Thukhente 9:4 - Tedim Bible

⁴ Tua ciangin amaute in Baalberith inn panin ngun peek sawmsagih Abimelek pia uh a, amah in ama nung a zui bangmah-a kimang lo leh thu ngaihsun thei lo mite cialna hi.

Tedim Bible Revision 2017

⁴ Tua ciangin amaute in Baal-berith inn panin ngun pek sawm sagih Abimelek pia uh a, amah in ama nung a zui, bangmah-a a kimang lo le thu ngaihsun thei lo mite cialna hi.

Thukhente 9:4 Referans Kwoze

Thukhente 8:33

Gideon a sih khit phetin Israel mite kihei kikin Baalte bia uh a, a pasian dingun Baalberith bawl uh hi.

Sawltak 17:5

Ahih hangin Judah mite in eengin, mi gilo kimkhatte a sap khit uh ciangin, mihonpi kikhawmsak-in khua sung a gamlumsak uh a, Jason’ innah a uumcip uh a, amaute mite mai-ah kaihkhiat nading a zong uh hi.

2 KHANG TANGTHU NIHNATE 13:7

Rehoboam khangno lai a, thu khentat thei nai loin, amaute a nial zawh nai loh hun lai takin mi gina lo honkhat Solomon’ tapa Rehoboam’ kiimah kikhawmin amah dem uh hi.

Thukhente 11:3

Tua ciangin a sanggamte kiang panin Jefthah tai-in Tob gam sungah teeng hi; bangmah manlo mite in Jefthah pawmin amah tawh mite sugawpin pai uh hi.

Paunak 12:11

Nakpi tak-a lokhote in an hau a, man nei lopi-a hun beisakna in haina hi.

JOB (Job) 30:8

Bangmah-a kimang lo misia honte, mite omna gam sung panin kihawlkhia hi.

1 SAMUEL MASA 22:2

Tua ciangin a lungkham mi khempeuh, leh leiba a nei mi khempeuh, leh a lungkim lo mite khempeuh ama kiangah kikhawm uh hi; amah in amaute tungah a ukpa a suak hi. Tua lai-ah amah tawh mihing zali bang om hi.

2 SAMUEL NIHNA 6:20

Tua ciangin a innkuan thupha pia dingin David ciah hi. Ahih hangin David dawn dingin Saul’ tanu Mikhal hong paikhia a, “Tu ni-in Israel kumpipa, mi mawkmawkte khat maizum lo a, a guak om bangin, a nasemte, numeite’ muhna-ah a guak tangin omin, amahmah bangci kipahtawi ahi hiam?” a ci hi.

Zefaniah 3:4

A kamsangte kihisak uh a, kamsang citak hi lo uh hi. A siampite in a siangtho nate ninsak a, amau’ angsung ding bek khualna-in Pasian’ thukham lehhei uh hi.

Thukhente 9:27

Amaute lo-ah kuanin a leenggui lo uh panin leenggah khawmin cil uh a, pawi khamin amaute’ pasian’ inn-ah pai uh a, anne tuidawnin omin Abimelek zahko uh hi.