Thukhente 4:9 - Tedim Bible

⁹ Tua ciangin amah in, “Nang tawh kong kuan taktak ding hi; ahi zongin, na pai nading lampi in nangma minthan’ nading hong tun’pih lo ding hi, bang hang hiam cih leh Topa in numei khat khut sungah Sisera pia ding hi,” a ci hi. Tua ciangin Deborah ding-in Barak tawh Kedesh-ah pai hi.

Tedim Bible Revision 2017

⁹ Tua ciangin amah in, “Nang tawh kong kuan taktak ding hi. Ahi zongin gualzawhna pen nangma minthan nading hi lo ding hi. Bang hang hiam cih leh Topa in numei khatʼ khut sungah Sisera pia ding hi,” a ci hi. Tua ciangin Deborah dingin Barak tawh Kedesh ah pai hi.

Thukhente 4:9 Referans Kwoze

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.

Thukhente 2:14

Tua ahih ciangin Israelte tungah Topa’ hehna so a, amaute’ na a sut, mi na a sut thei mite tungah amaute pia hi; a kiim-a om a galte tungah amaute pia a, amaute in a galte uh nang zo nawn lo uh hi.

2 KHANG TANGTHU NIHNATE 26:18

tua ciangin amaute in kumpi Uzziah nialin ama kiangah, “Uzziah aw, Topa tungah paknamtui hal ding pen nangma hih ding hi lo hi; paknamtui hal dingin a ki-ap, Aaron’ suan siampite hih ding ahi hi. Biakinn sung panin paikhia in; bang hang hiam cih leh na gamta khial a, hih bang hihna in Topa Pasian tung panin nang tungah pahtawina hong tun’ lo ding hi,” a ci uh hi.

Thukhente 9:54

Tua ciangin Abimelek in ama hiam a tawisak tangvalpa nawh sapin ama kiangah, “Na namsau dok in la kei hong that in, tua hi kei leh mite in, ‘Numei khat in, amah that hi,’ hong ci kha ding uh hi,” a ci hi. A tangvalpa in amah sun letin amah si hi.

Thukhente 4:8

Barak in ama kiangah, “Kei tawh nong kuan ding leh, ka kuan ding hi; ahih hangin kei tawh nong kuan kei ding leh ka kuan kei ding hi,” a ci hi.

Thukhente 9:53

Numei khat in an gawina suangpeek tungnung Abimelek’lu tungah khiatsukin a lu guh deeng kham hi.