Thukhente 12:1 - Tedim Bible

¹ Efraim mite galhiam tawi dingin kisam uh a, amaute Zafon-ah galkah uh a, Jefthah kiangah, “Bang hangin Ammon mite sim dingin galkahin, nang tawh a kuan khawm dingin kote hong zawn lo na hi hiam? Na inn nang tawh kong hal nelh ding uh hi,” a ci hi.

Tedim Bible Revision 2017

¹ Efraim mite galhiam tawi dingin kisam uh a, amaute Zafon gun kantanin gal kah uh a, Jefthah kiangah, “Bang hangin Ammon mite a sim dingin gal kahin, nang tawh a kuan khawm dingin kote hong zawn lo na hi hiam? Na inn tawh nang kong halnelh ding uh hi,” a ci uh hi.

Thukhente 12:1 Referans Kwoze

Thukhente 8:1

Tua ciangin Efraim mite in ama kiangah, “Midiante do ding na pai lai-in kote nong sap loh, kote hong bangci bawl na hi hiam?”a ci uh hi. Amaute in nakpi takin amah mawhsak uh hi.

Jeim 3:16

Bang hang hiam na cih uh leh, hazatna leh kidem nopna a om leh, gamlumna leh a kihhuai gilo bawlna apawl apawl a piangsak uh hi.

Johan 10:32

Zeisu in, “Pasian kiang pan ka ngah thupha tampi kong lak zo hi. Tua thu lakah bang thu hangin suang tawh deeng dingin hong kipan na hi uh hiam?” ci-in a dong hi.

Thukhente 14:15

A nili ni-in amaute in Samson’ zi kiangah, “A thu—haksa bang hiam cih hong gen nadingin na pasal zol in, tua hi kei leh nang leh na pa’ inn mei tawh kong hal ding uh a, na si ding uh hi; Kote hong zawngsak dingin hih lai-ah hong sam na hi hiam?” a ci uh hi.

Thuhilh-sia 4:4

Mi khat leh khat, hauh nop man-a kidemna hangin nakpi-a na kisem ahihna ka mu hi. Hih zong a mawknapi hi a, huihpi nung delh mah tawh kibang bek hi.

Late 109:4

Amaute ka itna, amau adinga thu ka ngetsakna nangawn, amaute in hong thukna-in kei hong mawhsak uh hi.

Thukhente 15:6

Tua ciangin Filistia mite in, “Kua in hih hiam?” a ci uh hi. Amaute in, “Timnah mite’ makpa Samson in hih hi; bang hang hiam cih leh amah in a zi lak sakin a lawmte tungah piaksak hi,” a ci uh hi. Tua ciangin Filistia mite hong paito-in tua nu leh a pa mei tawh hal lum uh hi.

Thukhente 11:40

Israel tanute kum khatin ni li sung kum simin Gilead mi Jefthah’ tanu hangin a thuum dingin pai uh hi.

Thukhente 12:2

Tua ciangin Jefthah in amaute kiangah, “Kei leh ka mite in Ammon mite tawh buaina lianpi khat ka nei uh hi; note kong sap ciangin amau’ khut sung panin kei nong honkhia kei uh hi.

Hosea 13:1

Efraimte beh in thu a gen ciangin adangte lau uh a, Israel minam beh dangte in Efraimte beh tung et uh hi. Ahi zongin Baal milim biakna hangin amaute khial uh hi; tua hangin si ding uh hi.

Marka 3:24

Gamkhat sung mi kilem loin a kikhen leh, a kip zo kei ding hi.