Thukhente 8:4 - Tedim Bible

⁴ Tua ciangin Gideon, amah leh amah tawh a om mi zathumte, Jordan tungin galkah a, gimpi mahin amaute delh lai uh hi.

Tedim Bible Revision 2017

⁴ Tua ciangin Gideon le amah tawh a om mi za thumte, Jordan tungin gal kah uh a, a gimpi mahin amaute delh lai uh hi.

Thukhente 8:4 Referans Kwoze

Galati 6:9

Eite in lungkia loin gamtat hoih gamta ni. Bang hang hiam na cih uh leh, lungkia loin i om leh, a hun a tun’ ciangin a gah i at ding hi.

2 KORIN NIHNA 4:16

Tua ahih ciangin thanem lungkia loin ka om uh hi. Kote uh pum pua lamah a om mi in a kisiatsiat hangin ka pum sung uhah a om mi in ni khat nung ni khat kibawl thakna a ngah hi.

1 SAMUEL MASA 30:10

Ahih hangin David, amah leh mi zalite a delhin paisuak uh hi; Besor lui a galkah dingin a gim lua mi zanih kinusia uh hi.

Thukhente 7:25

Amaute in Midian ulian nihte Oreb leh Ze-eb man uh hi; amaute in Midiante a delh kawm-un Oreb suangpi-ah Oreb that uh a, Ze-eb leenggah sukna-ah Ze-eb that uh hi; amaute in Jordan gal khat Gideon kiangah Oreb leh Ze-eb lutangte paipih uh hi.

Thukhente 8:3

Pasian in note’ khut sungah Midian uliante Oreb leh Ze-eb hong pia zo hi; note tawh teh dingin ke’n bang hih zo ka hi hiam?” a ci hi. Amah in hih thu a gen khit ciang-in ama tunga amau’ hehna a bei hi.

1 SAMUEL MASA 30:8

Tua ciangin David in Topa thu dong a, “Hih mihonte ka delh ding hiam? Amaute ka pha ding hiam?” a ci hi. Amah in dawngin, “Delh in; bang hang hiam cih leh na pha taktak ding a, na mite na honkhia zo taktak ding hi,” a ci hi.