Titu 1:6 - Tedim Bible

⁶ Upate in mawhsak nading tawh a kipelh mi, zi khat bek a nei mi, a tate zong thu-um mi hi-in, leitung nopsakna-ah uang lua hi ci-in mawhsakna a nei lo, thumang lo mi hi lo ding uh hi.

Tedim Bible Revision 2017

⁶ Upate pen paubaanna a om lote hi dinga, zi khat bek nei-in, a tate zong thu um mi hi-in, a thumang lo, a pheng tat gawpte hi lo ding uh hi.

Titu 1:6 Referans Kwoze

1 TIMOTI MASA 3:12

Upate in zi khat bek nei-in, amau’ tate leh a inn uh a pha takpi-in uk ta uh hen.

Titu 1:10

Bang hang hiam na cih leh, ukna mang loin, mawkna kam genin midangte a kheem thei mi tampi om uh hi; vunatna a thuak mite lakah a om thei bel uh hi.

Efesa 5:18

Hong khamsak thei leenggahzu tangin, Kha Siangtho tawh kidimin om un.

Ezekiel 44:22

Meigong numei ahi a, a kimasa numei ahi zongin zi-in nei lo ding uh a, Israel nungak, ahih kei leh siampite’ zi meigongte ten’pih ding uh hi.

Siampi Laibu 21:7

Amaute in numei paktat ahih kei leh a kininsaksa numei ten’pih lo ding uh hi; a pasal in a maksa numei zong ten’pih lo ding hi; bang hang hiam cih leh siampipa in ama Pasian adingin siangtho hi.

1 THESALONIKA MASA 5:14

Ute naute aw, thadah zulhtat mite a kikep nadingun na hilh un, lungsim zawmte na hansuah un, thanemte na huh un, mi khempeuh tungah na lungduai un.

Luka 1:5

Judah gam Herod kumpipa a man’ lai-in Abijah pawlte lakah Zekhariah a min nei siampi khat a om hi. Tuapa’ zi in Aaron suan hi a, a min Elisabeth ahi hi.

Paunak 28:7

Thuhilhna a mang mi in ta pil hi a, lawm gina lo tawh a kikhawl mi in a pa mindaisak hi.

1 SAMUEL MASA 2:22

Tu-in Eli teek mahmah a, Israelte khempeuh tungah a tapate’ gamtatnate, leh kikhopna buk lutna-ah na a sem numeite tawh a lupkhopna thute khempeuh za hi.

1 SAMUEL MASA 2:11

Tua ciangin Ramah-a ama inn-ah Elkanah ciah hi. Naupang in siampi Eli omna-ah Topa’ na sem hi.

Siampi Laibu 21:14

Meigong numei, a kimasa numei, a kininsaksa numei, numei paktat, amah in hih bangte ten’pih lo ding hi; ahih hangin amah in ama mite lak panin nungak khat zi-in la ding hi;

Piancilna 18:19

Im kei ning. Bang hang hiam cih leh Topa in Abraham’ tunga a ciamsa thu a tun’sak theih nadingin ama' khit-a a tate leh a innkuanpihte in thuman leh thutang-a nasepna tawh Topa’ thupiakte a zuih theih nadingun a hilh dingin amah ka teel khin hi,” ci hi.

Malakhi 2:15

Pasian in na zite uh tawh pum khat, lungsim khat ahi dingin hong bawl hilo ahi hiam? Hih banga hong bawlna in bang a deihna ahi hiam? Pasian’ mi taktak ahi ding tate i neih theih nading ahi hi. Tua ahih manin na khangno lai-un na ten’pih na zi uh tawh na thuciamna uh na palsat khak loh nadingun kidawm un.