Thukhente 20:1 - Tedim Bible

¹ Tua ciangin Israel mite khempeuh, Gilead gam zong a kihel, Dan panin Be-ersheba dong hong kuankhia uh a, Topa' kiang Mizpah-ah mihing khat bangin mihonte hong kikhawm uh hi.

Tedim Bible Revision 2017

¹ Tua ciangin Israel mite khempeuh, Gilead gam zong a kihel, Dan panin Beer-sheba dong hong kuan khia uh a, Topaʼ kiang Mizpah ah mihing khat bangin mihon hong kikhawm lian uh hi.

Thukhente 20:1 Referans Kwoze

Thukhente 11:11

Tua ahih ciangin Gilead upate tawh Jefthah pai a, mite in amau’ tunga lutang leh makai-in amah koih uh hi; Jefthah in hih thute khempeuh Mizpah khua sung Topa mai-ah gen hi.

1 SAMUEL MASA 10:17

Tu-in Samuel in Mizpah-a Topa kiangah mite khawm hi;

1 SAMUEL MASA 3:20

Tua ciangin Dan panin Be-ersheba kikal a, om Israelte khempeuh in Topa’ kamsangin Samuel a kikipsakna thei uh hi.

Thukhente 21:5

Tua ciangin Israel mite in, “Topa ading kikhopna-ah Israel minamte khempeuh sung panin kua teng hong pai lo ahi hiam?” a ci uh hi. Bang hang hiam cih leh amaute in Topa kiangah a pai lo mite tawh kisai-in Mizpah-ah kiciamna lianpi khat bawl uh a, “Kithat ding hi,” a ci uh hi.

Joshua 22:12

Israel mite in tua thu a zak uh ciangin amaute do dingin Israel mihon buppi khempeuh Shiloh mun-ah kikhawm uh hi.

Nehemiah 8:1

Tua ciangin Tui kongpimai tualpi ah mi khempeuh khe khat khai bangin hong kikhawmtuah diam hi; tua ciangin Topa in Israel mite tungah a piak ahi, Moses’ thukham laibu pen lai theipa Ezra in hong paipih nadingin gen uh hi.

2 SAMUEL NIHNA 24:2

Tua ahih ciangin kumpipa in Joab leh amah tawh a om galkap ukte kiangah, “Galdo mite a phazah ka theih nadingin Dan panin Be-ersheba ciang dong Israel minamte khempeuh lakah pai un la mi phazah sim un,” a ci hi.

Ezra 3:1

A kha sagihna hong cin’ ciangin Israel mite amau’ khuapi ciatah teeng khin uh ahih manin, khe khat khai bangin Jerusalem ah amaute hong kituah diam uh hi.

2 KHANG TANGTHU NIHNATE 30:5

Tua ahih ciangin mite hong pai-in Israel Pasian, Topa adingin Jerusalem ah Paisan Pawi a bawl nadingun Be-ersheba panin Dan ciang dong Israel sung khempeuh ah taangkona khat a bawlna ding uh thukhentatna khat bawl uh hi; bang hang hiam cih leh bawl dinga a kigen bangin amaute in a lianpi-in bawl ngei lo uh hi.

1 KHANG TANGTHU MASATE 21:2

Tua ahih ciangin David in Joab leh galkap a ukte kiangah, “Pai un, Be-ersheba panin Dan ciang dong Israel mi phazah va sim un la, amaute a phazah ka theih nadingin kei kiangah thu hong zasak un,” a ci hi.

2 KUMPI NIHNATE 25:23

Tu-in gamsunga om galkap a ukte leh a mite in Babilon kumpipa in a uk dingin Gedaliah a sehna thu a zak uh ciangin amaute a mite uh tawh Mizpah a, Gedaliah kiangah hong pai uh hi; tuate in Nethaniah’ tapa Ishmael, leh Kareah’ tapa Johanan, leh Netofah mi Tanhumeth’ tapa Seraiah, leh Ma-akath mi Ja-azaniah ahi uh hi.

2 SAMUEL NIHNA 19:14

David’ thugen in Judah mite khempeuh’ lungsim thakhatin zo pah hi; tua ahih ciangin amaute in kumpipa kiangah thu puakin, “Nang leh na nasemte khempeuh hong ciahkik un,” a ci hi.

