Titu 1:7 - Tedim Bible

⁷ Bang hang hiam na cih leh, Pawlpi siapa in Pasian’ neihsa kempa bangin mawhsak nading tawh a kipelh mi ahi ding hi. Ama deihna a zui mi, mi lungtom mi, zu ne a, a kitawng thei mi, midang a vua thei mi, a siangtho lo a deihgawh mi ahi kei ding hi.

Tedim Bible Revision 2017

⁷ Pawlpi siate pen Pasianʼ nasem ahih manin paubaanna a om lo, a kiphasak lo, zukham thei mi ahi lo, a ngongtat lo, a huaiham lo,

Titu 1:7 Referans Kwoze

2 PETER NIHNA 2:10

atak takin ci leeng kihhuai deihgawhna tawh pumpi deihna zui-in, ukna thusim lo-a a dik lo mite thu a khen Ni dongin daantatsakin kikhum nading ahi zongin ahih thei hi. Tua mite in lau loin amau deihna a zui thei mi hi uh a, a lian a ukte a kosia ngam uh hi.

Efesa 5:18

Hong khamsak thei leenggahzu tangin, Kha Siangtho tawh kidimin om un.

1 PETER MASA 5:2

Note lakah a om Pasian’ tuu honte cin’ nading thu panin, zawhthawhna tawh cing loin, a siangtho lo sum hauh nading hi loin, hehpihna lungsim tawh,

1 PETER MASA 4:10

Note in hehpihna letsong na ngah ciat uh mah bangin Pasian’ hehpihna thupha atuamtuam a keem mi phate bangin, khat leh khat na kihawm un.

Luka 12:42

Topa in, “A topa in a hun a tun’ ciangin, a innkuanpihte’ annek tuidawn a hawmsak dinga a koih, a diktat a lungpil nasempa kua ahi hiam?

Ezekiel 44:21

Biakinntual sungnung ah a lut ma-un siampite in leenggahzu ne lo ding uh hi.

Isaiah 28:7

Hih mite zong leenggahzu tawh hoi-in kham theih zu tawh awn uh hi: siampite leh kamsangte nangawn zu khamin hoi uh hi. Kamsangte in zu kham lua ahih manin Pasian’ muhsak mangmuhnate thei thei lo uh a, siampite in zong zu kham lua uh ahih manin a thukhen dingte uh khen thei lo uh hi.

Paunak 14:17

A lungtom mite hai gamtat a, ngaihsutna hoih lo a neite kimudah hi.

Paunak 15:18

Lungtomna in kitotna piangsak a, lungduaina in kilemna piang sak hi.

Titu 2:3

Tua mah bangin numei teekte in zong Pasian’ thu tawh kilawm gamtatna a bawl nading, midangte a gendai loh theih nading, kham lua-a leenggahzu’ sila ahih loh nading, thu hoih a hilh theih nading tham loin, Pasian’ thu in gensiatna a thuak loh nadingin a khangno numeite in a pasal a it ding, a tate a it ding,

Titu 1:5

Keimah in nang kong vaikhak mah bangin Krete gamah a kisam lai nate vaihawm kikin, khua khempeuh ah pawlpi upa koih nading tua gamah nang kong nusia zo hi.

Filippi 1:1

Khazih Zeisu’ silate ahi uh Paul leh Timoti in Filippi khua-ah a om pawlpi siate leh upate-a kipan Khazih Zeisu sungah kip-a a om misiangthote khempeuh thu kong zasak uh hi.

Mattiu 24:45

“A topa in a hun a tun’ cianga a innkuanpihte annek tuidawn a hawmsak ding a koih, a diktat, a lungpil nasempa kua ahi hiam?

Thuhilh-sia 7:9

Heh pahpah kei in, hehna in haihuai hi.

Paunak 16:32

Vangliatna sangin lungduaina hoihzaw a, khuapi khat ukna sangin eima pumpi ki-uk zawhna hoihzaw hi.

Siampi Laibu 10:9

“Nang hita leh na tapate hita leh kikhopna bukah na pai uh ciangin leenggahzu hita leh kham theih zu hita leh dawn kei un, na dawn uh leh na si ding uh hi; tua in na suan na khakte tungah khang tawntungin ngeina kip khat hi ding hi.

Piancilna 49:6

Amau’ kikhopna-ah ka pai kei ding a, amau’ pawl tawh ka kizom kei ding hi; bang hang hiam cih leh a hehna uhah amaute in mi that uh a, amau' kiphatsakna tawh amaute in bawngtalte zagui sattat uh hi.