Thukhente 8:3 - Tedim Bible

³ Pasian in note’ khut sungah Midian uliante Oreb leh Ze-eb hong pia zo hi; note tawh teh dingin ke’n bang hih zo ka hi hiam?” a ci hi. Amah in hih thu a gen khit ciang-in ama tunga amau’ hehna a bei hi.

Tedim Bible Revision 2017

³ Pasian in noteʼ khut sungah Midian uliante Oreb le Zeeb hong pia zo hi. Note tawh teh dingin kote in bang hih zo ka hi uh hiam?” a ci hi. Amah hih bangin kam a pau ciangin ama tunga amauʼ hehna a bei hi.

Thukhente 8:3 Referans Kwoze

Paunak 15:1

Kam neem-a dawn’na in hehna damsak a, kamkhauh in hehna piangsak hi.

Filippi 2:3

Huaihamna lungsim, a mawkna minthan’ deihna lungsim neihna tawh bangmah na hih kei un. Midangte in note sangin a phazaw hi ci-in lungsim niamkhiatna tawh khat leh khat na kingaihsun un.

ROM (Romans) 12:6

Hong piak hehpihna thupha mah bangin eite in nam tampi hehpih phatna i ngah tek a, kamsangpa za i ngah leh, upna zah bangin kamsang na sem ni.

ROM (Romans) 12:3

Kei tunga hong kipia hehpihna thupha hangin note’ kiangah kong gen-inah: No-le-no na kingaihsut ding zah valun kithupi ngaihsut kei un; Pasian in mikim tunga hong hawmsak upna zah tawh kizui-in a man thukhenna tawh nomau ciat kingaihsun un.

Johan 4:37

Tua ahih ciangin, ‘Mi khat in a vawh hi; midang in a at hi,’ a cihna thu a man hi.

Paunak 25:15

Lung duai-a zolzolna tawh gam ukte kizo thei a, kamnem-a pauna tawh aana neite kizo thei hi.

Paunak 25:11

A kilawm hun-a kammal khat paukhiatna in, ngunpeek tunga kham tang khat a kisuang tawh kibang hi.

Paunak 16:32

Vangliatna sangin lungduaina hoihzaw a, khuapi khat ukna sangin eima pumpi ki-uk zawhna hoihzaw hi.

Late 115:1

Kote tungah hi loin, Topa aw, kote tungah hi loin, na itna kip leh na thumanna hangin nangma tungah minthan’na om ta hen!

Late 44:3

bang hang hiam cih leh amaute in amau namsau tawh leitang ngah lo uh a, amau khut in amaute gualzawhna pia lo hi; na khut taklam leh na baan, na hehpihna maipha hizaw hi; bang hang hiam cih leh amau sungah nang na lungkim hi.

Thukhente 8:2

Amah in amaute kiangah, “Note tawh teh dingin ke’n bang hih ka hi hiam? Efraim leenggah sang kaihkhopna in Abiezer leenggah lak sangin hoih zaw hilo ahi hiam?

Thukhente 8:4

Tua ciangin Gideon, amah leh amah tawh a om mi zathumte, Jordan tungin galkah a, gimpi mahin amaute delh lai uh hi.