Thukhente 10:6 - Tedim Bible

⁶ Tua ciangin Israel mite in Topa’ muhna-ah a sia gamta kik uh a, Siria mite pasiante, Sidon mite pasiante, Moab mite pasiante, Ammon mite pasiante, leh Filistia gam mite’ pasiante ahi Baalte leh Ashtaroth’ na sem uh hi; amaute in Topa nusia-in ama’ na sem lo uh hi.

Tedim Bible Revision 2017

⁶ Tua ciangin Topaʼ muhna ah Israel mite a sia gamtakik uh a, Syria miteʼ pasian-te, Sidon miteʼ pasian-te, Moab miteʼ pasian-te, Ammon miteʼ pasian-te, Filistia miteʼ pasian-te le Baal-te le Ashtaroth bia uh a, amaute in Topa nusia-in ama na sem lo uh hi.

Thukhente 10:6 Referans Kwoze

2 KUMPI NIHNATE 23:13

Tua ciangin Israel kumpipa Solomon in Sidon mite’ kihhuaina Ashtoreth’ ading, leh Moabte’ kihhuaina Khemosh’ ading, leh Ammon mite’ kihhuaina Milkom’ ading a lam, Jerusalem nisuahna lam Oliv Mual leitaw lam-a om mual tunga biaknate kumpipa in susia hi.

1 KUMPI MASATE 11:33

bang hang hiam cih leh amah in kei hong nusia a, Sidon mite’ nusian Ashtoreth, Moab pasian Khemosh, leh Ammon mite pasian Milkom bia-in, a pa David bangin keima muhna ah a manin gamtatna leh ka thukhamte leh ka ngeina kipte zuihna tawh ka lampite tawn lo hi.

1 KUMPI MASATE 11:7

Tua ciangin Solomon in Jerusalem nisuahna lam mual tungah Moab mite’ aa ahi, a kihhuai Khemosh leh Ammon mite’ aa ahi a kihhuai Molek adingin mual tunga biakna khat lam hi.

1 KUMPI MASATE 11:5

Bang hang hiam cih leh Sidon mite’ nusian Ashtoreth, leh Ammon mite’ aa ahi a kihhuai Milkom, Solomon in bia hi.

Jeremiah 2:13

Bang hang hiam cih leh ka mite in mawhna nam nih a bawl zo uh hi: nuntakna ciktui ahi keimah a hong taisan zo uh hi; tuikhuk a to tawm uh a, tuikhuk keh-in tui a vung thei kei hi.

Late 106:36

Amau adingin thangzak ahi, amau milimte’ na seppih uh hi.

2 KUMPI NIHNATE 17:16

Amaute in Topa a Pasian uh thupiakte khempeuh nusia-in amau’ adingin a kisung bawngno nih lim bawl uh hi; amaute in Asherah milim khat bawl uh a, vantung a, om nate khempeuh bia-in Baal’ na sem uh hi.

Thukhente 16:23

Tu-in Filistia uliante a pasian uh Dagon tungah biakna lianpi khat a pia ding leh a gualnuam dingin kikhawm uh hi; bang hang hiam cih leh amaute in, “I pasian in i khut sungah i galpa Samson hong pia zo hi,” a ci hi.

2 KHANG TANGTHU NIHNATE 28:23

Bang hang hiam cih leh amah a zo Damaskas’ pasiante tungah biakna pia-in, “Siria kumpite’ pasiante in amaute huh ahih manin amaute in kei hong huh theih nadingin amau’ tungah biakna ka pia ding hi,” ci hi. Ahih hangin tua pasiante in amah leh Israel khempeuh’ siatna ahi hi.

1 KUMPI MASATE 16:31

Nebat’ tapa Jeroboam’ khialhnate zuih ding ama adingin a thu zang tawh a kibat mah bangin, amah in Sidon mite’ kumpi Ethba-al’ tanu Jezebel zi-in la a, pai-in Baal’ na semin bia hi.

