Thukhente 7:4 - Tedim Bible

⁴ Tua ciangin Topa in Gideon kiangah, “Mite tam lua lai hi; amaute tui-ah paipih in, nang adingin tua mun-ah amaute kong sinsak ding hi; nang kiangah, ‘Hih mipa nang tawh hong pai ding hi,’ ka cihpa nang tawh hong pai ding hi; nang kiangah, ‘Hih mipa nang tawh hong pai lo ding hi,’ ka cih peuhpeuhpa pai lo ding hi,” a ci hi.

Tedim Bible Revision 2017

⁴ Tua ciangin Topa in Gideon kiangah, “Mite tam lua lai ahih manin tui gei ah amaute paipih in. Nang adingin tua munah amaute kong sinsak ding hi. Nang kiangah, ‘Hih mipa nang tawh hong kuan ding hi,’ ka cih pa nang tawh hong kuan ding hi. Nang kiangah, ‘Hih mipa nang tawh hong kuan lo ding hi,’ ka cih peuhpeuh pa kuan lo ding hi,” a ci hi.

Thukhente 7:4 Referans Kwoze

Late 33:16

A galkap tampi in kumpi khat suakta sak zo lo a, galkap hangpa ama hatna tawh kihonkhia zo lo hi.

1 SAMUEL MASA 16:7

Ahih hangin Topa in Samuel kiangah, “A tungtham hita leh a tun’ san’na hita leh en kei in; bang hang hiam cih leh amah ka nolh hi; bang hang hiam cih leh Topa in mihingte’ muh bangin mu lo hi; mihingte in a pua lama kilangte en a, ahih hangin Topa in a lungsim en hi,” a ci hi.

JOB (Job) 23:10

Ahi zongin Pasian in ka kalsuanna khempeuh thei a, kei hong ze-et khit ciangin kham bangin ka sian’thona a mu ding hi.

1 SAMUEL MASA 14:6

Tua ciangin Jonathan in ama galhiam a pua tangvalpa kiangah, “Hong pai in, vun ki-at lo hih khuacingte kiangah pai ni; Topa in eite adingin hong hih kha ding hi; bang hang hiam cih leh hong hotkhiat nadingin a tam a tawm in Topa nawngkai sak lo ding hi,” a ci hi.

Late 66:10

Bang hang hiam cih leh Pasian aw, nangmah in kote nong sin zo hi; mei tawh ngun a kisin bangin kote nong sin khin hi.

Late 7:9

Lungsim leh ngaihsutna a en a thuman Pasian aw, migilote’ siatna beisak in la, mi thumante kipsak in.

Piancilna 22:1

Hih thute khit ciangin Pasian in Abraham ze-et a, ama kiangah, “Abraham!” ci hi. Amah in, “Hiah om ing,” ci hi.

Thukhente 7:5

Tua ahih ciangin amah in tui phual-ah mite paipih suk hi; Topa in Gideon kiangah, “Ui in a liah bangin a lei tawh tui a liak mi peuhmah na tuam koih ding hi; tua mah bangin tui dawn dingin a khukdin’ suk peuhmah zong na tuam koih ding hi,”a ci hi.