Titu 1:9 - Tedim Bible

⁹ Tua tham loin, amah in thuhilhna siangtho tawh hansuah theih nading ahi zongin, a nial mite kam a thukkik theih nading ahi zongin, thuhilhna thu tawh kilawm dikna kam a zui tawntung mi ahi ding hi.

Tedim Bible Revision 2017

⁹ Upna bulpi tawh a kituak thute limtakin lenkip ding uh hi. Tua hileh thuhilhna man tawh midangte hanthawn thei ding uh a, thuman a nial miteʼ khialhna zong laktel thei ding uh hi.

Titu 1:9 Referans Kwoze

2 THESALONIKA NIHNA 2:15

Tua ahih ciangin ute naute aw, kam sung pan hong pusuak thu hang ahi zongin, kote lai hang ahi zongin note in na sinsa uh ngeinate ah kipin lenin, deih un.

2 TIMOTI NIHNA 1:13

Keima kiangah na zaksa, na ngahsa a pha hilhnate, Khazih Zeisu sungah a om upna leh itna tawh na lenkip in.

1 TIMOTI MASA 6:3

Thuhilhna tuam hilhin, i Topa Zeisu Khazih’ kam ahi, kam siangtho ahi zongin, Pasian biakna lamah nopsakna tawh a kilawm thuhilhna ahi zongin, a mang lo mi khatpeuh a om leh,

Mangmuhna 3:3

Tua ahih ciangin bangci na san’, bangci na zak thu phawkkik in la, zui in, kisikkik in. Tua ahih ciangin ngakin na om kei leh, guta bangin ka hong pai ding a, na kiangah bang hunin ka hong tun’ ding na thei kei ding hi.

1 TIMOTI MASA 1:15

Zeisu Khazih in mawhneite gum dingin leitungah hong paisuk hi, a cihna thu in thuman thutak hi a, a vekpi-in san’ ding a kilawm hi. Tua mawhnei mite lakah keimah in a mawhnei bel mi ka hi hi.

Titu 2:1

Nangmah na hih leh thuhilhna siangtho tawh a kituak thute na hilh in.

Titu 1:11

Tua mite kam kihu cip ding hi. Bang hang hiam na cih leh, amaute in sum siangtho lo hangin ahilh tuak lo thu hilhin, innkuanpih khempeuh lumlet thei uh hi.

2 TIMOTI NIHNA 4:3

Bang hang hiam cih leh, mite in thu hilhna pha mang loin, a bil uh thakin, amau deihgawhna bang thuhilh a tampi, amau ading a koih ding uh a,

1 THESALONIKA MASA 5:21

Na khempeuh sinin ahoih nate na len tawntung un;

Paunak 23:23

Thuman, pilna, siamna, thu ngaihsut theihna lei in; tuate zuakkhiat dingin pammaih lua hi.

JOB (Job) 2:3

Tua ciangin Topa in Satan kiangah, “Ka nasem Job na phawk hiam? A paubaang lo, a thutang, Pasian zahtakin gamtat hoih lo a pel, amah tawh a kibang midang leitungah om lo hi. Thu om lopi-in amah susia dingin kei nong kampau sak a, ahi zongin, ama hoihna bangmah hem tuan lo hi,” a ci hi.

Mangmuhna 3:11

A manlangin ka hong pai ding hi. Na kumpilukhu kuamah in a lakkhiat loh nadingin, na neihsa na a kip takin len in.

Mangmuhna 2:25

Ahih hangin note in na ngahsa khempeuh uh ka hong pai dongin kip takin len un.

Juda 1:3

Ka itte aw, eite in i ngah khawm gupna thu tawh kizomin note kiangah ka hong gelh thu hahkat a, ka bawl lai takin, misiangthote kiangah khatvei bek a piaksa upna thu ading, lungsim khauhin na do nadingun hansuahin ka hong gelh hi.

2 TIMOTI NIHNA 2:25

A kam a nial mite in thuman a theih nadingun Pasian in kisikkikna pia kha ding a, Dawimangpa in ama deihna zui dingin thangsiah-a a awk mite phawkin, tua awkna pan suahtakna a ngah khak theih nadingun lungnemna tawh thuhilh mi ahi ding hi.

2 TIMOTI NIHNA 2:2

Teci tampi mai-ah keima kiang pan na zaksa nate, dikna tawh dimin midangte a hilhsawn thei ding mite’ tungah na ap in.

1 TIMOTI MASA 4:9

a cihna kam in thuman thutak hi a, a vekpi-in san’ ding a kilawm kam zong ahi hi.

1 TIMOTI MASA 1:19

Mi kimkhat in tua upna a nial uh a, amau upna teembaw a siasak uh hi.

Sawltak 18:28

Bang hang hiam i cih leh, Zeisu in Khazih ahi hi cih thu Lai Siangtho tawh tel takin lak a, mite mai-ah Judah mite’ kam a nial hi.

JOB (Job) 27:6

Kei’ thuman ka kisakna ka khia ngei kei ding hi; ka lungsim-ah kisuanna om loin siang mahmah hi.

1 KORIN MASA 14:24

Mi khempeuhte in kamsangin a om lai takin a um lo mi ahi zongin, a siam lo mi ahi zongin hong tum ciangin pawlpi khempeuh in tua pa mawhsakin, nakpi takin amah kingaihsun sak ding uh hi.

2 TIMOTI NIHNA 3:14

Nang na hih leh, na sinsa thu leh na lungsim sunga na san’sa thu-ah ahi zongin, Khazih Zeisu sunga upna tungtawn a, gupkhiatna na ngah nadingin lungpilna a hong pia thei Lai Siangtho, na neu lai-a kipanin na theihsa thu ahi zongin, ciamteh in la, tua na sinsa, na upsa thute-ah kipin om in.