Thukhente 5:4 - Tedim Bible

⁴ “Topa aw, Seir panin na paikhiat ciang, Edom gam panin na paikhiat ciang, leitung liing hi. Vantung panin guahzu hi, hi hi, meiite in tui hong khia hi.

Tedim Bible Revision 2017

⁴ Topa aw, Seir panin na paikhiat ciang, Edom gam panin na paikhiat ciang, leitung liing a, vantung panin guah zu hi. Hi hi, meiite in tui hong khia a,

Thukhente 5:4 Referans Kwoze

Thu-hilhkikna 33:2

Amah in, “Sinai panin Topa hong pai a, Seir panin eite ading hong suakkhia hi; Paran Mual panin hong taangkhia a, a taklam khutah meikuang tawi-in, misiangtho tul sawmte kiang panin hong pai hi.

2 SAMUEL NIHNA 22:8

“Tua ciangin leitung kisingin kilok a, vantung bulpite liingin taang hi; bang hang hiam cih leh amah heh hi.

Late 77:17

Meiipite in tui sungkhia-in, vante ging damdam a, nangma thaltangte mun citeng-ah leeng uh hi.

JOB (Job) 9:6

Amah in leitung lokgawp a, a khuampite kiliing hi.

Hebru 12:26

Tua lai takin a thu piakkholhna aw in leitung a liingsak hi. Tu-in ahih leh, “Khatvei keimah in lei tham loin, van nangawn ka liingsak kik ding hi,” cih kamciamna a om hi.

Late 68:9

Pasian aw, na luah mite vulgawp ahih manin guah tampi zusakin na nosuak sak kik hi;

Late 77:18

Na vanging lianpi pingpei sungah om-in, khuaphialepte in leitung taan’ a, leitang liingin kising hi.

Piancilna 32:4

amaute hilhin, “Note in ka topa Esau' kiangah hih bangin na ci ding uh hi: Na nasempa Jakob in, 'Laban' kiangah peemta-in ka om a, tu ciang dong ka om hi;

Isaiah 63:19

Kote pen, nangmah in cik mah a, na uk ngei loh mite, nangma mi ahi ngei lo mite tawh a kibang ka suakkhin uh hi.

Micah 1:4

Meikhuk sunga khuainun kikoih bangin, ama khe nuai-ah mual liante tuisuak ding a, mual tung panin tui a luan’sak bangin, guam sungah tua mualte luang suk ding hi.