Thukhente 11:10 - Tedim Bible

¹⁰ Gilead upate in Jefthah kiangah, “Topa in eite kikalah teci hi ding hi; na cih bangin ka hi taktak ding uh hi,” a ci uh hi.

Tedim Bible Revision 2017

¹⁰ Gilead upate in Jefthah kiangah, “Topa pen eiteʼ kikalah teci hi ding hi. Na cih bangin ka gamta ding uh hi,” a ci uh hi.

Thukhente 11:10 Referans Kwoze

Jeremiah 42:5

Tua ciangin amaute in Jeremiah kiangah, “Topa na Pasian in kote’ ading-a nang’ tunga a hong gen bangbang ka zuih kei tak mah uh leh Topa in man takin thei ta hen.

Piancilna 31:50

Ka tanute na bawlsiat a, ka tanute’ ban-ah zi na lak beh leh, eite tawh kuamah a om loh hangin nang leh kei' kikal-ah Pasian in teci a hihna phawk in,” ci hi.

Jeremiah 29:23

Bang hang hiam cih leh amaute Israel gamah hai gamtat uh hi: a innvengte’ zite mawhpih uh a, thu ka piak lohpi ka min tawh zuauthu a gen uh hi. Keimah Topa in ka mu a, teci ka hi hi, hong ci hi,” ci-in a gelh hi.

Piancilna 16:5

Sarai in Abram’ kiangah, “Keimatungah a man lo-a hong kibawlna nangma' tungah hong tung ta hen! Nangma’ kawi dingin ka numei-nasem kong pia a, amah a gai khitna a kitheih ciangin kei hong simmawh bawlin, Topa in nang leh kei’ kikalah thu hong khen ta hen!” ci hi.

2 KORIN NIHNA 11:31

Keimah in zuau thu ka gen kei hi cih a tawntung thupha a ngah Topa Zeisu’ Pa leh Pasian in a thei hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Zekhariah 5:4

Vanglianpen Topa in hih samsiatna a khahkhiatna ding thu gen a, guta mite khempeuh leh a man loin ka min tawh thuciam mite khempeuh’ inn sungah lut ding hi. Tua bang mite’ inn sungah a tawntungin hamsiatna omin, amaute-a kipan a sing a suang, a vekpi-in kisumai ding hi,” hong ci hi.

1 SAMUEL MASA 24:12

Topa in kei leh nang kikalah thu khen hen. Kei’ tunga nong khialhnate Topa in kei taangin nang tungah hong thuk hen; ahih hangin keima khut in nang hong hih lo ding hi.

1 SAMUEL MASA 12:5

Tua ciangin amah in amaute kiangah, “Note in kei tungah bangmah na muh lohna thu uh Topa in note’ lang khatah teci hi a, ama sathau nilhpa zong tu ni-in teci ahi hi,” a ci hi. Tua ciangin amaute in, “Amah in teci ahi hi,” a ci uh hi.

Thu-hilhkikna 1:16

Tua hun lai takin na thukhente uh ka thuhilh a, ‘Na sanggamte uh thu neihte za un la, mi khat leh a sanggampa ahi a, amah tawh a om mi khualpa tawh ahi zongin thu a man takin khen un.

Paikhiatna 20:7

“Topa na Pasian’ min na zangkhai ngaihsut kei ding hi; bang hang hiam cih leh Topa in ama' min a zangkhai ngaihsut mi a mawh lo hi, ci lo ding hi.

Piancilna 31:53

Abraham’ Pasian leh Nahor’ Pasian, amau pate’ Pasian in eite' kikal-ah thu khen ta hen,” ci hi. Tua ahih ciangin Jakob in ama' pa Isaak' Zahtakpa tawh kiciam hi,

Piancilna 21:23

tua ahih ciangin tu-in kei hita leh ka tate hita leh ka suan-le-khakte hita leh tungah a man lopi-in hong bawl loin, nang' tungah thuman tak tawh kong gamtat bangin keima' tung leh tawl khat na omna leitang tungah nong gamtat nadingin Pasian tawh kei tungah hong kiciam in,” ci hi.

ROM (Romans) 1:9

Keimah in thu ka nget ciangin, note thu tawh zomin thu ka ngen niloh hi ci-in a Tapa’ Lungdamna Thu hilhin ka lungsim sungah a na ka sep Pasian in keima lamah teci ahi hi.

Thukhente 11:9

Jefthah in Gilead upate kiangah, “Note in Ammon mite do dingin inn-ah nong ciahpih uh a, kei tungah Topa in amaute hong piak leh keimah in note’ lutang ka hi ding hi,” a ci hi.

Micah 1:2

No minam khempeuhte aw, hih thu za un. Leitunga teeng mi khempeuh aw, hih thu ngai un. Note’ lang khatah Topa Pasian in teci pang a, a vantung biakinn panin thu hong gen hi.