Titu 1:10 - Tedim Bible

¹⁰ Bang hang hiam na cih leh, ukna mang loin, mawkna kam genin midangte a kheem thei mi tampi om uh hi; vunatna a thuak mite lakah a om thei bel uh hi.

Tedim Bible Revision 2017

¹⁰ Bang hang hiam cih leh thu a mang lo, thu a mawk gengen, mi a khem thei, a diakdiakin Jew ngeina bangin vun at nading thu a gen tampi tak a om uh hi.

Titu 1:10 Referans Kwoze

1 TIMOTI MASA 1:6

Tua gamtatnate mi kimkhatte in zui tawntung loin, a mawkna kampauna lamah a pialkhia uh hi.

1 JOHAN MASA 4:1

Ka itte aw, kha khempeuh um kei un. Khate in Pasian tawh kipawl hiam, kipawl lo hiam dongtelin, en un. Bang hang hiam na cih uh leh, zuauthu a gen kamsang tampi leitungah a paikhia zo uh hi.

Galati 2:4

Khazih Zeisu hangah i ngahsa suahtakna thu en simin eite sila hong suahsak nadingun kheemna tawh a hong tumsim ute naute banga kibawl mite’ thu hangin tua bang hong bawl uh hi.

Efesa 4:14

Bang hang hiam na cih uh leh, mi dangte in mi kheemna mawhna lamah zol dingin, kheemna thu gen ahih ciangun, eite in a nung ciangin thuhilhna khempeuh ah huih in a let kawikawi naupang suak loin,

Jeim 1:26

Mi khat in, “Pasian ka bia hi,” ci-in amah a ki-up hangin ama kam a kham kei leh, tua mi in a kikheem suak a, ama biakna in a mawkna ahi hi.

2 TIMOTI NIHNA 3:13

A gilo leh mi kheem thei mite a hih uh leh, gilo semsem ding uh a, midangte kheemin, amau mahmah zong a kikheem ding uh hi.

Sawltak 11:2

Piter in Jerusalem khua-ah a paitoh ciangin vunatte in,

Mangmuhna 2:14

Ahih hangin nangma tungah gen ding neukha a om hi. Bang hang hiam na cih leh, milim mai-ah biakna sa nek ding ahi zongin, numei leh pasal tawh khialhna gamtat ding ahi zongin, Israel mipawlte mai-ah suih khak nading Barak a hilh Balaam’ thu hilhna a zui mi kimkhat nangma sungah a om hi.

Mangmuhna 2:6

Nangma tungah a om phatnate in ka muhdah Nikolas pawlte’ gamtatnate kei’ muhdah mah bangin nangmah in zong na muhdahna ahi hi.

1 JOHAN MASA 2:18

Ta neute aw, tu laitak hun in a nunung bel hun ahi hi. Khazih’ gal ahi Anti Khazih hong piang ding thu note in na za zo uh mah bangin, tu-in Anti Khazih tampi a om uh hi. Tua ahih ciangin tu hun in a nunung bel hun ahi hi cih i thei hi.

2 TIMOTI NIHNA 4:4

thuman thutak ngai loin, tangthu ngai-in a paikhiat hun uh a tung ding hi.

Galati 3:1

Pilna a nei lo Galati mite aw, singlamteh tungah sihna a thuak Zeisu Khazih in no mai-ah a tel takin hong kilak napi-in, note a kua in hong bum hiam?

Sawltak 20:29

Ka pai khit ciangin gilo ngiate in nomau lakah lutin, a tuute a hehpih kei ding uh hi.

Sawltak 15:1

Judah gam panin mi kimkhatte hong pai uh a, “Note in Moses’ Thukham bangin vun na at kei uh leh, gupna na ngah kei ding uh hi,” ci-in ute naute kiangah a gen uh hi.

Sawltak 15:24

Mi kimkhatte in ko thupiak lohin kote kiang panin a paikhia uh a, note lungsim uh hong lumletin, hong gimsak zo cih thu ka za uh hi.

Titu 1:6

Upate in mawhsak nading tawh a kipelh mi, zi khat bek a nei mi, a tate zong thu-um mi hi-in, leitung nopsakna-ah uang lua hi ci-in mawhsakna a nei lo, thumang lo mi hi lo ding uh hi.

1 JOHAN MASA 2:4

“Tua Topa ka thei hi,” ci napi-in ama thupiaknate a zui lo mi in thuzuau genpa hi a, ama sungah thuman thutak a om kei hi.

Mattiu 23:14

“A simtat laitheite leh Farisaite aw, meigongte’ neihsa teng na nektumsak uh a, kineihna tawh saupipi thu na ngen uh hi. Tua ahih ciangin thukhenna lauhuaizaw na thuak ding uh hi.