Thukhente 4:7 - Tedim Bible

⁷ Keimah in Jabin’ galkap mang Sisera, Kishon gun-ah nang hong dawntuah dingin a leengte leh a galkapte tawh ka kai khia ding hi; na khut sungah amah kong pia ding hi,’ hong ci hi,” a ci hi.

Tedim Bible Revision 2017

⁷ Keimah in Jabinʼ galkap maang Sisera, Kishon gun ah nang hong dawntuah dingin a leengte le a galkapte tawh ka kai khia dinga, na khut sungah amah kong pia ding hi,’ hong ci hi,” a ci hi.

Thukhente 4:7 Referans Kwoze

1 KUMPI MASATE 18:40

Tua ciangin Elijah in amaute kiangah, “Baal kamsangte man un; amaute khat zong suaktasak kei un,” a ci hi. Tua ciangin amaute in man uh hi; Elijah in Kishon lui-ah amaute paipih sukin tua lai-ah amaute that hi.

Thukhente 5:21

Kishon guntui khang in amaute tai a, a leeng vanvan tuikhang, Kishon tuikhang in tai hi. Thakhauh takin mai ka nawt suak ding hi!

1 SAMUEL MASA 24:18

Topa in na khut sungah kei hong koih lai takin nang in kei nong thah lohna-ah kei nong limbawlna tu ni-in na laktel hi.

1 SAMUEL MASA 24:10

En in, Topa in tu ni-in leihawm sung ka khut sungah nang hong piakna nangmah mah in tu ni-in na thei khin hi; mi pawlkhat in nang that dingin kei hong sawl a, ahih hangin nang kong hih kei hi. Keimah in, ‘Ka topa tungah ka khut ka nga kei ding hi; bang hang hiam cih leh amah in Topa’ sathau nilhpa ahi hi,’ ka ci hi.

Thukhente 4:14

Tua ciangin Deborah in Barak kiangah, “Ding in! Bang hang hiam cih leh Topa in na khut sungah Sisera hong piak ni ahi hi. Na mai-ah Topa pai hilo ahi hiam?” a ci hi. Tua ahih ciangin mihing tulsawm in zui-in Tabor Mual panin Barak paisuk hi.

Joshua 10:8

Tua ciangin Topa in Joshua kiangah, “Amaute na khut sungah hong pia khin ka hih manin amaute kihta kei in; amaute khat beek in nang hong nang zo lo ding uh hi,” a ci hi.

Joshua 8:7

tua ciangin na buk simna panun note na kipan ding uh a, khuapi na la ding uh hi; bang hang hiam cih leh Topa na Pasian un note khut sungah hong pia ding hi.

Paikhiatna 21:13

Ahih hangin amah in a pan’sim hi lo a, ama' khut sungah Pasian in a puksak ahih leh, amah a tai theih nadingin note’ ading mun khat ka seh ding hi.

Paikhiatna 14:4

Keimah in Faro’ lungsim khauhsakin, amah in amaute delh ding a, Faro leh a mi honpite khempeuh ka zawhna hangin minthan’na ka ngah ding hi; keimah in Topa ka hihna thu Izipt mite in thei ding uh hi,” a ci hi. Amaute tua mah bangin gamta uh hi.

Joshua 11:20

Bang hang hiam cih leh Topa in Moses a thupiakna bangin amaute a kisuksiat mang nading leh hehpihna ngah loin a kibeisak theih nadingin Israelte a do nadingin a lungsim uh khauhsak ding Topa’ bawl ahi hi.

Joshua 11:6

Tua ciangin Topa in Joshua kiangah, “Zing ciang tu bang hunin amaute khempeuh a kithatsa-in Israel mite tungah pia ding ka hih manin amaute kihta kei in; a sakolte uh a zagui na sattat ding a, a leengte uh mei tawh na hal ding hi,” a ci hi.

Thukhente 4:8

Barak in ama kiangah, “Kei tawh nong kuan ding leh, ka kuan ding hi; ahih hangin kei tawh nong kuan kei ding leh ka kuan kei ding hi,” a ci hi.

Paikhiatna 14:8

Topa in Izipt kumpipa Faro’ lungsim khauhsak a, amaute kithamuanna tawh a paikhiat laitakun amah in Israel mite delh hi.

Paikhiatna 14:17

Amau’ nungah amaute hong pai-in, keimah in Faro leh a mi honpite khempeuh, a leengte, a sakol tuangte ka zawhna hangin minthan’na ka ngah nading hi. Keimah in Izipt mite’ lungsim ka khauhsak ding a, amaute in hong nungdelh ding uh hi.