Thukhente 21:7 - Tedim Bible

⁷ Eite in i tanute amaute tungah zi dingin pia lo ding hi hang, ci-in Topa tawh kiciam khin i hih ciangin a om lai amaute’ zi ding bang cih ding i hi hiam?” a ci uh hi.

Tedim Bible Revision 2017

⁷ Eite in i tanute amaute tungah zi dingin pia lo ding hi hang, ci-in Topa tawh kiciam khin ihih ciangin a nungta lai amauteʼ zi ding bang cih ding ihi hiam?” a ci uh hi.

Thukhente 21:7 Referans Kwoze

Thukhente 21:1

Tu-in Israel mite Mizpah-ah kiciam uh a, “Benjamin-te tungah kuamah in i tanu mo-in i kha kei ding hi,” a ci uh hi.

1 SAMUEL MASA 14:45

Tua ciangin mite in Saul kiangah, “Israelte sungah hih gualzawhna lian a piangsak Jonathan si ding ahi hiam? Hi dek peuhmah lo ding! Topa a nuntak mah bangin, a lu tunga sam khat zong lei lakah kia lo ding hi; bang hang hiam cih leh amah in Pasian tawh tu ni-in tua thu piangsak hi,” a ci uh hi. Tua ahih ciangin mite in Jonathan tankhia uh a, amah si lo hi.

Thukhente 21:18

Ahi zongin amau’ zi dingin i tanute i pia thei kei hi,” a ci uh hi. Bang hang hiam cih leh Israel mite kiciam khinin, “Benjaminte tungah zi a pia mipa in samsiatna ngah ta hen,” a ci uh hi.

Thukhente 21:6

Israel mite in a sanggam uh Benjamin mite khasiat uh a, “Tu ni-in Israelte sung panin minam khat bei hi.

Thukhente 21:8

Tua ciangin amaute in, “Topa kiang Mizpah-ah Israel minamte hong pai lo a om hiam?” a ci uh hi. En in, Jabeshgilead panin tua giahphual kikhopna-ah kuamah pai lo hi.

Thukhente 21:22

Amau’ pate ahi a, a sanggampate uh ahi zongin kote kiangah lungkim lohna gen dingin hong pai ciangin kote in amaute kiangah, ‘Kote tungah hehpihna tawh amaute hong pia un; bang hang hiam cih leh mi khempeuh zi ding galkap-na sungah ka ngahsak zo kei uh a, note zong na mawh nadingun note in amaute tungah a pia na hi kei uh hi,’ ka ci ding uh hi,” a ci uh hi.