Titu 1:8 - Tedim Bible

⁸ Zindo a siam thei mi, a hoih lam a deih mi, khuaval zulhtat lo mi, a dik mi, a siangtho mi, a pumpi a kikeem zo mi ahi ding hi.

Tedim Bible Revision 2017

⁸ zinleleeng do a siam mi, thuhoih a deih mi, a pumpi a ki-uk zo mi, a thutang mi, a siangtho mi le a kisek zo mi hi ding uh hi.

Titu 1:8 Referans Kwoze

1 TIMOTI MASA 3:2

Tua ahih ciangin thuhilhpa in mawhsak nading tawh a kipelh mi, zi khat bek a nei mi, a lungsim kip mi, a khuaval lo mi, a kilawm a kituak-a gamta mi, zindo siam mi, thuhilh siam mi ahi ding hi.

Titu 2:7

Na khempeuh ah gamtatna pha lim, nangmah mah in na pumpi-in na lak in. Thu na hilh ciangin kheemna thu om loin, khuaval zulhtat loin, mawhsakna om lo thu siangtho na hilh in.

1 KUMPI MASATE 5:7

Hiram in Solomon’ kam a zak ciangin nakpi takin a lungdam a, “Hih a lian a tam mite a uk dingin David tungah a pil tapa a pia Topa in tu ni-in thupha ngah ta hen,” a ci hi.

1 JOHAN MASA 5:1

Zeisu in Khazih ahi ci-a a um mi in Pasian’ pian’sak mi ahi hi. Pa a it mi in Pa’ pian’sak mi zong a it ding hi.

1 JOHAN MASA 3:14

Eite in ute naute khat leh khat ki-it i hih man-inah sihna panin nuntakna ah i galkah zo hi cih i thei hi. A it lo mi in sihna sungah a om lai hi.

1 TIMOTI MASA 6:11

Pasian’ mi aw, nang na hih leh, tua mawhnate pel in la, dikna, Pasian biakna lamah nopsakna, upna, itna, thuakzawhna, lungnemnate na phak matengin na delh in.

1 TIMOTI MASA 4:12

Khangno lai na hih hanginah kuamah kisimmawhsak kei in. Thugenna, gamtat ngaihsutna, midang itna, upna, siangthona sung pan a um mite ading limpha na suak in.

1 THESALONIKA MASA 2:10

Amahmah Gam leh a vangliatna sungah hong sam, hong tungsak Pasian tawh a kilawm a kituak na gamtat nadingun pa in a tate a bawl mah bangin kote in note khempeuh bang ci bangin kong hansuah uh a, kong vaikhak uh note in na theih uh mah bangin upna sungah a tung note lakah kote in, bang ci bangin siangthoin, mawhsak nading om loin ka om uh note in, kote ading teci pang mi na hi uh hi; Pasian in zong ko ading teci pang mi ahi hi.

Late 16:3

Leitung a, om mi siangthote ahih leh, amaute nampi hi a, amau sungah ka lungkimna teng om hi.

1 KUMPI MASATE 5:1

Amaute in ama pa’ munah kumpi-in amah sathau a nilhna thu a zak ciangin Tai-ar kumpi Hiram in a nasemte Solomon kiangah sawl hi; bang hang hiam cih leh Hiram in David it tawntung hi.

1 SAMUEL MASA 18:1

David leh Saul a kiho khit a kipanin Saul’ tapa Jonathan in David it mahmah a, Jonathan in ama pumpi zahin it hi.

2 TIMOTI NIHNA 3:3

ngeina bang itna a nei lo mi, kitotna lungsim nei mi, mi a gendai thei mi, a pumpi kikem zo lo mi, a hangsan mi, a hoih lam a deih lo mi,

2 TIMOTI NIHNA 2:22

Khangno’ deihgawhna lungsim na tang in la, lung siangthona tawh Pasian kiangah thu a ngen mite tawh, dikna, upna, itna leh nopna delhin na zuikhawm in.

Amos 5:15

Thusia mudahin thupha deih un la, thukhen zumah a manin thu khen un. Tua hi leh, Josef minam a suakta sunte tungah, Topa, mihonpite’ Pasian hong thunuam kha thei ding hi.

Luka 2:25

Tua lai takin Simeon kici mi khat Jerusalem khuapi ah a om hi. Tua pa dik a, Pasian zahtak a, Israel mipawlte’ nopsak nading a lamen hi. Kha Siangtho in ama tungah a om hi.

Sawltak 24:25

Paul in dikna thu, kidekna thu leh hong tung ding Thukhenna Ni thu a hilh ciangin Feliks Mangpa lau a, “Tu-in pai ta in. Tu nung a kilawm hun ciangin kong samkik ding hi,” a ci hi.