2 SAMUEL NIHNA 2:9

amah in Gilead, Ashur mite, Jezre-el, Efraim, Benjamin leh Israelte khempeuh tungah kumpi-in amah bawl hi.

Thukhente 20:26

Tua ciangin Israel mite khempeuh, galkap vekpi paito-in Bethel-ah tungin kap uh hi; tua lai mun Topa’ mai-ah amaute tu-in nitak dong tua ni an tang uh a, Topa mai-ah meihal biakna leh thunuam-a biakna pia uh hi.

Thukhente 20:18

Israel mite ding-in Bethel-ah paito uh a, “Benjamin mite a do dingin kua pai masa ding ka hi uh hiam?” ci-in Pasian dong uh hi. Topa in, “Judah paito masa ding hi,” a ci hi.

Thukhente 20:11

Tua ahih ciangin khuapi do dingin Israel mite khempeuh kikhawm uh a, kipawlin mi khat bang uh hi.

Thukhente 20:8

Tua ciangin mi khempeuh mihing khat bangin ding-in, “Eite khempeuh khat zong i puanbuk-ah pai loin, eite khat zong i inn-ah i ciah kei ding hi.

Thukhente 20:2

Israel minam khempeuh sung pan makai khempeuh, namsau tawi khe galkap mihing tul zali, Pasian’ mite kikhopna-ah amau mahmah kipia uh hi.

Thukhente 18:29

Amaute in tua khuapi min pen Israelte sungah a suak amau’ pian’na Dan tamin Dan phuak uh hi; ahih hangin a masa-in tua khuapi min in Laish ahi hi.

Thukhente 10:17

Tua ciangin Ammon mite galhiam tawi dingin kisam uh a, Gilead-ah giahphual sat uh hi; Israel mite zong kikaikhawmin Mizpah-ah giahphual sat uh hi.

Joshua 17:1

Tua ciangin Josef tacil ahih manin Manasseh minam tungah tanh kipia hi. Manasseh minam sung pan tacil, Gilead’ pa Makhir tungah Gilead gam leh Bashan gam kipia hi; bang hang hiam cih leh amah galhang mi ahi hi.

Gamlak-vakna 32:1

Tu-in Reuben minamte leh Gad minamte in ganhing hon tampi nei uh hi; amaute in Jazer gam leh Gilead gam mu uh a, en in: a gam in gan gam ahi hi.

Joshua 18:26

Mizpeh, Khefirah, Mozah,

Joshua 15:38

Dilean, Mizpeh, Jokhe-el,

Gamlak-vakna 32:40

Moses in Manasseh tapa Makhir-te beh tungah Gilead pia-in, tua lai-ah amaute teeng uh hi.

Jeremiah 40:6

Tua ciangin Jeremiah zong Ahikam’ tapa Gedaliah’ omna Mizpah khua-ah pai-in gam sunga a om lai a mipihte tawh a teeng khawm hi.

Joshua 4:13

mi tul sawmli bang gal do dingin hiam tawi-in a baihsa-in Jerikho zanglei lamah Topa mai-ah pai uh hi.

Joshua 22:9

Tua ahih ciangin Reuben mite leh Gad mite leh Manasseh minam a langte, Moses tung tawnin Topa’ thupiakna tawh a neih uh amau leitang ahi Gilead gamah pai dingin Kanaan gam sunga om Shiloh mun-ah Israel mite tawh kikhenin a inn uh ah ciah uh hi.

Thukhente 11:34

Tua ciangin Mizpah-a ama inn-ah Jefthah hong ciah hi; en in, amah dawn dingin a tanu khuangneute tawh lamsa-in hong paikhia hi; tua nu in ama ta khat neihsun ahi hi; amah simloh tapa ahi a, tanu ahi zongin nei lo hi.

1 KUMPI MASATE 5:5

Tua ahih ciangin Topa in ka pa David kiangah, ‘Nangma taangin na kumpi tokhom tungah ka koih ding na tapa in ka min dingin inn lam ding hi,’ a cih mah bangin Topa ka Pasian’ min dingin inn khat lam ka sawm hi.

Nehemiah 11:27

Hazarshual, Be-ersheba leh a khuaneute,