Thukhente 11:12 - Tedim Bible

¹² Tua ciangin Jefthah in Ammon mite kumpipa kiangah kamtaite sawlin, “Ka gam sim dingin kei kiangah nong pai nadingin kei tungah bang thu om ahi hiam?” ci sak hi.

Tedim Bible Revision 2017

¹² Tua ciangin Jefthah in Ammon miteʼ kumpipa kiangah kamtaite sawlin, “Ka gam a sim dingin kei kiangah nong pai nadingin keiʼ tungah bang thu om ahi hiam?” cisak hi.

Thukhente 11:12 Referans Kwoze

Thu-hilhkikna 2:26

“Tua ahih ciangin Kedemoth gamlak panin Heshbon kumpipa Sihon kiangah kilemna thu genin kamtai ka sawl a,

Gamlak-vakna 21:21

Tua ciangin Israelte in Amor kumpipa Sihon kiangah kamtaite sawl a,

Gamlak-vakna 20:14

Moses in Kadesh panin Edom kumpipa kiangah kamtaite sawl a, “Na sanggam ahi Israelte in hih bangin ci hi: Kote’ tuah khak kamsiatna khempeuh na thei hi.

Mattiu 8:29

“Pasian’ Tapa aw, kote in nang tawh bang kikum i hi hiam? A hun hong tung nai lopi-in kote susia ding hong pai na hi hiam?” ci-in a kiko uh hi.

Thukhente 11:11

Tua ahih ciangin Gilead upate tawh Jefthah pai a, mite in amau’ tunga lutang leh makai-in amah koih uh hi; Jefthah in hih thute khempeuh Mizpah khua sung Topa mai-ah gen hi.

Thukhente 11:13

Ammon mite kumpipa in Jefthah’ kamtaite dawng a, “Izipt panin Israelte hong pai lai-in Arnon panin Jabbok leh Jordan ciang ka gam hong lak sak hang ahi hi; tua ahih ciangin tu-in thudamin hong pia kik in,” a ci hi.

Thukhente 12:2

Tua ciangin Jefthah in amaute kiangah, “Kei leh ka mite in Ammon mite tawh buaina lianpi khat ka nei uh hi; note kong sap ciangin amau’ khut sung panin kei nong honkhia kei uh hi.