Titu 1:11 - Tedim Bible

¹¹ Tua mite kam kihu cip ding hi. Bang hang hiam na cih leh, amaute in sum siangtho lo hangin ahilh tuak lo thu hilhin, innkuanpih khempeuh lumlet thei uh hi.

Tedim Bible Revision 2017

¹¹ Sum ngah theih nading bekin a kilawm lopi-in thu hilhin biakna innkuan buppi nawngkaisak uh ahih manin thu a gen nawn loh nadingun khaktan ding ahi hi.

Titu 1:11 Referans Kwoze

2 TIMOTI NIHNA 3:6

Tua mite lakah simtatin innte sungah a lut khit uh ciangin, deihgawhna atuam atuam zui-in,

1 TIMOTI MASA 6:5

Tuate in Pasian biakna lamah nopsakna in sum hauhna hong piangsak hi ci-in a um uh hi.

ROM (Romans) 3:19

Thukham in a gen thu khempeuh thukham nuai-ah a om mite kiangah a gen hi cih i thei hi. Tua ahih ciangin kam a vekpi kikham uh a, leitungmi khempeuhte in Pasian mai-ah mawhsakna a thuak ding uh hi.

Titu 3:10

Thu nial a, kikhenthang mi, khatvei, nihvei bang taai-in na hilh khit ciangin,

Late 63:11

Ahih hangin Pasian sungah kumpipa lungdam ding hi; amah tawh thuciam khempeuhte zong minthang ding hi; bang hang hiam cih leh zuauthu gente kamte kihubing ding hi.

Titu 1:9

Tua tham loin, amah in thuhilhna siangtho tawh hansuah theih nading ahi zongin, a nial mite kam a thukkik theih nading ahi zongin, thuhilhna thu tawh kilawm dikna kam a zui tawntung mi ahi ding hi.

Titu 1:7

Bang hang hiam na cih leh, Pawlpi siapa in Pasian’ neihsa kempa bangin mawhsak nading tawh a kipelh mi ahi ding hi. Ama deihna a zui mi, mi lungtom mi, zu ne a, a kitawng thei mi, midang a vua thei mi, a siangtho lo a deihgawh mi ahi kei ding hi.

Micah 3:5

Sum a pia zo mite kiangah thunuam gen a, a pia lo mite kiangah, gal tuah ding a gen, kamsangte in mite lam khialsak uh hi. Topa in tua bang kamsangte kiangah,

Late 107:42

Lungsim thutangte in hih thu mu in kipak uh hi; a gilo khempeuhte in ahih leh amau kam a cih ciat uh hi.

2 KORIN NIHNA 11:10

Khazih’ thuman thutak in keima sungah a om mah bangin Akhaia gamah hi bang ka kisaktheihna kuamah in hong khaam zo kei ding hi.

Luka 20:40

A nung ciangin, amaute in thudang a dong ngam nawn kei uh hi.

Micah 3:11

Khuapi ukte in sumgolh ngah nading bekin thu khenin, siampite in sum ngah nading bekin thu gen uh a, kamsangte in zong sum ngah theih nading bek mahin, mailam thu genkhol uh hi. Tua bang hi napi-in amaute in Topa, muan’in nei uh a, “Topa in eite hong ompih a, i tungah siatna hong tung lo ding hi,” ci uh hi.

Ezekiel 16:63

Na gamtatnasa khempeuh kong maisak khit ciangin na gamtatnasa khempeuh na phawkkik ding a, maizum lua-in cihna ding mel thei loin na om ding hi, Topa Pasian in ci hi,” hong ci hi.

Ezekiel 13:19

Mangbuhham khut khat dim leh anlum them tawm khat na ngah theih nadingun ka mite mai-ah kei nong minsiasak uh hi. A si dingin a kilawm lopite na that nuam uh a, a hing dingin a kilawm lopite na hingsak nuam uh hi. Tua bangin ka mite tungah zuau thu genin, amaute in note’ thugen hong um uh hi.

Jeremiah 8:10

Tua ahih manin a zite uh midangte ka piaksak ding a, a lote uh zong midangte ka luahsak ding hi. Bang hang hiam cih leh a neupen pan a lianpen dongin thuman lopi tawh sum zongin a huaiham uh hi. Kamsangte akipan siampite dongin thuman lo khin uh hi.

Johan 10:12

Tuu neipa hi lo a kicial tuucing ahih leh, ngia hong pai a muh ciangin tuute nusia-in tai a; ngia in tuute manin a kithehthangsak hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

1 TIMOTI MASA 5:4

Ahih hangin ta leh tu a nei meigongnu ahih leh, a tute a tate in a masa-in amau innkuanpihte zahtakin, a pa, a pite’ hehpihna thukkik nading sin uh hen. Bang hang hiam cih leh, tua bang hihna in Pasian mai-ah a deihhuai ahi hi.

1 TIMOTI MASA 5:13

Tua tham loin, inn khat pan inn khatah vak kawikawi-in, thadah tham loin, kam tamin, a gen tuak lo nate genin, amau tawh kikum lo thu-ah a kihel thei uh hi.

2 TIMOTI NIHNA 2:18

Amaute in, “Misite’ thawhkikna a kheng zo hi,” ci-in thu-upna lam pan pialin mi kimkhatte’ upna a siasak uh hi.