi.

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

2 KORIN NIHNA 4:4

Tua bang mite in Pasian’ meel ahi Khazih’ minthan’na tawh a dim Lungdamna Thu khuavak taang a muh theih loh nadingun hih leitung a uk topa in a um lo tua mite’ lungsim mittang uh a tawsak hi.

ROM (Romans) 15:13

Note in Kha Siangtho’ vangliatna hangah lametna pha tawh na dim nadingun, upna nei-in lungdamna, noptuamna a pawlpawlte tawh na dim nadingun, muan’na hong pia Pasian in hong pia ta hen.

ROM (Romans) 5:5

Lawpna in hong zumsak lo ding hi. Bang hang hiam na cih uh leh, hong piak Kha Siangtho in Pasian’ itna eite sin sungah hong sung zo hi.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.

1 PETER MASA 1:3

Anungta lametna thu a om nading ahi zongin, a sia thei lo, a kihhuai nitna om lo, a vul thei lo luahna eite in i ngah nading ahi zongin, Zeisu Khazih in sihna pan a thawhkik ciangin hehpihna lianpi tawh kituakin eite hong piang kiksak i Topa Zeisu Khazih’ Pa Pasian in thupha ngah ta hen.

2 TIMOTI NIHNA 4:1

Pasian mai-ah ahi zongin, a nungta mi leh mi si tungah thu a khen ding Khazih Zeisu mai-ah ahi zongin, Zeisu hong kilat nading leh ama kumpigam suangin thu ka hong piakna in:

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.

Sawltak 24:15

Midik leh midik lote khempeuh in sihna pan a thokik ding hi ci-in amaute’ lamet bangin Pasian suangin ka om hi.

Marka 8:38

Mi paktat leh gilo hih khang mite lakah, kei ahi zongin, ka thu ahi zongin a daisak peuhmah Mihing Tapa in zong a Pa minthan’na leh a siangtho vantungmite tawh hong paikhawm uh ciangin, tua mite a daisak ding hi.”

Mangmuhna 1:7

En un, Topa in meiite tawh hong kumsuk ding a, mittang khempeuh a, kipan amah a sun mite in amah hong mu ding uh hi. Leitung mipawl khempeuh in zong amah hangin a kap ding uh hi. Tua bang a man hi. Amen.

Titu 3:4

Eite Honpa Pasian’ hehpihna leh mite a hong itna hong kilat ciangin,

Kolose 3:4

Eite nuntakna ahi Khazih hong kilat ciangin, note in zong tua Topa tawh minthang khawmin na kilang ding uh hi.

Isaiah 25:9

Tua ni ciangin, “En un, amah in eima Pasian hi; eite hong hon dingin amah i muang hi. Amah in eima Topa hi; amah i ngak hi; amah in eite hong gumkhia ahih manin lungdamin kipak ni,” kici ding hi.

1 JOHAN MASA 4:14

Pa in a Tapa leitungmite’ Gumpa a suah nadingin hong sawl thu kote in thei-in teci ka pang uh hi.

Mattiu 26:64

Zeisu in, “Nang gen bangin ka hi hi. Tua tham loin, ke’n kong cih-inah, tunung ciangin Mihing Tapa in Vanglian Pa’ ziat lamah tu a, meii tungah hong tuangsuk note in na mu ding uh hi,” a ci hi.

Mattiu 25:31

“Mihing Tapa in a minthan’na tawh, vantungmite tawh hong paikhop ciangin, minthan’na tokhom tungah hong tu ding hi.

2 THESALONIKA NIHNA 2:16

I Topa Zeisu Khazih mahmah leh, eite hong it-a hong hehnep tawntungna thu ahi zongin, hehpihna thupha tawh apha lametna ahi zongin a hong pia, i Pa Pasian in,

2 THESALONIKA NIHNA 2:8

Tua ciangin a kiseel Gilo Mi a kilang ding hi. Tua mi Topa Zeisu in ama kam sung pan a pusuak hu tawh siasakin, ama hong kilatna’ vangliatna tawh a mangthang ding hi.

Kolose 1:27

Gentailte lakah hih thu thukpi tawh kipawl alianpi nopsakna bang zahin lian ci-in misiangthote in a theih nadingin Pasian in a deih hi. Tua thu thukpi in: vanglian lametna thu ahi, note sungah a om Khazih ahi hi.

ROM (Romans) 8:18

Eite tungah hong kilang ding vangliatna ka ngaihsut ciangin, tu laitak i thuak gimnate ngaihsut tham ka sa kei hi.

1 TIMOTI MASA 1:1

Eite Honpa Pasian leh i lametna Khazih Zeisu thupiakna tawh Khazih Zeisu sawltak keimah Paul in:

2 TIMOTI NIHNA 1:2

Ka it ka tapa Timoti kong zasak hi. Pa Pasian leh i Topa Khazih Zeisu kiangpan hehpihna thupha, hehpihna leh nopna nang tungah om ta hen.

Titu 1:4

A kibang khawm upna thu sungah ka ta taktak ahi Titu kiangah thu ka hong zasak hi. Pa Pasian leh eite Honpa Khazih Zeisu kiang pan hehpihna thupha leh nopna nangma tungah om ta hen.

Juda 1:21

nuntak tawntungna ngah nadingin i Topa Zeisu Khazih’ hehpihna na ngak lai takun, Pasian’ itna sungah na pumpi uh kemin om un.