Thukhente 2:16 - Tedim Bible

¹⁶ Tua ciangin, amaute na a sut gawp mite’ vangliatna panin amaute a honkhia thukhente Topa in khangsak hi.

Tedim Bible Revision 2017

¹⁶ Tua ciangin, amauteʼ na a sut gawp miteʼ vangliatna panin amaute a hon khia thukhente Topa in khangsak hi.

Thukhente 2:16 Referans Kwoze

Sawltak 13:20

Tua nung ciangin kamsangpa Samuel dongin thukhen mangte a pia hi.

1 SAMUEL MASA 12:11

Tua ciangin Topa in Jerubbaal leh Barak, leh Jefthah, leh Samuel hong sawl a, na kiim khempeuh uh-a na galte uh khut sung panin note hong honkhia hi; note lungmuang takin na om uh hi.

Nehemiah 9:27

Hih thu hangin a galte uh khut sungah amaute na ap a, a galte un amaute hih gawpgawp uh hi. Ahi zongin amau a kihih gawpgawp hun ciangin nang tungah hong ko uh a, nangmah in vantung panin na za a, na hehpihna lianpi tawh amau’ galte kiang panin a honkhia ding honkhiate na puak hi.

Thukhente 3:15

Ahih hangin Topa tungah Israel mite a kiko uh ciangin, Topa in Benjamin mi, Gera tapa a veikhoi Ehud, amaute’ honpa dingin khangsak hi. Israel mite in ama tung tawnin Moab kumpipa Eglon tungah siah puak uh hi.

Thukhente 6:14

Tua ciangin ama lamah Topa kihei-in, “Hih nangma vangliatna tawh pai in la, Midiante khut sung panin Israelte honkhia in; nangmah hong sawl hilo ka hi hiam?” a ci hi.

Thukhente 4:5

Tua nu, Efraim mualtung gam sung Ramah leh Beth-el kikal nisuh kung nuai-ah thu khen hi; thu a khensak dingin ama kiangah Israel mite pai uh hi.

Thukhente 10:1

Abimelek khit ciangin Israelte a honkhia dingin Issakhar minam Dodo’ tapa Puah’ tapa Tola hong khang hi; amah Efraim mualtung gam Shamir-ah teeng hi.

Ruth 1:1

Thukhente in a uk hun lai-in tua gam sungah kialpi tung a, Judah gam sunga Bethlehem khuami khat, amah leh a zi leh a tapa nihte tawh Moab gamah a peem dingin pai uh hi.

Thukhente 3:31

Ama khit ciangin Anath tapa Shamgar hi a, ciangkhut zum tawh Filistia mite zaguk a thatpa ahi hi; amah in zong Israelte honkhia hi.

Thukhente 11:32

Tua ahih ciangin amaute do dingin Ammon mite kiangah Jefthah gal kah hi; Topa in amaute ama khut sungah pia hi.

1 SAMUEL MASA 14:48

Amah in hang takin hih-in Amalekte vatgawp a, amaute a sugawp mite’ khut sung panin Israelte honkhia hi.

2 SAMUEL NIHNA 7:11

ka mi Israelte tungah thukhente ka koih khit zawh, amaute gimsak nawn lo ding hi; na galte khempeuh panin nang tungah tawlngakna kong pia ding hi. Tua tham loin Topa in nang adingin innkuan khat hong bawlsak ding nang tungah Topa in gen hi.