Thukhente 17:1 - Tedim Bible

¹ Efraim mualtung gam mi Mikah a kici min nei mi khat om hi.

Tedim Bible Revision 2017

¹ Efraim mual tung gam mi Mikah a kici min nei mi khat om hi.

Thukhente 17:1 Referans Kwoze

Thukhente 18:2

Tua ahih ciangin Dan mite in gam ensimin a va zong dingin amau’ minam bup khempeuh lak panin misiam nga Zorah pan leh Eshtaol panin sawl uh hi; amaute in amau kiangah, “Pai un la gam va zong un,” a ci uh hi. Amaute Efraim mualtung gam, Mikah’ inn-ah hong tung uh a, tua lai-ah taam uh hi.

Thukhente 10:1

Abimelek khit ciangin Israelte a honkhia dingin Issakhar minam Dodo’ tapa Puah’ tapa Tola hong khang hi; amah Efraim mualtung gam Shamir-ah teeng hi.

Joshua 15:9

tua ciangin mual dawn panin Neftoah Tuite lui-ah gamgi kikhung a, tua panin Efron Mual khuapite-ah pai hi; tua ciangin Baalah (Kiriath-jearim a cihna) lamah gamgi kawi kual hi;

Thukhente 16:31

Tua ciangin a sanggam pasalte leh a innkuanpihte khempeuh hong paisukin amah la uh a, amah ciahpih to-in Zorah leh Eshtaol kikal-a om a pa Manoah’ han-ah vui uh hi. Amah in Israelte kum sawmnih sung thukhen hi.

Thukhente 17:2

Amah in a nu kiangah, “Ngun peek tul leh peek zakhat nang kiang panin a kigu, tua tawh kisai-in na samsiat, keima zak-in zong na gen pen, en in, a ngun kei kiangah om hi; keimah in ka la hi,” a ci hi. Tua ciangin a nu in, “Ka tapa aw, Topa in thupha hong pia ta hen,” a ci hi.

Joshua 21:21

Efraim mualtung gam-a om mithatte’ ading khuapi Shekhem a lonona gamte tawh, Gezer a lonona gamte tawh,

Joshua 24:30

Tua ciangin amaute in Ga-ash mual leilu lam, Efraim mualtung gam-a om Timnathserah mun-a ama gamhluah leitangah vui uh hi.

Thukhente 3:27

Amah a tun’ ciangin Efraim mualtung gamah peengkul gingsak hi; mualtung gam panin Israel mite amah tawh paisuk uh a, amau’ lutangin amah nei uh hi.

Thukhente 18:13

Amaute tua lai mun panin Efraim mualtung gamah pai suakin Mikah innah tung uh hi.

1 KUMPI MASATE 4:8

Hihte in amaute’ min ahi hi: Efraim mualtung gam sungah Benhur;