Thukhente 6:2 - Tedim Bible

² Israelte tungah Midiante gualzo hi; Midiante hangin Israel mite in amau adingin mual tungah a om bukna munte, leh leihawmte leh mun muanhuaite bawl uh hi.

Tedim Bible Revision 2017

² Israel-te tungah Midian-te gualzo uh hi. Midian-teʼ kiang panin a buk nadingun leihawmte le mun muanhuaite a bawl uh hi.

Thukhente 6:2 Referans Kwoze

Hebru 11:38

Hih leitung in tua mite tawh kilawm lo hi. Amaute in gamlak, mual kuam, leihawm, ken hawm sungah a lal kawikawi, a vak kawikawi uh hi.

1 SAMUEL MASA 13:6

Israel mite in amaute haksatna sungah a om lam uh a kimuh uh ciangin (bang hang hiam cih leh galte in amaute neh mahmah uh hi), mite suanghawm sung, leihawmte sung, suangte sung, hante sung leh tuikhukte sungah bu uh a,

Mangmuhna 6:15

Leitung kumpi mangte leh vaihawm lian upate, galkap mangte, sumhaute, thahatte, silate, to nei lote khempeuh in suanghawm leh mual suangpi lakah a bu uh hi.

1 SAMUEL MASA 14:11

Tua ahih ciangin Filistia khuacingte kiangah amau tegel va kilak uh hi; Filistiate in, “En un, a bukna uh leivang panin Hebru mite hong pusuakkhia uh hi,” a ci uh hi.

Siampi Laibu 26:17

Keimah in note kong maisiat ding a, na galte uh mai-ah, lelhna na thuak ding uh hi; note hong mudah mite in note hong uk ding a, kuamah in note hong delh lo napi-in na tai ding uh hi.

Thukhente 6:3

Bang hang hiam cih leh Israelte in khai a tuh peuhmah uh ciangin Midian mite leh Amalek mite leh Nisuahna lam mite hong pai-in amaute do hi;

Jeremiah 41:9

Ishmael in a thah sa misi luang khempeuh a paihna tuikhuk pen a gol khat hi a, kumpipa Asa in Israel kumpipa Baasha a gal nan’ nading a, a bawl ahi hi. Nethanniah’ tapa Ishamael in a thah sa mi si luangte tawh tua tuikhuk a dimsak hi.

Jeremiah 48:28

“Moab gam a, teeng mite aw, khuapite nusia un la, kawl lakah teeng un! Ken pang-a vakhu bu bawl bangin va om un.

Thukhente 10:8

amaute in Israel mite tua kum sugawpin nengniam uh hi. Amaute in Jordan galkhat Gilead gam sunga om Amor mite’ leitangah a om Israel mite khempeuh kum sawm leh kum giat sung nengniam uh hi.

Thukhente 10:9

Ammon mite in Judah leh Benjamin leh Efraim minamte zong a do dingin Jordan galkah uh hi; tua ahih ciangin Israelte nakpi takin lungkham uh hi.

JOB (Job) 30:6

Amaute hawkguam sung leh luihawm sung, leihawm leh keenhawm sung peuhah a teen’ uh kul hi.