Thukhente 9:5 - Tedim Bible

⁵ Tua ciangin Ofrah-a a pa’ innah amah pai-in, Jerubbaal’ tapa a sanggam mi sawmsagihte suang khat tungah that hi; ahih hangin amah bu ahih manin Jerubbaal’ tapa neu pen Jotham suakta hi.

Tedim Bible Revision 2017

⁵ Tua ciangin Ofrah a a paʼ inn ah amah pai-in, Jerubbaalʼ tapa a sanggam mi sawm sagihte suang khat tungah a that hi. Ahih hangin amah bu ahih manin Jerubbaalʼ tapa neu pen Jotham a suakta hi.

Thukhente 9:5 Referans Kwoze

2 KHANG TANGTHU NIHNATE 21:4

A pa’ kumpi tokhom ah Jehoram kahin a kip ciangin namsau tawh a sanggam pasal khempeuh that a, Judah ulian pawlkhat zong that hi.

Thukhente 6:24

Tua ciangin Gideon in Topa adingin biakna tau khat tua lai-ah lam a, tua pen, Topa in nopna ahi hi, ci-in phuak hi. Tua pen, Abiezer mite’ neihsa Ofrah-ah tu ni dongin ding lai hi.

Mattiu 2:20

“Tho in la, naupang leh a nu sam in la, Israel gamah na ciahpih in. Naupang that nuama a zongte in a si zo uh hi,” a ci hi.

Mattiu 2:16

Herod kumpipa in mi pilte’ khemna a theih ciangin a thangpai mahmah a, mite sawl a, mipilte kiangah a tel taka a dot hun tawh kizui-in Bethlehem khua-a kipan khua kimah a om kum nih nuaisiah pasalno khempeuh a thatsak hi.

2 KUMPI NIHNATE 10:17

Tua ciangin Samaria ah a tun’ ciangin Elijah tungah a gen Topa’ kammal bangin Jehu in amaute a siakkhiat dongin Samaria sunga Ahab mi a om laite khempeuh amah in that hi.

Thukhente 9:2

“Shekhem khuami khempeuh huau-in gen un, ‘Jerubbaal’ tapa sawmsagihte a vekpi in note hong uk ding leh khat in note hong uk ding, note adingin koi hoih zaw ahi hiam?’ a ci hi. Keimah in note’ guh note’ sa ka hihna zong phawk un,” a ci hi.

Thukhente 8:30

Tu-in Gideon in tapa sawmsagih, ama aa mahmah nei hi, bang hang hiam cih leh amah in zi tampi nei hi,

Thukhente 9:6

Tua ciangin Shekhem khua mite khempeuh leh Bethmillo khua mite khempeuh hong paikhawm uh a, amaute in Shekhem khua-a tawsaw khuampi kiangah Abimelek kumpi suaksak uh hi.

Thukhente 9:18

ahi zongin tu ni-in ka pa’ innkuan lang khatah note tho-in a tapate mi sawmsagih suang khat tungah na that uh a, ka pa in a nasem numei tawh a neih a tapa Abimelek pen note’ tanau ahihna hangin Shekhem khua mite tungah kumpi-in na bawl uh hi—

2 KUMPI NIHNATE 10:7

Amaute kiangah a laikhak a tun’ ciangin amaute in kumpipa’ suan-le-khakte la-in amau mihing sawmsagihte that uh a, tua ciangin a lutang uh seeng sungah guangin ama kiang Jezre-el ah puak uh hi.

Thukhente 6:11

Tu-in a tapa Gideon in Midian mite muh loh dingin leenggah sukna-ah mangbuh satin a om lai takin, Ofrah-ah Abiezer mi Joash neihsa tawsaw nuai-ah Topa’ vantungmi hong pai-in hong tu hi.

1 KUMPI MASATE 1:12

Tua ahih ciangin tu-in hong pai-in, nangma nuntakna leh na tapa Solomon’ nuntakna na suahtaksak theih nadingin nang tungah ngaihsutna kong pia ding hi.

1 KUMPI MASATE 1:21

Tua bang hi kei leh ka to kumpipa a pate tawh a ihmut ciangin kei leh ka tapa Solomon a khial-in hong kiseh hun hong tung ding hi,” a ci hi.

2 KUMPI NIHNATE 11:3

Athaliah in Israel gam sungah a uk sung teng tua nu tawh amah kum guk sung omin Topa’ inn sungah bu hi.