Thukhente 3:8 - Tedim Bible

⁸ Tua ahih ciangin Israelte tungah Topa’ hehna so a, amah in Mesopotamia kumpipa Kushan-rish-athaim tungah amaute zuak hi; Israel mite in Kushan-rish-athaim’ na kum giat sem uh hi.

Tedim Bible Revision 2017

⁸ Tua ahih ciangin Israel-te tungah Topa sin so a, amah in Mesopotamia kumpipa Kushan-rishathaim tungah amaute a pia hi. Israel mite in Kushan-rishathaimʼ na kum giat sung a sem uh hi.

Thukhente 3:8 Referans Kwoze

Thukhente 2:14

Tua ahih ciangin Israelte tungah Topa’ hehna so a, amaute’ na a sut, mi na a sut thei mite tungah amaute pia hi; a kiim-a om a galte tungah amaute pia a, amaute in a galte uh nang zo nawn lo uh hi.

Habakkuk 3:7

Kush gam mite a lau mahmahna, leh Midian gam mite a liin’na uh ka mu hi.

Thukhente 4:9

Tua ciangin amah in, “Nang tawh kong kuan taktak ding hi; ahi zongin, na pai nading lampi in nangma minthan’ nading hong tun’pih lo ding hi, bang hang hiam cih leh Topa in numei khat khut sungah Sisera pia ding hi,” a ci hi. Tua ciangin Deborah ding-in Barak tawh Kedesh-ah pai hi.

ROM (Romans) 7:14

Thukham in Kha Siangtho tawh kipawl ci-in i thei hi. Keimah in mawhna khut sungah a kizuak, a si thei leitungmi ka hi hi.

Isaiah 50:1

Topa in: “Amah ka ciahsakna, na nu a kimakna lai koi-ah om ahi hiam? Tua ahih kei leh, nang kong zuakna ka lei batnate koi pen ahi hiam? En un, nomau’ mawhna hangin note hong kizuak a, nomau’ khialhna hangin na nu uh kipaikhiasak hi.

Late 85:3

Na hehna khempeuh na damsak a, na sin so-na na daisak hi.

Late 6:1

Topa aw, na heh laitak hong tai kei in la, lungso sa-in hong thuhilh kei in.

1 SAMUEL MASA 12:9

Ahih hangin amaute in Topa a Pasian uh mangngilh uh hi; tua ciangin amah in Hazor kumpipa Jabin’ galkap mangpa Sisera tung leh Filistiate tung leh Moab kumpipa tungah amaute zuak hi; hih mite in amaute do uh hi.

Thukhente 2:20

Tua ahih ciangin Israelte tungah Topa heh mahmah a, amah in, “Hih mite in amau pute ka thupiak ka thuciamna khialin keima thu ngai lo uh ahih manin,

Thu-hilhkikna 32:30

Amau a Honkhiapa in amaute zuakin, Topa in amaute a piak khiat kei buang leh bangci-in mi khat in mi tulkhat delh mangin, mi nih in mi tulsawm do zo ding ahi hiam?

Thu-hilhkikna 29:20

Topa in amah maisak lo ding a, Topa’ hehna tawh hazatna meikhu tua mipa’ lang khatah khu zawin, hih laibu sunga kigelh samsiatnate ama tungah tung ding a, Topa in vantung nuai panin ama min phiat ding hi.

Paikhiatna 22:24

ka hehna so-in namsau tawh note kong that ding a, na zite uh meigong numei leh na tate uh pa nei lo suak ding uh hi.

Thukhente 3:7

Topa’ muhna-ah Israel mite a sia gamta-in, Topa amau’ Pasian mangngilh uh a, Baalte leh Asheroth-te’ na sem uh hi.

Thukhente 3:9

Ahih hangin Israel mite Topa tungah kiko uh a, Topa in Kaleb’ naupa Kenaz’ tapa Othniel, amaute a honkhiapa ahi honpa khat Israel mite adingin khangsak hi.

Thukhente 3:10

Topa’ Kha ama tungah tung a, amah in Israel mite’ thukhen a suak hi; galdo dingin kuan khia a, Topa in ama sungah Mesopotamia kumpipa Kushan-rish-athaim pia hi; Kushan-rish-athaim tungah amah gualzo hi.

Late 44:12

Na mite a man tawmno khatin na zuak a, a man ding na sang nget kei hi.

Late 129:1

“Amaute in ka neu lai-a kipanin nakpi takin kei hong gim sak uh hi,”Israel in tu in ci ta hen—

Piancilna 24:10

Tua ciangin nasempa in a topa’ kalaohte sawm la-in paikhia a, a topa' tung panin letsong hoih nono a namkim la hi; amah ding-in Mesopotamia gam Nahor’ khuapi-ah pai hi.

Siampi Laibu 26:17

Keimah in note kong maisiat ding a, na galte uh mai-ah, lelhna na thuak ding uh hi; note hong mudah mite in note hong uk ding a, kuamah in note hong delh lo napi-in na tai ding uh hi.

Late 106:41

amau a mudah minamte in a uk theih nadingin tua minamte’ khut sungah amaute a pia hi.