Thukhente 3:2 - Tedim Bible

² Israel mi tua khangte in gal dona a theihtheih nading, ni dangin a kithei ngei lo gal dona tua bang mite a hilh theih nading bek ahi hi.

Tedim Bible Revision 2017

² Tua khang Israel mite in galdona a theih nading, nidangin galdona a thei ngei lo tua bang mite a hilh theih nading bek ahi hi.

Thukhente 3:2 Referans Kwoze

2 TIMOTI NIHNA 4:7

Galdona a pha ka do zo hi, tai nading lam a mong dongin ka tai zo hi, upna thu ka keem zo hi.

2 TIMOTI NIHNA 2:3

Nang in Khazih Zeisu’ galkap siampa bangin keimah tawh gimna na thuak khawm in.

1 TIMOTI MASA 6:12

Upna thu tawh kipawl galdona a pha na do in. Nuntak tawntungna na len in. Tua nuntakna ngah dingin nang in hong sapna na ngah a, teci tampite maiah na pang ngei hi.

Johan 16:33

Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

2 KHANG TANGTHU NIHNATE 12:8

Ahi zongin amaute in keima nasepna leh gam sung kumpite’ nasepna a theih nadingun amaute in ama nasemte suak ding uh hi,” a ci hi.

Piancilna 3:7

A nek khit phetun amaute gel in khua phawk uh a, a guaktangun a om lam uh kithei uh hi; amaute in thei tehte khuituah-in puansilh dingin bawl uh hi.

Piancilna 3:5

Bang hang hiam na cih leh tua singgah na nek ciangun na mitte uh kihong ding a, a pha leh a sia thei-in Pasian tawh na kibat ding lamtak uh Pasian in thei hi,” ci hi.

Piancilna 2:17

ahih hangin a pha leh a sia theihna singkung pen na ne kei ding hi; bang hang hiam na cih leh tua na nek ni-in na si taktak ding hi,” ci hi.

Thukhente 3:1

Tu-in Israelte khempeuh sung panin Kanaan gam sungah gal dona a thei kha nai lo Israelte ze-et nadingin Topa in a siit minamte in hihte ahi hi;

Thukhente 3:3

Tua minamte in: Filistia mi ulian ngate, Kanaan mi khempeuh, Sidon mite, leh Baalhermon Mual panin Hamath lutna ciang dong Lebanon Mual tungah a teeng Hiv mite ahi hi.