Thukhente 8:10 - Tedim Bible

¹⁰ Tu-in Zebah leh Zalmunnate, Nisuahna lam mi galkap khempeuh sung pan a om lai teng, mihing tulsawm leh tulnga bang a pha a galkapte uh tawh Karkor-ah om uh hi; bang hang hiam cih leh namsau a tawi mi tulza leh tul sawmnih si khin hi.

Tedim Bible Revision 2017

¹⁰ Tu-in Zebah le Zalmunna te, Nisuahna lam mi galkap khempeuh sung pan a om lai teng, mihing tul sawm le tul nga bang bek a pha lai a galkapte uh tawh Karkor ah om uh hi; bang hang hiam cih leh namsau a tawi mi tul za le tul sawm nih si khin hi.

Thukhente 8:10 Referans Kwoze

Thukhente 7:12

Midian mite leh Amalek mite leh Nisuahna lam mite khempeuh kauphe bangin tamin kuam dungah om uh hi; a kalaohte uh sim zawh hilo a, a tamna pen tuipi gei-a om sehnel zah bang ahi hi.

2 KUMPI NIHNATE 3:26

Moab kumpipa in galsimna pen amah a kihihna ahih lam a theih ciangin, Edom kumpipa’ santak a phukhia dingin namsau tawi mihing zasagih la hi; ahih hangin amaute in phukhia zo lo uh hi.

Thukhente 20:46

Tua ahih ciangin tua ni-in Benjamin-te a si khempeuh, namsau a tawi galhang mihing tul sawmnih leh tulnga ahi hi.

Thukhente 20:35

Tua ciangin Israel mai-ah Topa in Benjaminte zo hi; Israel mite in tua ni-in Benjaminte zo hi; Israel mite in tua ni-in Benjaminte mihing tul sawmnih leh tulnga leh zakhat that uh hi; hihte khempeuh namsau a tawi mite ahi uh hi.

Thukhente 20:25

Amaute do dingin a ni nih ni-in Gibeah panin, Benjaminte hong kuankhia a, Israel mite tulsawm leh tulgiat that uh hi; hihte khempeuh namsau a tawi mite ahi hi.

Thukhente 20:17

Israel mite in Benjaminte sim loh, namsau a tawi mihing tul zali khawm uh hi; hih mite khempeuh galsiam mi ahi hi.

Thukhente 20:15

Benjamin mite in tua ni-in amau’ khuapite panin, Gibeah-ah a teeng a kiteng khia mihing zasagih ban-ah namsau a tawi mihing tul sawmnih leh tulguk khawm uh hi.

Thukhente 20:2

Israel minam khempeuh sung pan makai khempeuh, namsau tawi khe galkap mihing tul zali, Pasian’ mite kikhopna-ah amau mahmah kipia uh hi.

Isaiah 37:36

Tua ciangin Topa’ vantungmi kuankhia-in Assiria mite’ giahphual ah mihing tulza leh tulsawmgiat leh tulnga that hi; zingsang ciangin mite a thawh ciangin hihte khempeuh mi si luang bekbek a na hi hi.

Isaiah 9:4

Bang hang hiam cih leh Midian mite a kizawh ni-a bangin nangmah in gik a sak uh a hakkol uh, amau liangko tunga singzawl leh amaute a nengniamte in a satna ciangkhut na kuaihtan sak a, nangma mi a bawlsia minamte na zo gawp hi.

2 KHANG TANGTHU NIHNATE 28:8

Israel mite in amau’ beh Judah mite lak panin numeite, tapate, leh tanute, mihing tul zanih sal-in man uh hi; amaute in amau’ kiang panin van tampi zong la-in tua vante Samaria ah ciahpih uh hi.

2 KHANG TANGTHU NIHNATE 28:6

Bang hang hiam cih leh amaute in a pu pate uh’ Pasian, Topa nusia uh ahih manin Remaliah’ tapa Pekah in ni khat thu-in amaute galhang mihing tul zakhat leh tul sawmnih, Judah gam sungah that hi.

2 KHANG TANGTHU NIHNATE 13:17

Abijah leh a mite in amaute tampi tak that uh hi; tua ahih ciangin Israel mi a kitengkhia mihing tul zanga a kithatin tuk hi.

Thukhente 7:22

Amaute in peengkul zathumte a tum uh ciangin, Topa in giahphuala om mi khempeuh a namsau uh tawh amau leh amau kisat gawpsak hi; tua ciangin galkapte Zererah lam Bethshittah ciang, Tabbath kiang Abelmeholah gamgi dong tai uh hi.

Thukhente 6:5

Bang hang hiam cih leh amaute a ganhingte leh a puanbukte uh tawh hong pai-in, kauphe bangin tamin hong pai uh hi; amaute leh a kalaohte uh kisim zo lo hi; tua ahih ciangin amaute hong tun’ ciangin gam teng bei sak uh hi.

Thukhente 8:11

Tua ciangin Nobah leh Jogbehah nisuahna lam mihonte’ tot lampi zui-in Gideon paito-in galkapte do hi; bang hang hiam cih leh galkapte a galvil om lo hi.

Thukhente 7:13

Gideon a tun’ ciangin, mi khat in a lawmpa kiangah mang khat na gen hi; amah in, “Ngai in, mang khat ka man hi; Midiante giahphual sungah mangbuhham kibawl moh khat hong tuk sukin puanbuk hong ban a, puanbuk deng kha-in puanbuk puk a, puanbuk kilumletin lei lakah kiphah hi,” a ci hi.