Thukhente 7:12 - Tedim Bible

¹² Midian mite leh Amalek mite leh Nisuahna lam mite khempeuh kauphe bangin tamin kuam dungah om uh hi; a kalaohte uh sim zawh hilo a, a tamna pen tuipi gei-a om sehnel zah bang ahi hi.

Tedim Bible Revision 2017

¹² Midian mite, Amalek mite le Nisuahna lam mite khempeuh kauphe bangin tamin kuam dungah om uh hi. A kalaohte uh sim zawh hi lo a, a tamna pen tuipi gei-a sehnel omzah bang ahi hi.

Thukhente 7:12 Referans Kwoze

Thukhente 8:10

Tu-in Zebah leh Zalmunnate, Nisuahna lam mi galkap khempeuh sung pan a om lai teng, mihing tulsawm leh tulnga bang a pha a galkapte uh tawh Karkor-ah om uh hi; bang hang hiam cih leh namsau a tawi mi tulza leh tul sawmnih si khin hi.

Thukhente 6:5

Bang hang hiam cih leh amaute a ganhingte leh a puanbukte uh tawh hong pai-in, kauphe bangin tamin hong pai uh hi; amaute leh a kalaohte uh kisim zo lo hi; tua ahih ciangin amaute hong tun’ ciangin gam teng bei sak uh hi.

Thukhente 6:3

Bang hang hiam cih leh Israelte in khai a tuh peuhmah uh ciangin Midian mite leh Amalek mite leh Nisuahna lam mite hong pai-in amaute do hi;

Joshua 11:4

Tua ciangin amaute tampi a pha a galkap honpite tawh a tam mahmah sakolte leh leengte tawh, tuipi gei-a om sehnel bangin tampi tak hong kuan khia uh hi.

Late 33:16

A galkap tampi in kumpi khat suakta sak zo lo a, galkap hangpa ama hatna tawh kihonkhia zo lo hi.

Late 3:1

Topa aw, ka galte tam mahmah! Mi tampi in kei hong langpan’ nainai hi.

1 KUMPI MASATE 4:30

Solomon’ pilna in nisuahna lam mi khempeuh leh Izipt pilna khempeuh khuplet hi.

Thukhente 6:33

Tua ciangin Midian mite leh Amalek mite leh Nisuahna lam mite khempeuh hong paikhawm uh a, amaute in Jordan kantanin Jezre-el Kuam-ah giahphual sat uh hi.

Thukhente 7:13

Gideon a tun’ ciangin, mi khat in a lawmpa kiangah mang khat na gen hi; amah in, “Ngai in, mang khat ka man hi; Midiante giahphual sungah mangbuhham kibawl moh khat hong tuk sukin puanbuk hong ban a, puanbuk deng kha-in puanbuk puk a, puanbuk kilumletin lei lakah kiphah hi,” a ci hi.

1 SAMUEL MASA 30:17

Tua ciangin David in a zing ciang phalvak-a kipan nitak dong amaute vatgawp hi; kalaoh tungah tuangin a tai tangval zalite sim loh amaute khat zong suakta lo hi.

Jeremiah 46:23

Gam pha lua-in a kiphut zawh loh hangin a galte un a singte uh a phukmai sak teitei ding uh hi, Topa in a ci hi. Bang hang hiam cih leh amaute kauphe sangin tamzaw uh a, sim zawh loh zahin tam uh hi.

1 SAMUEL MASA 13:5

Tua ciangin Israelte tawh a kido dingin Filistiate kikhawmin, leeng tul sawmthum, sakol galkap tulguk leh galkapte tuipi gei-a sehnel zahin tampi pha uh hi; amaute hong paito-in Beth-aven nisuahna lam Mikmash-ah phual sat uh hi.

1 KUMPI MASATE 20:27

Tua ciangin Israel mite kikhawmin, lam-an kiguan’ a, amaute do dingin kuan uh hi; Israel mite in amaute’ mai-ah keelhon neu nih bangin giahphual sat uh a, ahih hangin Siriate in gamsung khempeuh dim hi.