Titu 1:5 - Tedim Bible

⁵ Keimah in nang kong vaikhak mah bangin Krete gamah a kisam lai nate vaihawm kikin, khua khempeuh ah pawlpi upa koih nading tua gamah nang kong nusia zo hi.

Tedim Bible Revision 2017

⁵ Krete Tuikulh gam sung tengah a manin puahphat ding a kisam lai a omte a sem ding le khua simah pawlpi upa a koih dingin tua gamah a hong nusia ka hi hi. Nang tungah ka hong gen sa thute hoihtakin na phawk in:

Titu 1:5 Referans Kwoze

Sawltak 14:23

Pawlpite khempeuh ah amaute’ adingin upate a koih sak uh a, an tangin thu a nget khit uh ciangin, amaute in a up uh Pasian’ khut sungah a ap uh hi.

1 TIMOTI MASA 1:3

Thu hilhna tuamdang hilh lo ding ci-in ahi zongin, upna hangah a om Pasian ngeina kipsak loin khat leh khat kinialna a bawl thei tanglai thu leh khang ciamtehna mang lo ding ci-in ahi zongin, mi kimkhat na kham nadingin Efesa khua-ah na om nadingin, Makedonia gamah ka pai laitakin ka hong thuum bangin om lai in, kong ci kik hi.

Thuhilh-sia 12:9

Thugen Siampa, mipil ahih ban-ah ama theih teng, mite tungah hilh hi. Amah in paunakte, lim takin sin a, aman ahihna thu hoih takin entel hi.

1 KORIN MASA 14:40

Na khempeuh akilawm akituakin na hih un.

2 TIMOTI NIHNA 2:2

Teci tampi mai-ah keima kiang pan na zaksa nate, dikna tawh dimin midangte a hilhsawn thei ding mite’ tungah na ap in.

1 KORIN MASA 11:34

Na kikhopna uh mawhna kikhopna a suah loh nadingin a gilkial mi in ama innah an ne hen. Thu a om laite ka hong tun’ ciangin i vaihawm ding hi.

Sawltak 27:21

Amaute in an ne loin, sawt veipi a om khit uh ciangin Paul in amaute laizangah ding-in “Tote aw, ka thu na ngaih uh leh, Krete gam panin pai loin na om le-uhcin, hih kisiatna tawh na kipelh ding uh hi.

Sawltak 27:12

Tua teembaw khawlna munah phalbi sung tawntung om huai lo ahih ciangin, “Tua lai mun pan paikhia-in Foenik khua i tun’ zawh leh, phaibi sung tawntung tua lai-ah tam leng a hoihzaw ding hi,” ci-in mi a tamzaw in a gen uh hi. Foenik khua in Krete gam teembaw khawlna mun hi a, saklam nitumna leh khanglam nitumna lam a maingat khawm hi.

Sawltak 27:7

Damdamin pai-in, ni tampi ka pai khit uh ciangin Nidas khua tawh a kitang mun haksapi-in ka tun’ khit uh ciangin, huih kiphu zo nawn lo ahih ciangin Krete gam huih kidalsakin Salmone leizum tawh a kitang takin ka pai uh a,

Sawltak 11:30

Tua mah bangin a bawl uh a, upate kiangah Barnabas leh Saul te’ khut tawh a khak uh hi.

Isaiah 44:7

Kua in kei tawh kibang ahi hiam? Amah gensak-in pulak sak un la, keima mai-ah gen sak un. A tung ding nate thu tanglai pek panin kua in tangko ahi hiam? Hong tung ding nate thu amaute genkhol sak dih un.

Kolose 2:5

Keima pumpi in note tawh kikhenin ka om hangin, ka lungsim note tawh omkhawm a, note in a ngeina bangin na bawl theihna uh ahi zongin, Khazih sungah upna kipin na om uh ahi zongin ka muh ciangin ka lung a dam hi.

Sawltak 2:11

Judah mi ahi zongin, Judah ngeina sungah a tum mite ahi zongin, Krete leh Arab ahi eite khempeuh in Pasian’ nalamdangte eite’ kam tawh hong gen uh i za hi!”a ci uh hi. Amaute khempeuh in lamdangsa-in lung-am uh a, “Bang ahi hiam?” ci-in khat leh khat a kikum uh hi.

1 KHANG TANGTHU MASATE 6:32

Solomon in Jerusalem ah Topa’ inn a lam ciang dong amaute in kikhopna puanbuk ahi biakbuk mai-ah lasak na sem uh hi; amaute in a nasep uh a hunhun a banbanin, sem uh hi.

Sawltak 27:13

Khang lam huih in damtakin hong nun’ ciangin kipai thei ding hi ci-in ngaihsunin khawlna sikkawi lian a khai khit uh ciangin a pai uh a, Krete tuipi gei kinai-ah a pai uh hi.

1 KORIN MASA 4:17

Tua hangin Topa’ nasepna pan a diktat, ka it ka ta Timoti note kiangah kong sawl hi. Mun khempeuh ah pawlpi khempeuh thu ka hilh mah bangin, kei in Khazih sungah ka gamtatnate amah in note hong phawksak ding hi.

Titu 1:12

Amau lakah amau mipawl ahi kamsangpa khat in: “Krete mite in a zuau thei mi, ganhing gilo, anhai thadah mi ahi uh hi,” a ci zo hi.

Siampi Laibu 14:42

tua ciangin amaute in suang dang la-in tua suangte’ omna munah koihin, amah in zutna dang la-in inn zut ding hi.