Thukhente 19:3 - Tedim Bible

³ Tua ciangin a pasal ding khia-in kam neem tawh a hopih ding leh a sam kik dingin tua nu kiangah pai hi. Amah in a nasempa leh a la nih tonpih hi. Tua ciangin tua nu’ pa inn-ah tung hi; numei’ pa in amah a muh ciangin lungdamna tawh a dawn dingin hong pai hi.

Tedim Bible Revision 2017

³ Tua ciangin a pasal ding khia-in kam nem tawh a hopih ding le a ciah pihkik dingin tua nuʼ nungah a pai hi. Amah in a nasem pa le a la nih tonpih hi. A sungpaʼ inn ah tunga, a sungpa in amah a muh ciangin lungdamna tawh a dawn dingin hong pai hi.

Thukhente 19:3 Referans Kwoze

Piancilna 50:21

Tua ahih ciangin lau kei un; note leh na tate uh adingin an kong pia ding hi,” ci hi. Amah in tua bangin kip gen pha kikin amaute hehnem hi.

Piancilna 34:3

Ama' lungsim Jakob’ tanu Dinah’ lamah pai hi; amah in tua numei itin ama' tungah kamkhum takin pau hi.

Galati 6:1

Ute naute aw, mi khat kikeem khialin mawhna khatpeuh ahih khak leh, Kha Siangtho a nei note in mawhna hong zolna tawh na kipelh nadingun kikeemin, lungnemna tawh tua bang mi na kipsak un.

Johan 8:11

Numei in, “Kuamah in hong khen lo hi, Topa aw,” a ci hi. Zeisu in, “Ke’n zong kong khen kei ding hi. Pai in la, a nung ciangin na mawh nawn kei in,” a ci hi.

Mattiu 1:19

A lawmpa Josef in mi lungsim pha ahih maninah Mari mindaisak nuam loin, maksim ding a lungngai hi.

Hosea 2:14

Tua ahih ciangin gamlakah amah ka paipih kik ding a, itna kam tawh amah hopihin ka zol kik ding hi.

Jeremiah 3:1

“Mi khat in a zi ma hen la, tua nu in zong amah nusia-in, pasal dang khat’ zi suak leh, a pasal masa in tua nu la kik thei ding ahi hiam? Tua gam teng a nin suaksak khin ding hilo ahi hiam? Nang in numei paktat suak-in mi tampi tawh kingai khin zo napi cin tu’n kei’ kiang hong zuankik ding na hi hiam? Topa in kong ci hi.

Thukhente 15:1

Tawlkhat khit, mangbuh lak hunin a zi kiangah a hawh dingin keelno khat tawh Samson pai hi; amah in, “Inndei sung ka zi kiangah ka lum ding hi,” a ci hi. Ahih hangin a numei’ pa in amah lutsak lo hi.

Gamlak-vakna 22:22

Ahih hangin amah pai ahih manin Pasian’ hehna so hi; amah langpang dingin Topa’ vantungmi in lampi ah na pang hi. Tu-in a la tungah amah tuang a, a nasemte nih in zong a zui uh hi.

Siampi Laibu 20:10

“Pasal khat in ama vengpa’ zi tawh a mawh leh, tua a khialpa leh a khialnu kithat khawm ding hi.

Siampi Laibu 19:17

“Note in na lungsim sung uhah na sanggampa uh mudah loin, na vengte uh tawh na thu kituah lohna uh kikum khawmin na siangsak ding uh hi; tua hi kei leh ama hangin khialhna na pua ding uh hi.

Thukhente 19:2

A zineu ama tungah heh a, ama kiang panin pai khia-in Judah gam Bethlehem khua-a a pa inn-ah ciah a, tua lai-ah kha li sung khawng om hi.

Thukhente 19:4

Tua ciangin a sungpa, numei’pa in amah taam sak a, amah tawh nithum sung om hi; tua ahih ciangin amaute in an ne, tui dawnin giak khawm uh hi.

Thukhente 19:26

Zingsang khua hong vak ciangin numei hong ciahin, ama topa a omna mipa’ kongkhak ah pukin khuavak dong om hi.

Hosea 2:16

Tua ciangin kei pen, ka pasal, hong ci kik ding a, kei pen ka Baal pasian, hong ci nawn lo ding hi.