Thukhente 11:1 - Tedim Bible

¹ Tu-in Gilead khua mi Jefthah in a vanglian galhang khat hi a, ahih hangin amah in a paktat numei’ tapa ahi hi. Gilead in Jefthah’ pa ahi hi.

Tedim Bible Revision 2017

¹ Tu-in Gilead khuami Jefthah, a thahat galhang khat hi a, ahih hangin amah pen numeipaktat khat i tapa ahi hi. Jefthahʼ pa Gilead hi a,

Thukhente 11:1 Referans Kwoze

Hebru 11:32

Tua longal bang ci gen lai ding a om hiam? Gideon, Barak, Samson, Jefthah, David, Samuel akipan kamsangte thu teng gen nading hun kicing zo lo hi.

2 KUMPI NIHNATE 5:1

Siria kumpipa’ galkap a uk Na-aman in a topa tawh milian khat hi-in maipha lianpi a ngah mi ahi hi; bang hang hiam cih leh Topa in ama hangin Siria mite gualzawhna pia hi. Amah in a thahat a vanglian khat hi a, ahih hangin amah in a phak ahi hi.

Thukhente 6:12

Topa’ vantungmi ama tungah kilangin ama kiangah, “Topa in nang tawh hong om hi, nang a thahat a vanglian mipa aw,” a ci hi.

Thukhente 10:18

Tua ciangin mite, Gilead makaite khat leh khat in, “Ammon mite do dinga a kipan ngam kua om ahi hiam? Amah in Gilead gam-a teeng mite khempeuh tungah lutang hi ding hi,” a kici uh hi.

Thukhente 11:2

Gilead’ zi in zong amah tawh tapate nei hi; a tapate a khan’ ciangun amaute in Jefthah notkhia-in ama kiangah, “Ka pa uh inn sungah gamh na luah kei ding hi; bang hang hiam cih leh nang in numei dang’ tapa na hi hi,” a ci uh hi.

1 SAMUEL MASA 12:11

Tua ciangin Topa in Jerubbaal leh Barak, leh Jefthah, leh Samuel hong sawl a, na kiim khempeuh uh-a na galte uh khut sung panin note hong honkhia hi; note lungmuang takin na om uh hi.