1 SAMUEL MASA 5:2

Tua ciangin Filistiate in Pasian’ thuciamna singkuang la-in Dagon inn sungah paipihin Dagon kiangah koih uh hi.

Thukhente 13:1

Israel mite Topa muhna-ah a sia gamta kik uh hi; Topa in Filistia mite’ khut sungah kum sawmli sung amaute pia hi.

Thukhente 6:1

Israel mite Topa muhna-ah a sia gamta uh hi; Topa in Midiante’ khut sungah amaute kum sagih sung pia hi.

Thukhente 4:1

Ehud a sih khit ciangin Israel mite in Topa’ muhna-ah a sia gamta kik uh hi.

Thukhente 3:7

Topa’ muhna-ah Israel mite a sia gamta-in, Topa amau’ Pasian mangngilh uh a, Baalte leh Asheroth-te’ na sem uh hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi; note thau-in, lianpi pha-in, na zol uh hi; tua ciangin amaute a bawl Pasian amaute in nusia-in, amau’ a Honkhiapa thusim lo uh hi.

Thu-hilhkikna 31:16

Tua ciangin Topa in Moses kiangah, “En in, na pu na pate kiang a zuan ding na hi ta hi; nang’ om nawn loh ciangin hih mite in a paina uh mite lakah a gam sung pasiante tawh paktat ding uh a, amaute in kei hong nusia in amaute tawh ka bawl ka thuciamna uh siasak ding uh hi.

Thu-hilhkikna 31:17

Tua hun ciangin amaute tungah ka hehna so-in, amaute nusia-in ka mai ka seel ding a, amaute beimang ding uh hi; tua ni ciangin amaute in, ‘Eite lakah i Pasian a om loh manin hih siatnate i tungah hong tung hilo ahi hiam? a cih theih nadingun amaute tungah siatna leh gimna tampi tung ding hi.

Joshua 13:31

leh Gilead a lang, leh Ashtaroth, leh Edrei, Bashan gam-a Og’ kumpi gam khempeuh ahi hi; hihte amau' innkuan tawh kizui-in Makhir mi a langte adingin Manasseh’ tapa Makhir mite tungah kipia hi.

Thukhente 10:5

Tua ciangin Jair si-in Kamon-ah kivui hi.

Thukhente 11:24

Na Pasian Khemosh in na neih dinga hong piakte tang lo ding na hi hiam? Topa ka Pasian un kote mai-ah a suankhiatte kote in ka tang ding uh hi.

Isaiah 23:4

Sidon aw, maizum in bang hang hiam cih leh tuipi in thu gen khin hi, tua tuipi munmuan huai in: “Keimah in nau paii-in na ka sa ngei kei a, nau ka nei ngei kei hi; ta numei ka khoi ngei kei a, ta pasal zong ka khan’suah ngei kei hi,” ci hi.

Ezekiel 27:16

Edom mite in zong na van tampi hong lei uh hi. Van leina-in emerald suangmanpha, puansan, a kizem puante, saihadial puan hoihte, suangkhi, leh rubi suangmanpha hong pia uh hi.

Thu-hilhkikna 13:6

-

Thu-hilhkikna 13:8

ama cih mang loin, a thu ngai loin, amah hehpih loin, amah khahkhong loin, amah na iim kei ding hi;

Thukhente 8:33

Gideon a sih khit phetin Israel mite kihei kikin Baalte bia uh a, a pasian dingun Baalberith bawl uh hi.

Jeremiah 2:20

“Sawt pek lai-a kipanin ka hakkol kuaitan-in ka ukna nong nial a, hong kihenna khau sutat-in, ‘Na na ka sem kei ding hi,’ nong ci hi. Hi hi, numei paktat na bang a, mualsang tung teng leh singliim nuai tengah milim na bia kawikawi hi.

Jeremiah 32:23

Amau zong hong lut-in a luah pah uh hi. Ahih hangin amaute in na thu hong mang loin, thukham hong zui lo uh a, hih ding a, na thupiakte khat beek a hih kei uh hi. Tua ahih manin amau’ tungah hih siatna khempeuh na tungsak hi.