Thukhente 4:3 - Tedim Bible

³ Tua ciangin Israel mite huhna ngen dingin, Topa tungah kiko uh hi; bang hang hiam cih leh amah in sik leeng zakua nei a, Israel mite kum sawmnih sung nakpi takin nengniam hi.

Tedim Bible Revision 2017

³ Tua ciangin Israel mite huhna a ngen dingin Topaʼ tungah a kiko uh hi. Bang hang hiam cih leh amah in sikleeng za kua nei a, Israel mite kum sawm nih sung nakpi takin gim a pia hi.

Thukhente 4:3 Referans Kwoze

Thukhente 1:19

Topa in Judah tawh om a, amah in mualtung gam teng luah hi; ahih hangin zang gam-a teeng mite amah in hawlkhia zo lo hi; bang hang hiam cih leh amaute in sik leeng nei uh hi.

Late 106:42

A galte un amaute nengniam uh a, amau’ khut nuai-ah koih uh hi.

Thukhente 3:9

Ahih hangin Israel mite Topa tungah kiko uh a, Topa in Kaleb’ naupa Kenaz’ tapa Othniel, amaute a honkhiapa ahi honpa khat Israel mite adingin khangsak hi.

Late 78:34

Amah in amaute a thah ciangin amaute in amah zong a, amaute kisikin, lungsim taktak tawh Pasian zong uh hi.

Late 50:15

haksat hun ciangin kei tungah hong ko un; note kong honkhia ding a, note in kei nong thangsak ding uh hi.”

1 SAMUEL MASA 7:8

Tua ciangin Israel mite in Samuel kiangah, “Filistiate khut sung panin amah in eite hong hotkhiat theih nadingin Topa i Pasian tungah eite adingin thunget na khawl kei in,” a ci uh hi.

Thukhente 10:16

Tua ahih ciangin amaute in amau’ lak panin gamdang pasiante koih khia-in Topa’ na sem uh hi; tua ciangin Israelte’ gentheihna-ah amah dah hi.

Thukhente 5:8

A thak pasiante a kiteel ciangin, kulh kongpi sungah gal om pah hi. Lum ahi a, tei ahi zongin Israel tul sawmlite’ lakah kimu ahi hiam?

Thukhente 3:15

Ahih hangin Topa tungah Israel mite a kiko uh ciangin, Topa in Benjamin mi, Gera tapa a veikhoi Ehud, amaute’ honpa dingin khangsak hi. Israel mite in ama tung tawnin Moab kumpipa Eglon tungah siah puak uh hi.

Joshua 17:16

Josef minam in, “Kote' adingin mualtung gam kicing hi; ahi zongin zang gam-a teeng Kanaan mite khempeuh, Bethshean leh a khua neute, leh Jezre-el Kuam sunga omte in sik leeng nei uh hi,” a ci uh hi.

Thu-hilhkikna 28:33

Na theih nai loh uh minam khat in na leitang panun a gahte leh na nasepsa khempeuh uh netum ding hi; note hong kinengniamin hong kisugawp tawntung lel ding hi;

Thu-hilhkikna 28:29

mittaw in khuamial lakah khua a zawt bangin sun-in khua na zawt ding uh a, na hihnate uhah na mavang kei ding uh hi; note hong kinengniamin na nate uh hong kisut niloh ding a, note hong huh ding kuamah om lo ding hi.

Thukhente 4:4

Tua hun lai takin Lappidoth’ zi, kamsang numei Deborah in Israelte thu khen hi.

Thukhente 4:13

Sisera in a leeng khempeuh, sik leeng zakua, leh ama kianga om mi khempeuh, Harosheth-ha-goiim panin Kishon gun-ah sam khia hi.

Paikhiatna 2:23

Tua ni tampi hun sung kikalin Izipt kumpipa si hi. Israel mite a salsuahna sung uh-ah thumin, huhna ngenin kiko khia uh a, a salsuahna sung uh-ah amau’ kikona Pasian' kiang tung hi.

Thukhente 6:6

Midiante hangin Israelte kiniam koih mahmah hi; Israel mite in Topa tungah huhna ngenin kiko uh hi.

Thukhente 10:10

Tua ciangin Israel mite Topa tungah kiko uh a, “Nang tungah ka khial khin uh hi; bang hang hiam cih leh kote in ka Pasian uh nusia-in Baalte’ na ka sem uh hi,” a ci uh hi.