Biblia Todo Logo
Bib sou entènèt

- Piblisite -




Thukhente 6:5 - Tedim Bible

5 Bang hang hiam cih leh amaute a ganhingte leh a puanbukte uh tawh hong pai-in, kauphe bangin tamin hong pai uh hi; amaute leh a kalaohte uh kisim zo lo hi; tua ahih ciangin amaute hong tun’ ciangin gam teng bei sak uh hi.

Gade chapit la Kopi

Tedim Bible Revision 2017

5 Bang hang hiam cih leh amaute a ganhingte le a puanbukte uh tawh kauphe honpi bangin tamin hong pai uh a, amaute le a kalaohte uh kisim zo lo hi. Tua ahih ciangin amaute hong tun ciangin gam teng beisak uh hi.

Gade chapit la Kopi




Thukhente 6:5
13 Referans Kwoze  

Midian mite leh Amalek mite leh Nisuahna lam mite khempeuh kauphe bangin tamin kuam dungah om uh hi; a kalaohte uh sim zawh hilo a, a tamna pen tuipi gei-a om sehnel zah bang ahi hi.


Tu-in Zebah leh Zalmunnate, Nisuahna lam mi galkap khempeuh sung pan a om lai teng, mihing tulsawm leh tulnga bang a pha a galkapte uh tawh Karkor-ah om uh hi; bang hang hiam cih leh namsau a tawi mi tulza leh tul sawmnih si khin hi.


A kalaohte uh kisutkhiat sak ding a, a bawnghonte uh kilakmang sak ding hi. A sam uh a met tom amaute mun khempeuh ah kithehthang sak ding hi. Mun khempeuh panin amau tungah siatna ka tung sak ding hi, Topa in kong ci hi.


A puan bukte uh leh a tuu honte uh-a kipan a buk kongkhak puante uh leh a nate khempeuh uh kilak sak ding hi. A kalaohte uh kipai khiatpih ding a, ‘Mun khempeuh ah launa!’ ci-in a kiko ding uh hi.


Gam pha lua-in a kiphut zawh loh hangin a galte un a singte uh a phukmai sak teitei ding uh hi, Topa in a ci hi. Bang hang hiam cih leh amaute kauphe sangin tamzaw uh a, sim zawh loh zahin tam uh hi.


Midian mite leh Ephah mite’ kalaohnote, kalaoh honpite in nang hong tuam ding uh a, Sheba gam sunga om khempeuh hong pai ding uh hi. Amaute in kham leh paknamtui hong paipih ding uh a, Topa phatna taangko ding uh hi.


Khang tawntungin tua lai-ah kuamah teeng lo, om ngei nawn lo ding hi; Arabia mite kuamah in tua lai-ah a puanbuk lam lo ding a, tuucingte kuamah in tua lai-ah a tuute lum sak lo ding hi.


Jerusalem nungakte aw, ka vom hangin ngaih baang ing. Savun puanbuk bangin ka ang hiuhiau a, Solomon’ puankhaite ka bang hi.


Tua ciangin David in a zing ciang phalvak-a kipan nitak dong amaute vatgawp hi; kalaoh tungah tuangin a tai tangval zalite sim loh amaute khat zong suakta lo hi.


Tua ciangin Zebah leh Zalmunna in, “Nangmah mah ding in, kote hong hih in; bang hang hiam cih leh pasal in a pasal bangin a thahat hi,” a ci uh hi. Tua ciang Gideon ding-in Zebah leh Zalmunna that hi; amah in amau’ kalaohte’ ngawng-a a om khade lim tawh a kibang kizepnate la hi.


Na theih nai loh uh minam khat in na leitang panun a gahte leh na nasepsa khempeuh uh netum ding hi; note hong kinengniamin hong kisugawp tawntung lel ding hi;


A vanglian Topa in; ‘Kauphe zah a, tam mite kong simsak ding a, Amaute in note hong zo-in a kiko ding uh hi,’ ci-in keima’ min tawh ka kiciam khin zo hi.


Swiv nou:

Piblisite


Piblisite