Titu 1:15 - Tedim Bible

¹⁵ Mi siangtho mai-ah na khempeuh a siangtho hi. A siangtho lo leh thu-um lo mite mai-ah ahih leh, bangmah a siangtho kei hi; amaute lungsim uh leh amau lungsim-theihna uh zong a siangtho kei hi.

Tedim Bible Revision 2017

¹⁵ Lungsim siangthote adingin na khempeuh a siang hi a, ahi zongin thu um lote a lungsim ngaihsutnate uh sia khin ahih manin amaute adingin a siang bangmah om lo hi.

Titu 1:15 Referans Kwoze

ROM (Romans) 14:14

Bangmah in a pian’pih tawh a kihhuai kei hi, keimah in Topa Zeisu muangin thei-in ka lungkim hi. Ahih hangin a kihhuai a sa mi khat a om leh, ama tungah a kihhuai hi.

ROM (Romans) 14:20

An nekna hangin Pasian bawlna na susia kei un. An khempeuh a siangtho hangin midangte a puk nading a ne mi in a khial hi.

1 KORIN MASA 10:23

Na khempeuh i bawl theih hangin na khempeuh hih ding a kilawm kei hi. Thu khempeuh i hih theih hangin thu khempeuh in hong kipsak thei kei uh hi.

Mattiu 15:18

Kam sung pan a paikhiate in lungsim sung pan paikhia ahih ciangin mi a ninsak thei hi.

ROM (Romans) 14:23

A um khial mi in a nek leh, upna lungsim nei loin ne ahih ciangin amah le amah a kimawhsak ahi hi. Upna lungsim tawh kituak lo gamtatna khempeuh in mawhna ahi hi.

1 KORIN MASA 10:31

Tua ahih ciangin note in anneek tuidawn akipan na khempeuh na bawl uh ciangin Pasian’ minthan’ nading ngaihsunin na hih un.

Sawltak 10:15

Khatvei aw in hong kiko a, “Pasian in a sian’ thosakte a siangtho lo na sa kei in,” a ci kik hi.

1 KORIN MASA 8:7

Ahih hangin mi khempeuh in tua bang pilna a nei kei uh hi. Kimkhatte in tu dongin milim biakna sa a nek uh ciangin milim ngaihsutna lungsim tawh a ne uh a, amau kitheihna lungsim a zawm manin a kihhuai a piang hi.

Hebru 10:22

eite in lungsim kisuan’na om loh nadingin kitheh a, tui siangtho tawh i pumpi i kisil khit ciangin up khialhna om lo, upna kipin dikna tawh a dim lungsim nei-in Pasian kiangah nai ni.

1 KORIN MASA 10:25

Kitheihna lungsim tawh ngaihsunin sumbuka kizuak khempeuh teldot loin na ne un.

1 TIMOTI MASA 6:5

Tuate in Pasian biakna lamah nopsakna in sum hauhna hong piangsak hi ci-in a um uh hi.

Paunak 21:4

Kihisak-a gamtatna leh kiphatsakna lungsimte in, mawhna hi a, migilo hihna lim ahi hi.

Haggai 2:13

Tua ciangin Haggai in, “Mi khat in misi tawh a kisukkhak manin mi nin a suah khit ciangin hih ante khatpeuh peuh lawng kha leh tua a lawn’ khak ante a nin a suak ding hiam?” ci-in dong hi. Siampite in, “A nin suak ding hi,” ci-in dawng uh hi.

Hebru 9:14

tua tham loin, mawhna nei loin a tawntung Kha Siangtho tawh amahmah Pasian biakna-a kipia Khazih’ sisan in a nungta Pasian biak nadingin nomau pumpi kisuan’na lungsim uhah a om sihna tawh kipawl gamtatnate tawh kipelhin a siangthosak nadingin a bawl theizaw ding hilo ahi hiam?

Paunak 30:12

Amaute a nin mahmah kim lai hi napi-in, amau’ muhna-ah siang a kisa mahmah mi pawlkhat om hi.

Hebru 12:15

Note lakah khatpeuh mah in Pasian’ hehpihna thupha ngah loin a om loh nading ahi zongin, a kha kung a zung poin, note hong bawlsia-in mi tampi hong ninsak ding ahi zongin,