Thukhente 11:2 - Tedim Bible

² Gilead’ zi in zong amah tawh tapate nei hi; a tapate a khan’ ciangun amaute in Jefthah notkhia-in ama kiangah, “Ka pa uh inn sungah gamh na luah kei ding hi; bang hang hiam cih leh nang in numei dang’ tapa na hi hi,” a ci uh hi.

Tedim Bible Revision 2017

² Gileadʼ zi in zong amah tawh tapa dang nei hi. A tapate a khan ciangun amaute in Jefthah not khia-in ama kiangah, “Ka pa uh inn sungah gamh na luah kei ding hi; bang hang hiam cih leh nang pen numei dang tawh zawlta na hi lel hi,” a ci uh hi.

Thukhente 11:2 Referans Kwoze

Paunak 2:16

A pasal tungah citak loin a pasal a nusia, Pasian’ mai-ah a kiciamna a mangngilh, kamkhum mahmah tawh nang zol ding a hanciam, numei paktatte panin hong cing ding hi.

Thu-hilhkikna 23:2

“Zawlta peuhmah, Topa ading kikhopna sungah lut lo ding hi; a suan a khak khang sawmna dong nangawnin Topa ading kikhopna sungah tua bang mi kuamah lut lo ding hi.

Piancilna 12:10

Tu-in gamsungah kialpi tung hi. Tua ahih ciangin tua gamah kialpi nasia ahih manin Abram tawlkhat sung a om dingin Izipt-ah paisuk hi.

Paunak 5:20

Ka ta aw, bang hangin numei dang lunggulh ding a, numei dangte’ ngaihban’na iplah ding na hi hiam?

Paunak 5:3

Numei paktatte’ kampau, khuaizu bangin khum mahmahin, a thugente uh a neel dakdak hangin,

Galati 4:30

Ahih hangin Lai Siangtho in bang ci gen hiam? “Sila-numei a tapa tawh hawlkhia in. Silanu’ tapa in sila lo numei’ tapa tawh innluah khawm thei lo ding hi,” ci-in a gen hi.

Thukhente 11:1

Tu-in Gilead khua mi Jefthah in a vanglian galhang khat hi a, ahih hangin amah in a paktat numei’ tapa ahi hi. Gilead in Jefthah’ pa ahi hi.

Thukhente 11:3

Tua ciangin a sanggamte kiang panin Jefthah tai-in Tob gam sungah teeng hi; bangmah manlo mite in Jefthah pawmin amah tawh mite sugawpin pai uh hi.

Piancilna 21:10

Tua ahih ciangin amah in Abraham’ kiangah, “Hih sila-numei a tapa tawh lawnkhia in; bang hang hiam cih leh sila-numei’ tapa in ka tapa Isaak tawh gamhluah lo ding uh hi,” ci hi.