Thukhente 3:7 - Tedim Bible

⁷ Topa’ muhna-ah Israel mite a sia gamta-in, Topa amau’ Pasian mangngilh uh a, Baalte leh Asheroth-te’ na sem uh hi.

Tedim Bible Revision 2017

⁷ Topaʼ muhna ah Israel-te a sia gamta-in, Topa amauʼ Pasian mangngilh uh a, Baal-te le Asherah milimte a bia uh hi.

Thukhente 3:7 Referans Kwoze

Paikhiatna 34:13

Nangmah in amau’ biakna taute phelin, amau’ khuamte kuaitanin, amau’ Asherah milimte na phukpai ding hi.

2 KUMPI NIHNATE 23:6

Tua ciangin amah in Topa’ inn panin Jerusalem pualam, Kidron lui-ah Asherah milim paikhiatpih-in Kidron lui-ah hal a, tua ciangin amah in sat vui-in mi nautangte’ han tungah a vuite lawn hi.

2 KHANG TANGTHU NIHNATE 33:19

Tua ciangin ama thungetna, leh ama kutna Pasian in a san’na, leh ama khialhna leh a cihtaklohna khempeuh, leh amah a kiniamkhiat ma-in mual dawn a, biak piaknate bawlin Asherahte leh milimte a koihna munte, en in, Thu-mu-te’ Khang Tangthu sungah kigelh hi.

2 KHANG TANGTHU NIHNATE 33:3

Bang hang hiam cih leh a pa Hezekiah in a suksiatsa mual dawn-a biak piaknate amah in lamkikin, Baalte adingin biakna taute phut a, Asherah milimte bawlin vantung nate khempeuh bia a, tuate’ na sem hi.

2 KHANG TANGTHU NIHNATE 24:18

Tua ciangin amaute in a pu a pate uh’ Pasian, Topa’ biakinn nusia uh a, Asherahte leh milimte’ na sem uh hi. Hih amau’ mawhna hangin Judah leh Jerusalem tungah Pasian’ hehna hong tung hi.

2 KHANG TANGTHU NIHNATE 15:16

Ama nu Ma-akah in Asherah milim dingin a kihhuai milim khat a bawlna hangin kumpipa’ nu hihna za panin kumpi Asa in a nu lakhia hi. Asa in a nu’ milim phuksakin satnen a, Kidron lui-ah hal hi.

2 KUMPI NIHNATE 23:14

Tua ciangin amah in a khuampite satkhamin, Asherah milimte phuk a, mihing guh tawh a dim tua munte a vuk hi.

1 KUMPI MASATE 18:19

Tua ahih ciangin tu-in mi sawl in la, Karmel Mual kei kiangah Israelte khempeuh, leh Jezebel’ sabuai-ah an a ne Baal kamsang zali leh sawmnga leh Asherah kamsang zalite hong khawm in,” a ci hi.

1 KUMPI MASATE 16:33

Tua ciangin Ahab in Asherah milim khat bawl hi. Ahab in ama mai-a om Israel kumpite khempeuh sangin Israel Pasian, Topa hehsak nading tam hih zaw hi.

Thukhente 6:25

Tua zan-in Topa in ama kiangah, “Na pa’ bawngtal, kum sagih a pha a bawngtal nihna la in la, na pa’ neih Baal biakna tau phelin, a gei-a om Asherah milim phuk in;

Thukhente 3:12

Tua ciangin Topa muhna-ah Israel mite a sia gamta kik uh hi; tua ciangin Topa in Israelte lang khatah Moab kumpipa Eglon thahatsak hi; bang hang hiam cih leh Topa muhna-ah amaute a sia gamta uh hi.

Thu-hilhkikna 16:21

“Note in na bawlsa uh ahi Topa na Pasian uh biakna tau kiangah Asherah milim dingin khuam khatpeuh peuh na phut kei ding uh hi.

Thu-hilhkikna 4:9

-

2 KHANG TANGTHU NIHNATE 34:7

amah in biakna taute sukhamin Ashera milimte leh milim dangte satvui a, Israel gam sung khempeuh ah paknamtui biakna taute satvui hi. Tua ciangin Jerusalem ah amah ciahkik hi.

2 KHANG TANGTHU NIHNATE 34:3

Bang hang hiam cih leh ama uk a kum giatna sung, amah naupang ahih laipi mahin, amah in a pu David’ Pasian zon’ ding kipan hi; a kum sawm-le-nihna ciangin amah in Judah leh Jerusalem panin mual dawn a, biak piaknate, Asherah milimte, leh a kiseek leh a kisung milimte beisiang sak ding kipan hi.

Thukhente 3:8

Tua ahih ciangin Israelte tungah Topa’ hehna so a, amah in Mesopotamia kumpipa Kushan-rish-athaim tungah amaute zuak hi; Israel mite in Kushan-rish-athaim’ na kum giat sem uh hi.

Thukhente 8:34

Israel mite in, mun khempeuh panin amau’ galte’ khut sung pan a honkhia Topa a Pasian uh phawk lo uh hi;

1 SAMUEL MASA 12:9

Ahih hangin amaute in Topa a Pasian uh mangngilh uh hi; tua ciangin amah in Hazor kumpipa Jabin’ galkap mangpa Sisera tung leh Filistiate tung leh Moab kumpipa tungah amaute zuak hi; hih mite in amaute do uh hi.

1 SAMUEL MASA 12:10

Tua ciangin Topa tungah amaute kiko uh a, ‘Kote ka khial khin uh hi; bang hang hiam cih leh Topa nusia-in Baalte leh Ashtaroth’ na ka sem uh hi; ahih hangin tu-in ka galte uh khut sung panin kote hong honkhia in, nangma’ na kong sem ding uh hi,’ a ci uh hi.

Late 106:7

Ka pate un Izipt gamah a om lai-un nangma nasepna lamdangte ngaihsun lo uh hi; nangma itna kip a tampite phawk lo uh a, San Tuipi-ah Sang Penpa hong lehdo uh hi.

Jeremiah 23:27

A pute a pate in kei’ min hong mangngilh in Baal a biak uh bangin a mangmat uh a gen kawikawina uh tawh ka mite in ka min hong mangngilh ding uh hi, ci-in a ngaihsun uh hi.

Thu-hilhkikna 8:11

“Tu ni-a no tungah kong thupiak ahi ama thupiaknate leh a ngeina kipte leh a thukhamte zuih lohna tawh Topa na Pasian uh mangngilh kha ding na hih manun kidawm un:

Thu-hilhkikna 8:14

na lungsim uh lianin, salsuahna Izipt gam panin no hong paikhiatpih,

Thu-hilhkikna 8:18

Tu ni-a mah bangin na pu na pate uh tunga a kiciamna a kipsak theih nadingin, na hauh nadingun vangliatna hong piapa in amah ahih manin Topa na Pasian uh na phawk ding uh hi.

Thukhente 8:33

Gideon a sih khit phetin Israel mite kihei kikin Baalte bia uh a, a pasian dingun Baalberith bawl uh hi.

Late 106:35

Minam dangte tawh kihelin amau gamtat bangbang a gamta dingin kisin uh hi.

Late 106:36

Amau adingin thangzak ahi, amau milimte’ na seppih uh hi.