Titu 2:11 - Tedim Bible

^11-12 Bang hang hiam na cih leh, thupha lametna, a lian Pasian leh eite Honpa Topa Zeisu Khazih, minthan’na tawh hong kilat ding eite in lamenin, Pasian thu tawh kituak lo gamtatna leh deihgawhnate

Tedim Bible Revision 2017

¹¹ Bang hang hiam cih leh mi khempeuh in hotkhiatna a ngah theih nadingun Pasian in ama hehpihna hong lak khinzo hi.

Titu 2:11 Referans Kwoze

1 TIMOTI MASA 2:4

Tua Pasian in mi khempeuh in gupna ngahin, thuman thutak a theih nading a deih hi.

Efesa 2:8

Bang hang hiam na cih uh leh, note in thu-upna hangah hehpihna tawh gupna na ngah zo uh hi. Note ut thu-a ngah na hi kei uh hi: Pasian’ letsong ahi hi.

Isaiah 45:22

“Leitung mong khempeuhte aw, kei lamah hong kihei un la, hotkhiatna ngah un! Bang hang hiam cih leh keimah in Pasian ka hi a, kuamah dang om lo hi.

Hebru 2:9

Tu-in ahih leh, vantungmite nuai-ah neukha bek niamkhiatna a thuak mi Zeisu in Pasian’ hehpihna hangin mi khempeuh taang dingin sihna a thuak nading thu sang ahih ciangin, minthan’na leh pahtawina a ngahna thu i thei hi.

Efesa 2:5

mawhna khialhna sungah si-a om eite Khazih tawh hong hing khawm sak zo hi. Note in hehpihna hang bekin gupna na ngah uh hi.

2 THESALONIKA NIHNA 2:16

I Topa Zeisu Khazih mahmah leh, eite hong it-a hong hehnep tawntungna thu ahi zongin, hehpihna thupha tawh apha lametna ahi zongin a hong pia, i Pa Pasian in,

ROM (Romans) 5:15

Ahih hangin mawhna leh hehpihna kibang lo hi. Bang hang hiam na cih uh leh, mi khat a khial ahih maninah, mi tampi a si uh ahih leh, Zeisu Khazih kici mi khat’ hehpihna thupha hanga i ngah lungdamna leh Pasian’ hehpihna thupha in mi tampi ading a kicing hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Isaiah 52:10

Topa in minam khempeuh mai-ah ama khut siangtho lakkhia khin a, ama mite honkhia hi. Lei mong khempeuh in i Pasian’ hotkhiatna mu ding uh hi.

Late 84:11

Bang hang hiam cih leh Topa Pasian in eite hong hupa leh a minthang i Kumpi hi a, maipha leh pahtawina hong pia hi. Thuman-a gamtate tungah Topa in na hoih bangmah siit lo hi.

Sawltak 11:23

Barnabas a tun’ ciangin Pasian’ hehpihna thupha a muh ciangin a lungdamin amaute in a lungsim tawh Pasian beel dingin mi khempeuh a hansuah hi.

Sawltak 20:24

Ahih hangin Pasian’ hehpihna Lungdamna Thu hilh nading Topa Zeisu’ khut sung pan ka ngah za ahi, ka nasepna ka zawh theih nadingin ka nuntakna keimah ading phamawh ka sa kei hi.

Luka 3:6

Mi khempeuh in Pasian’ gupna thu a thei ding uh hi,” ci-in a gelh hi.

1 TIMOTI MASA 1:14

Eite Topa’ hehpihna thupha in zong Khazih Zeisu sungah a om upna leh itna tawh, a kigen khin zo loin tamin a om hi.

ROM (Romans) 5:2

Tua Topa hangin eite omna hehpihna sungah upna hangin tum theihna thu i ngah hi; Pasian’ vangliatna lamenin lungdamin i om hi.

