Thukhente 2:10 - Tedim Bible

¹⁰ Tua ciangin tua khang mite khempeuh zong a pu a pate uh kiang kizuansak hi; amaute khit ciangin Topa hita leh, Israelte adingin a septe hita leh a thei lo khang thak hong piang uh hi.

Tedim Bible Revision 2017

¹⁰ Tua ciangin tua khang mite khempeuh zong si khin uh a, amauteʼ khit ciangin Topa hitaleh, Israel-te adingin a septe hitaleh a thei lo khangthak hong piang uh hi.

Thukhente 2:10 Referans Kwoze

1 SAMUEL MASA 2:12

Tu-in Eli’ tapate in bangmah man lo mite ahi uh hi; amaute in Topa zahtakna nei lo uh hi.

Paikhiatna 5:2

Ahih hangin Faro in, “Ama' aw ngai-in Israel ka paisak dingin Topa in kua ahi hiam? Topa ka thei kei hi, tua tham loin Israelte ka paisak kei ding hi,” ci hi.

Titu 1:16

Amaute in, “Pasian ka thei tel uh hi,” a cih uh hangin, a gamtatna uh tawh Pasian a nial uh hi. A kihhuai mi, thungai lo mi, nasepna hoih khat beek ah kiman’na om lo mi ahi uh hi.

Sawltak 13:36

David in Pasian’ deih bangin ama khan’ lai-in na a sep khit ciangin si a, a pute a pate tawh kivui khawm a, muatna a thuak hi.

Jeremiah 31:34

Kuamah in midangte leh a sanggamte uh’ kiangah, ‘Topa thei in,’ ci-in a kihilh nawn kei ding uh hi: bang hang hiam cih leh Topa in kong cih-inah, amaute a neupen panin a lianpen dongin, a vekpi-un kei a hong thei ding uh hi. Bang hang hiam cih leh amaute’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

Isaiah 5:12

Amaute in a pawi sung uhah laiza la sakna leh harp la sakna, khuang, tamngai leh leenggahzu tampi nei uh hi; ahih hangin amaute in Topa’ sepnate don lo uh a, a khut tawh a bawlte zong mu lo uh hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei in la, na lungsim khempeuh leh utna lungsim tawh ama na sem in; bang hang hiam cih leh Topa in lungsim khempeuh zong a, ngimna leh ngaihsutna khempeuh thei hi. Nangmah in amah na zon’ leh nangmah in amah na mu ding hi; ahih hangin amah na nusiat leh amah in nang hong paaikhia paisuak ding hi.

2 SAMUEL NIHNA 7:12

Na ni cingin na pate tawh na lup ciangin, nangma sung panin hong suak khia ding na tapa nangma nungah ka khangsak ding a, keimah in ama kumpigam ka kipsak ding hi.

Jeremiah 22:16

Amah in mizawngte leh mi cimawhte thuman tawh thukhen a, na khempeuh hoih pah hi. Tu-a banga hihna in kei nong theihna-uh hilo ahi hiam? Topa in kong ci hi.

Jeremiah 9:3

A leii uh thalpeu bangin zang uh a, zuauthu a lawnkhia khia uh hi; gam sungah thuman om loin zuauthu bekbek a dim hi. Siatna lam manawh tektek uh a, Kei hong thei lo uh hi, Topa in a ci hi.

JOB (Job) 21:14

Migilote in Pasian nawlkhin uh a, Pasian in amau’ nuntak nadingin a deihsaknate thei nuam lo uh hi.

Thu-hilhkikna 31:16

Tua ciangin Topa in Moses kiangah, “En in, na pu na pate kiang a zuan ding na hi ta hi; nang’ om nawn loh ciangin hih mite in a paina uh mite lakah a gam sung pasiante tawh paktat ding uh a, amaute in kei hong nusia in amaute tawh ka bawl ka thuciamna uh siasak ding uh hi.

Gamlak-vakna 27:13

Na muh khit ciangin na sanggampa Aaron mah bangin nang zong na mite kiangah hong kigawm ding hi; bang hang hiam cih leh

Piancilna 49:33

Jakob in a tapate thuhilh a man khit ciangin’ a lupna tungah lai-tat a, a nunung pen a hu sang a, ama' mihingte kiangah kigawm hi.

Piancilna 25:8

a nunung pen ama' hu sang a, a teek, kum tampi a pha, a khangham-in si a, ama' mite tawh kivui khawm hi.

Piancilna 15:15

Nangma pumpi ading ahih leh, nuamtakin na pate’ kiang na zuan ding hi; nang pen khan’ kicingin hong kivui ding hi.

Piancilna 25:17

(Ishmael, kum za leh kum sawmthum-le-sagih a phak ciangin a nunung pen ama' hu sangin si a, a behte tawh kivui khawm hi.)

Paikhiatna 1:6

Tua ciangin Josef leh a sanggamte leh tua khang mi khempeuh si uh hi.

Paikhiatna 1:8

Tu-in Josef a thei lo kumpi thak khat Izipt gamah hong khang hi.

Joshua 24:31

Joshua khang sung leh Joshua sangin sau a nungta zaw upate khempeuh’ khang sungin Israel mite in Topa’ na sem uh a, Israel mite’ adingin Topa in a sepna khempeuh thei uh hi.

Jeremiah 9:2

Sehnel gamlakah khawl nading bukno khat nei thei-in ka mite nusia-in taisan thei hi leng maw! A vekpi-un angkawm hat hi khin uh a, thuman lo kim uh hi.

Jeremiah 9:5

Mi khempeuh in a innvengte uh khem ciat uh a, thuman gen kuamah om lo hi; a leii uh zuauthu gen dingin kisinsak uh a, mawhna a bawl manun tawllua-in a kisikkik zo nawn kei uh hi.

Luka 20:32

A nung ciangin numei zong a si hi.