Thukhente 5:9 - Tedim Bible

⁹ Mite lak panin utna tawh amau a kipia tawm Israel a ukte lamah ka lungsim pai hi.

Tedim Bible Revision 2017

⁹ Mite lak panin utna tawh amau a kipiatawm Israel a ukteʼ lamah ka lungsim pai hi. Topa phat un.

Thukhente 5:9 Referans Kwoze

Thukhente 5:2

“Makaite in Israelte sungah makai uh a, mite amau mahmah utna tawh kipia uh hi, Topa phat un!

2 KORIN NIHNA 9:5

Tua ahih ciangin nidang a, kiciamsa note’ sumpi piakna, zawhthawh thu-a piak sum bang hi loin, hehpihna bangin khol kholh nadingin ka u ka naute in no kiangah hong pai masa-in, tua sumpi na kiginkholh nadingun hong hansuah loin om leng, kilawm ka sa kei hi.

2 KORIN NIHNA 8:17

Amah in kote hanthotna thu a ngai tham loin, hih nopna lungsim nei a, ama thu-in note kiangah hong pai hi.

2 KORIN NIHNA 8:12

Bang hang hiam na cih uh leh, hih nopna lungsim a om leh, hih zawh lohna ngaihsun loin, hih zawh ding bek ngaihsutna in a deihhuai na ahi hi.

1 KHANG TANGTHU MASATE 29:9

Tua ciangin hih mite in utna lungsim tawh pia uh ahih manin mite lungdam uh hi; bang hang hiam cih leh amaute in lungsim khempeuh tawh Topa tungah cingtakin pia uh hi; kumpi David zong nakpi takin lungdam hi.

2 KHANG TANGTHU NIHNATE 17:16

Ama zom-ah Topa’ nasep nadingin a kipia Zikri’ tapa Amasiah hi a, a thahat galhang mi tul zanih tawh ahi hi.

Nehemiah 11:2

Tua hi a, sawl lohin, Jerusalem ah amau thu-in a teeng tawm nuam khempeuhte tungah mite lungdam uh hi.

2 KHANG TANGTHU NIHNATE 31:8

Hezekiah leh uliante hong pai-in a lomte a muh uh ciangin amaute in Topa leh ama mi Israelte thupha pia uh hi.

Late 103:2

Topa ka phat ding a, ama migitna ka mangngilh kei ding hi.

Late 110:3

Na mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsang ciangin na khangnona nangma tungah hong tung ding hi.