Thukhente 2:11 - Tedim Bible

¹¹ Tua ciangin Israel mite in Topa muhna-ah a sia gamta-in Baalte’ na sem uh hi;

Tedim Bible Revision 2017

¹¹ Tua ciangin Israel mite, Topaʼ muhna ah a sia gamta-in Baal-teʼ na sem uh hi.

Thukhente 2:11 Referans Kwoze

Thukhente 10:6

Tua ciangin Israel mite in Topa’ muhna-ah a sia gamta kik uh a, Siria mite pasiante, Sidon mite pasiante, Moab mite pasiante, Ammon mite pasiante, leh Filistia gam mite’ pasiante ahi Baalte leh Ashtaroth’ na sem uh hi; amaute in Topa nusia-in ama’ na sem lo uh hi.

Thukhente 6:1

Israel mite Topa muhna-ah a sia gamta uh hi; Topa in Midiante’ khut sungah amaute kum sagih sung pia hi.

Thukhente 4:1

Ehud a sih khit ciangin Israel mite in Topa’ muhna-ah a sia gamta kik uh hi.

Thukhente 3:7

Topa’ muhna-ah Israel mite a sia gamta-in, Topa amau’ Pasian mangngilh uh a, Baalte leh Asheroth-te’ na sem uh hi.

Thukhente 8:33

Gideon a sih khit phetin Israel mite kihei kikin Baalte bia uh a, a pasian dingun Baalberith bawl uh hi.

1 KUMPI MASATE 18:18

Amah in dawngin, “Keimah in Israel mite ka lungkhamsak kei hi; nang in Topa’ thupiaknate nusia-in Baalte zui na hih manin nang leh na pa’ innkuan in na lungkhamsak uh hi.

Thukhente 13:1

Israel mite Topa muhna-ah a sia gamta kik uh hi; Topa in Filistia mite’ khut sungah kum sawmli sung amaute pia hi.

Jeremiah 9:14

amau’ lungsim’ deihna zui tentan-in a pu a pate-uh’ hilhna bangin Baal nung a zuih man uh ahi hi.

Jeremiah 2:23

Bangci bangin nangmah in, ‘Kei ka nin kei hi, Baal pasiante’ nung ka zui kei hi,’ na ci thei peuhmah ding hiam? Mualkuam zang-a na lampi totte en dih in; na hih sate mu dih in— a leh tai kawikawi kalaoh huk na bang tazen hi.

Ezra 8:12

Azgad-te beh panin Hakkatan’ tapa Johanan hi a, pasal zakhat leh sawmkhat tawh ahi hi.

2 KHANG TANGTHU NIHNATE 33:6

Tua ciangin amah in Hinnom’ tapa kuamah biakna-in a tapate hal a, aisanna, leh mai lam thugen kholhna leh khongkhaina zang a, vankah theite leh aisante tawh na sem hi. Amah in Topa’ muhna ah siatna tampi bawl a, amah hehsak hi.

2 KHANG TANGTHU NIHNATE 28:2

Israel kumpite’ khekhap zui hi. Amah in a kisung milimte nangawn Baalte’ adingin bawl hi;

1 SAMUEL MASA 7:4

Tua ahih ciangin Israelte in Baalte leh Ashtaroth koih khia-in Topa’ na bek sem uh hi.

Thukhente 10:10

Tua ciangin Israel mite Topa tungah kiko uh a, “Nang tungah ka khial khin uh hi; bang hang hiam cih leh kote in ka Pasian uh nusia-in Baalte’ na ka sem uh hi,” a ci uh hi.

Thukhente 3:12

Tua ciangin Topa muhna-ah Israel mite a sia gamta kik uh hi; tua ciangin Topa in Israelte lang khatah Moab kumpipa Eglon thahatsak hi; bang hang hiam cih leh Topa muhna-ah amaute a sia gamta uh hi.

Piancilna 38:7

Ahih hangin Judah’ ta masa Er pen Topa’ muhna-ah gilo hi; Topa in amah that hi.

Piancilna 13:13

Tu-in Sodom mite mi gilo uh a, Topa’ tungah nakpi tak-a a khialte ahi uh hi.