Zekhariah 12:10

David’ suan-le-khakte leh Jerusalem khuamite tungah, hehpihna leh thunget nopna lungsim ka guan ding hi. Amaute in a sut lup uh mipa enin, ta khat neihsun a sihsuahte bangin kap ding uh a, a tacil a khuaisuahte bangin nakpi takin kapin thuum ding uh hi.

Late 96:10

Minamte lakah, “Topa in uk hi! Hi hi, leitung kikipsak a, liing ngei lo ding hi; amah in mihingte’ thu a manin khen ding hi,” ci un.

Kolose 1:6

Tua thu in leitung khempeuh ah a kizelh khit mah bangin, note kiangah zong hong tung zo hi; note’ sungah hih Lungdamna Thu in a gah gahin, a khan’ toh mah bangin mi khempeuh tungah zong a piang thei hi.

Galati 2:21

Pasian’ hehpihna thupha ka paaikhia kei hi. Bang hang hiam cih leh, thukham zuihna hangin dikkisakna kingah leh, Khazih in a mawkna-in sihna a thuak hi.

2 KORIN NIHNA 6:1

Note in Pasian’ hehpihna thupha na ngah uh a mawkna na suaksak kei un ci-in kote in Topa tawh nasem khawm mi ka hih ciangun note hong hansuahin kong zol uh hi.

Sawltak 13:47

Bang hang hiam na cih uh leh, Pasian’ thupiakna in: ‘Leimong dongin gupna na pian’sak nadingin, Gentailte’ khuavak dingin ka hong koih zo hi,’ a ci hi,” ci-in lau loin a gen uh hi.

Sawltak 13:43

Kikhopna a bei khit ciangin Judah mi leh Judah ngeina sungah a tum Pasian zahtak mi tampite in Paul leh Barnbas nung a zui uh a, Pasian’ hehpihna thupha sungah a kip nadingun amaute in thu hilhin, a hansuah uh hi.

Johan 1:9

Khuavak taktak a om hi. Tua khuavakna in leitung a, piang mi khempeuh a vaksak hi.

Luka 24:47

ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

Marka 16:15

“Note leitung khempeuh ah vak kawikawi un la, mi khempeuh kiangah Lungdamna Thu na hilh un.

Mattiu 28:19

Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.

Zekhariah 4:7

Thu haksa pente nangawn in na ma hong khaktan zo lo ding hi. Biakinn na lamkik ding a, mite in, ‘Hoih mahmah hi,’ ci-in a ot ngeii-ngai lai takin a khupna suang na ciang ding hi, hong ci hi,” a ci hi.

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Hebru 12:15

Note lakah khatpeuh mah in Pasian’ hehpihna thupha ngah loin a om loh nading ahi zongin, a kha kung a zung poin, note hong bawlsia-in mi tampi hong ninsak ding ahi zongin,

2 TIMOTI NIHNA 4:17

Thuhilhna khempeuh ka hilh theih nading ahi zongin, Gentail mi khempeuh in a zak nadingun ahi zongin, Topa in kei lamah om a, keima tha hong dimsak a, humpinelkai’ kam sung pan hong honkhia hi.

ROM (Romans) 10:18

Ahih hangin amaute in za hilo ahi uh hiam? A mantakpi a za uh hi: “Amaute aw un leitung khempeuh ah a zel zo hi; Amau thu un leimong dongin a tung zo hi.”

Late 67:2

leitungah nangma lampi, minam khempeuhte lakah nangma hotkhiatna vang kithei ta hen.

Sawltak 17:30

Pasian in mihingte’ theih nai loh hun bang mahin a sim loh hangin tu-in amau mawhna kisik kik nadingun mun khempeuh mite kiangah thu a pia zo hi.

2 TIMOTI NIHNA 1:10

Tua hehpihna thupha in eite hong Gumpa Topa Zeisu Khazih hong kilatna hangin tu-in a kilang zo hi. Tua Topa in sihna mangthang sak a, nuntakna leh a kisia thei lo nuntakna, Lungdamna Thu hangin hong langsak hi.