Thukhente 16:3 - Tedim Bible

³ Ahih hangin zankim ciang dong Samson lum a, zankim ciangin tho-in khuapi kulh kongpi kongkhakte leh a khuam nihte lenin a zawlte leh a na khempeuh bot to a, a liangko tungah tuate koihin Hebron mai-ah a om mual dawnah tuate pua hi.

Tedim Bible Revision 2017

³ Ahih hangin zankim ciang dong Samson lum a, zankim ciangin tho-in khuapi kulh kongpi kongkhakte le a khuam nihte lenin a zawlte le a na khempeuh bot to a, a liangko tungah tuate pua-in Hebron mai ah a om mual dawnah tuate a tunpih hi.

Thukhente 16:3 Referans Kwoze

Sawltak 2:24

Ahih hangin sihna in tua pa lencip zo lo ahih ciangin Pasian in sihna gimna a sutkhiat khit ciangin, a hing kiksak hi.

Micah 2:13

Pasian in lampi hong hon’sakin, na maiah hong paikhiatpih ding hi, Salsuahna khuapi kulh kongpi panin paikhia-in na suakta ding uh hi. Kumpi ahi Topa mahmah in hong makaih ding hi.

Late 107:16

Bang hang hiam cih leh amah in sumngo kongkhakte sukhamin, sikzawlte tum nih suah hi.

Thukhente 16:2

Gaza mite kiangah “Samson hong pai,” ci-in kigen a, amaute in tua mun umcihin khuapi kulh kongpi-ah zan tawntung amah pangsim uh hi. Amaute zan tawntung dai takin om uh a, “Zingsang khuavak mateng ngak ni; tua ciangin amah i that ding hi,” ci uh hi.

Thukhente 16:4

Hih thu khit ciangin Sorekkuam-ah Delilah a kici numei khat ngai hi.