Thu-hilhkikna 31:16

Tua ciangin Topa in Moses kiangah, “En in, na pu na pate kiang a zuan ding na hi ta hi; nang’ om nawn loh ciangin hih mite in a paina uh mite lakah a gam sung pasiante tawh paktat ding uh a, amaute in kei hong nusia in amaute tawh ka bawl ka thuciamna uh siasak ding uh hi.

Thukhente 6:25

Tua zan-in Topa in ama kiangah, “Na pa’ bawngtal, kum sagih a pha a bawngtal nihna la in la, na pa’ neih Baal biakna tau phelin, a gei-a om Asherah milim phuk in;

1 KUMPI MASATE 22:53

Amah in Baal’ na semin bia a, a pa mah bangin a hihna khempeuh ah Israel Pasian, Topa hehsak hi.

Nehemiah 9:26

“‘Ahi zongin amaute in dem nopna lungsim nei-in nang hong lehdo uh hi; amaute in na thukham nungngat uh a, nangma lamah hong ciahkik nadingun amaute a hilhkhol na kamsangte that uh a, amaute in gendai-mawhna lianpi bawl uh hi.

Late 78:56

Ahi zongin amaute in Sangpen Pasian ze-etin lehdo uh a, ama teci pan’nate zui loin,

Jeremiah 11:10

Ka thu a ngai nuam lo a pu a pate uh’ mawhna lamah a kileh hei khin zo uh a, pasian dangte’ na sem dingin a zui khin zo uh hi. Israel mite leh Judah mite in a pu a pate uh tawh ka bawlsa uh ka thuciamna a palsat khin zo uh hi.

Gamlak-vakna 25:3

Tua ahih ciangin Peor-a Baal tawh Israel mite va kizom tawm hi. Israel tungah Topa heh mahmah hi;

Thu-hilhkikna 4:25

“Note in tu leh ta nei-in gam sungah mi khangham na suah uh ciangin, na khatpeuh peuh tawh a kibang lim-in a kiseek milim bawlna leh Topa na Pasian uh muhna ah a sia bawlna tawh amah a hehsak dingin na siat gamtat uh leh,

1 SAMUEL MASA 7:3

Tua ciangin Samuel in Israel mite khempeuh kiangah, “Na lungsim khempeuh uh tawh Topa lamah a kihei kik na hih uh leh note lak panin gamdang pasiante leh Ashtaroth milim koih khia-in Topa lamah na lungsim uh ngat un la, ama’ na bek sem un; tua ciangin amah in Filistiate khut sung panin note hong honkhia ding hi,” a ci hi.

1 SAMUEL MASA 12:10

Tua ciangin Topa tungah amaute kiko uh a, ‘Kote ka khial khin uh hi; bang hang hiam cih leh Topa nusia-in Baalte leh Ashtaroth’ na ka sem uh hi; ahih hangin tu-in ka galte uh khut sung panin kote hong honkhia in, nangma’ na kong sem ding uh hi,’ a ci uh hi.

1 KUMPI MASATE 11:5

Bang hang hiam cih leh Sidon mite’ nusian Ashtoreth, leh Ammon mite’ aa ahi a kihhuai Milkom, Solomon in bia hi.

2 KHANG TANGTHU NIHNATE 28:3

tua ciangin amah in Hinnom’ tapa’ kuamah paknamtui hal a, Topa in Israel mite mai-ah a hawlkhiat minamte in a zat uh a kihhuai gamtatnate mah bangin biakna ah a tapate hal hi.

Jeremiah 2:20

“Sawt pek lai-a kipanin ka hakkol kuaitan-in ka ukna nong nial a, hong kihenna khau sutat-in, ‘Na na ka sem kei ding hi,’ nong ci hi. Hi hi, numei paktat na bang a, mualsang tung teng leh singliim nuai tengah milim na bia kawikawi hi.

Jeremiah 16:11

Tua ciangin nangmah in amaute’ kiangah, ‘Topa in, “Na pu na pate un kei hong taisan khin uh a, kei hong nusia-in ka thukham a zui kei uh hi.

Jeremiah 32:23

Amau zong hong lut-in a luah pah uh hi. Ahih hangin amaute in na thu hong mang loin, thukham hong zui lo uh a, hih ding a, na thupiakte khat beek a hih kei uh hi. Tua ahih manin amau’ tungah hih siatna khempeuh na tungsak hi.