Thukhente 7:11 - Tedim Bible

¹¹ tua ciangin amaute’ thugen na za ding a, tua khit ciangin giahphual simin a paisuk dingin na tha hong khauh ding hi,” a ci hi. Tua ciangin a nasempa Purah tawh giahphual a om galkapte in a pua lamah a gal pan’na mun-ah paisuk hi.

Tedim Bible Revision 2017

¹¹ Tua ciangin amauteʼ thugen na za dinga, giahphual simin a kuan suk dingin na tha hong khauh ding hi,” a ci hi. Tua ciangin a nasem pa Purah tawh giahphual a om galkapte in a pua lamah a galpanna munah a pai suk uh hi.

Thukhente 7:11 Referans Kwoze

Efesa 6:10

A khak belin, Topa-ah ahi zongin, ma vangliatna’ hatna-ah ahi zongin, thahatin om un.

Filippi 4:13

Hong thahatsakpa Khazih hangin na khempeuh ka hih thei hi.

Ezra 6:22

Tua hi a, amaute in lungdamna tawh ni sagih sung silngo sawhloh anlum pawi bawl uh hi; bang hang hiam cih leh amau’ lungdam nading a om theih nadingin Topa in Assiria kumpipa’ lungsim amau tungah a nuam dingin bawlsak a, tua ahih manin Israel Pasian ahi Pasian’ inn a sepna uhah kumpipa in amaute huh hi.

1 SAMUEL MASA 23:16

Tua ciangin Saul’ tapa Jonathan ding-in David kiang Horesh ah pai a, Pasian in hong huh ding hi, ci-in amah hanthawn hi.

Paikhiatna 13:18

Ahih hangin Pasian in San Tuipi lam manawhin gamlak lamah mite kot paipih hi. Israel mite galdo dingin kithawisa-in Izipt leitang panin pai to uh hi.

Piancilna 24:14

Keimah in, ‘Tui ka dawn theih nadingin na beel hong ngasuk in,’ ka cih ciangin, ‘Dawn in, na kalaohte zong tui ka pia ding hi,’ hong ci nu na nasempa Isaak’ adingin na sehsa numei hisak in. Nangmah in ka topa' tungah itna kip na lahna hih thu tawh ka thei ding hi,” ci hi.

Efesa 3:16

Ka thungetna in: Topa in ama Kha Siangtho hangin note sung mi un hatna tawh kip tawntungin,

Nehemiah 6:9

Kote in ka hanciamna uh khiamin nasep a kizawh loh nading deihna tawh amaute in kote hong lausak theih nading uh a hanciam uh ahi hi. Tua ahih ciangin ka hahkat semsem zaw hi.

1 SAMUEL MASA 14:12

Khuacing mite in Jonathan leh a galhiam puapa na hopih uh a, “Ko kiangah hong paito un, na khat kong lak ding uh hi,” a ci uh hi. Tua ciangin Jonathan in a galhiam puapa kiangah, “Ka nung hong zuito in; bang hang hiam cih leh Topa in Israelte khut sungah amaute pia khin hi,” a ci hi.

Thukhente 7:10

Ahih hangin paisuk ding na lau leh, na nasempa Purah tawh giahphual-ah paisuk in;

1 SAMUEL MASA 26:6

Tua ciangin David in Hit mi Ahimelek leh Zeru-iah’ tapa, Joab’ sanggampa Abishai kiangah, “Saul’ giahphual ah kei tawh kua hong paisuk ding na hi uh hiam?” a ci hi. Abishai in, “Kei nang tawh kong paisuk ding hi,” a ci hi.