Thukhente 7:8 - Tedim Bible

⁸ Tua ahih ciangin amah in amau’ tung panin mite’ beelte leh a peengkulte la hi; Israel a dangte khempeuh amau puanbuk ciatah ciahsak a, ahih hangin mihing zathumte khawl sak hi; Midiante’ giahphual pen ama khang lam kuam sungah om hi.

Tedim Bible Revision 2017

⁸ Tua ahih ciangin amah in Israel midang khempeuh ciahsak a, a beelte le a peengkulte khempeuh uh a kem mihing za thumte a khawlsak hi. Midian-teʼ giahphual pen amauʼ khanglam kuam sungah om hi.

Thukhente 7:8 Referans Kwoze

1 KORIN MASA 15:52

A nunung peengkul a hong mut ciangin tomkha sung mitphiat kikalin eite khempeuh i kikheel ding hi. Tua peengkul a mut ding a, misite in muat thei nawn lo dingin hong thokik ding uh hi. Eite khempeuh in zong i kikheel khin ding hi.

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite leh Izipt gam sunga a kihawlkhia mite hong pai-in Jerusalem mual siangtho tungah Topa bia ding uh hi.

Thukhente 6:33

Tua ciangin Midian mite leh Amalek mite leh Nisuahna lam mite khempeuh hong paikhawm uh a, amaute in Jordan kantanin Jezre-el Kuam-ah giahphual sat uh hi.

Thukhente 3:27

Amah a tun’ ciangin Efraim mualtung gamah peengkul gingsak hi; mualtung gam panin Israel mite amah tawh paisuk uh a, amau’ lutangin amah nei uh hi.

Joshua 6:20

Tua ahih ciangin mite awng a, peengkulte kitum hi. Mite in peengkul aw a zak phetun nakpi takin awng uh a, kulhpi cim mai-in, mi khempeuh amau mai ciatah tang takin khuapi sungah pai uh a, khuapi la uh hi.

Joshua 6:4

Siampi sagih in thuciamna singkuang mai-ah tuutal ki peengkul sagih tawi ding uh hi; a ni sagih ni-in khuapi kimkotah sagihvei na pai ding uh a, siampite in peengkul tum ding uh hi.

Gamlak-vakna 10:9

Na gam sung uhah no hong nengniam na galte uh tawh na kido ding uh ciangin, Topa na Pasian uh mai-ah note hong kiphawk nadingin peengkulte tawh pataukohna aw na gingsak ding uh a, na langte panun note hong kihon ding hi.

Siampi Laibu 25:9

Tua ciangin note in kha sagihna a ni sawm ni-in nakpi-in peengkul na tum ding uh hi; kilemna ni-in note in na gam khempeuh uhah peengkul aw na gingkhia sak ding uh hi.

Siampi Laibu 23:24

“Israel mite tungah hih bangin gen in: A kha sagihna, tua kha a ni masa ni-in note in thupi tawlngakna ni khat, peengkul tumna tawh a kibawl phawkna, a siangtho kikhopna khat na nei ding uh hi.

Thukhente 7:7

Tua ciangin Topa in Gideon kiangah, “Tui a liak mi zathumte tawh nangmah hong honkhia-in, na khut sungah Midian mite kong pia ding hi; a dangte khempeuh amau’ inn ciatah ciahsak in,” a ci hi.

Thukhente 7:9

Tua zan mahin Topa in ama kiangah, “Tho in, giahphual simin pai in; bang hang hiam cih leh na khut sungah kong pia zo hi.